ISAIA 59:13 - AMÜSÜH HÜM CL Bible (BSI)

¹³ thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

ISAIA 59:13 Iomraidhean Croise

JOB HU H T ANYU 31:28

ha she mahkhaprübonü amülim jide athsümüchibah, tümüde achangbe Thrünpuh ki amülim thsüdo.

MUNGSHIKHÜN 18:21

Tümüde inü Atungpuh yakzanbo ani, tüsho mihbukmuyukde Thrünpuh kheaknü müchamachih.

MUNGSHIKHÜN 78:36

Tütüshe arünü arü münnü api ki thsüpkhilukhi; tüsho arü mulonü akeangyu tha;

MÜCHITMUDU 30:9

jude yungsho hihde alabah tüsho nü reanglode athabah, “Atungpuh ju she a?” Yungsho I zhochihbah tüsho ahühbah, tüsho I Thrünpuh mung müneanjihbah.

ISAIA 10:1

Nüsa shepünü thiyuro mülakhi yakzan thsüchonü are, shepünü ajunobe yuzüng thrütcho,

ISAIA 30:12

Jumonü Israel yo Amüsühbuh Khülangnü ha thachoh: Tümütüsho nüsanü ha yu bahyukchoh, tüsho nüsa kinkhi ju junokhi tüsho arükchih ching lah, tüsho arü kheak angükihchoh;

ISAIA 31:6

Nüsanü tode azhihbuh kilim rholoang, O Israel mihtsürü.

ISAIA 32:6

Tümüde makharünü mudukmüke yu asukchoh, tüsho arü lümkhi ju amütsünü makeangde lah: Thrünpuh mümükheahkhi rhimopü, Atungpuh dünkheak lakshi thapü, akhümrü bukmüthsüde zojihpü tüsho kethürirü yungpü tukloshihpü lah.

ISAIA 48:8

Nünü küyimkishe musoakheah, nünü küyimkishe mümükheahkheah, adüsonü nü nükhün mükhimshuh. Tümüde nünü khide akinashu mülade arhimobah de inü mükheah, tüsho nuyam chingnü nü a azhihrü de ajikheah.

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

ISAIA 57:11

Nünü she ki trekhea, junangde nünü akeangyu thakhea tüsho I mülümkhit yungsho I kilim lümkhi müjihkhea? Inü kim ashangkhüh zhikde alamo nünü I mütrekhea de?

ISAIA 58:13

Nünü amuni junokhi chingnü I yo amüsüh nimung ching nü künkhi müshamkhi chingnü chamkhisho; nünü ha asühpü tüsho Atungpuh nimung wüntrebe amüsüh nimung de jisho; nünü ju akin jihsho, nü limrobo ching müyüde, nü künkhi mürhimode, yungsho nü yubo masuksho;

ISAIA 58:2

Tütüshe nimung abande arünü I yimchoh tüsho I limrobo mükheahpü asühchoh, arü ju thiyuro-lungki lakhi trükshih tüsho arü Thrünpuh yuzüng mübahyukkhi nangde; arünü I ki thiyuro-lungki mahkhapbo keokhichoh, arünü Thrünpuh kilim thüninpü asühchoh.

ISAIA 58:9

Judüki nünü ajibah, tüsho Atungpuhnü alojihbah; nünü arung thsungkheak zhibah, tüsho apinü athabah, Ha kheak I lah. Nünü nüsa bolungnü sangkap, yingkhing athsokhi, amütsü yihkhita bahsho,

JEREMIA 12:8

I yamrüplurüp I ki murung ching kekhüzü nangde kamabahdo; anihbenü I azhihde anihbe düsheak shuhkihdo jumonü inü anihbe thraneankheah.

JEREMIA 17:13

O Israel mulonglam! O Atungpuh ! Nü bahyukrü alala achih ngübah; sherü nü kheaknü rholode tsochonü alo ching thrütyukbah, tümüde arünü rhangdung ke-bukpung, Atungpuh bahyukdo.

JEREMIA 2:13

tümüde I mihtsürübonü amülim mahne yihbeakdo: arünü I, rhangdung kenü bahyukdo, tüsho arünü arü thsungkheak kekhip, ke mükinglokhukkhi atrükhi kekhip kiua lah.

JEREMIA 2:16

Ju lang yung, Memphis tüsho Tapanhes mihtsürübonü nü kuro yihrüpdo.

JEREMIA 2:17

Ha apinü nü limro ching bechoki Atungpuh nü Thrünpuh bahyukkhinü nü kheak handarükhi yung de?

JEREMIA 3:10

Tütüshe dükde mülakhi anihbe achi Judanü mulong athrünkhinü I kilim malodarü, tüshe rüklimnü lang ah, Atungpuhnü thachoh.

JEREMIA 3:20

Tüshe akin mülakhi niuberünü ayamkhünbuh bahbah atsokhi nangde, nünü I ki akin mülade lado, O Israel yamkhün, Atungpuhnü thachoh.

JEREMIA 32:40

Inü arü ki küyimkishe atsü rhimokhi mutuklopü akheam müla tangzüng khülang thsübah; tüsho arü mulong ching I trepü inü ayukjihbah, junangde arübo I kheaknü müchamachih.

JEREMIA 42:20

junangde nüsa ashepü lakmihpü lah. Tümüde nüsa zangrünü Atungpuh nüsa Thrünpuh kilim I thaa yüshih, “ Isa thsungkheak Atungpuh isa Thrünpuh ki tamkhüntamnüjang, tüsho Atungpuh isa Thrünpuhnü tümüpürü thabanü isa ki thaang tüsho isanü ju rhimobah.”

JEREMIA 5:23

Tüshe ha mihtsürü anihnih tüsho azhihkhi mulong lah; arünü anguhdo tüsho tsoabahdo.

EZEKIEL 18:25

Tütüshe nünü thachoh, “Atungpuh limro thiyuro yung.” Aniang, O Israel yamkhün: I limro thiyuro yung de? Nü limrobo thiyuro mülakhi yung de?

EZEKIEL 6:9

Judüki arü ramde ayükhi trükshihbo ching atsokhitrünü I lümkhitbah–künangde arü müzammüram mulongbonü I mulong tukthsüshihkhea, küpü I kheaknü rholode atsokhea, tüsho arü mükjibonü arü sangthsübo kheah-a mürühkhea. Arünü arhimokhi amütsü thsungkheak tüsho arünü athraneanbe rhimokhi alala arünü amukhiukbah.

HOSEA 1:2

Küyimki akhuhde Atungpuhnü Hosea hode asukkhea, Atungpuhnü Hosea ki tha, “ Yüang, müzammüramberü nü niube thsüpü luang tüsho müzammüramrü tsührübo lashang, tümüde lominü Atungpuh bahyukde müzammüram ato yihbeakdo.”

HOSEA 11:12

Ephraimnü akeangyu thade tüsho Israelnü mülapmüjinü I mükamdolah; tüshe Juda a Thrünpuhnü mükheahdü lang lah, tüsho Amüsühbuh Khülang ki thiyuro lah.

HOSEA 6:7

Tüshe Adam ching arünü tangzüng lakmih; ju ching arünü akin mülade I ki rhimo.

HOSEA 7:1

Küyimki inü Israel thsüngupü lümbanü, Ephraimnü athsümünimkhi, tüsho Samarianü mihbukmuyuk rhimokhi akhiuka huhchoh; tümüde arünü mülimde rhimochoh, ahührünü chakashungde yüzahchoh, tüsho khukshikrünü wungdo ahühchoh.

HOSEA 7:13

Arü are, tümüde arübo I kheaknü tsodo! Arü athsümünim kamshang, tümüde arünü I azhihdo! Inü arü khümkhitpü künkheah, tüshe arünü I azhihde akeangyu asukchoh.

AMOS 6:12

Khorabonü lungbo kheak alihcho de? Khürünü moshipungbo bebah keto mülapcho de? Tüshe nüsanü thiyuro ju müzüm kamshihdo thiyuro-lungki sangaso ju akhüh kamshihdo.

MATHI 10:33

Tüshe shepünü mihtsürübo miki I bahyukbanü, yinmi ching labuh I Buh miki inü api bahyukbah.

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.

IBRI 3:12

Keoniorübo, kümkangang, jude yungsho nüsa bolung mükinkhi mulong khürünü nüsa arhang Thrünpuh kheaknü bekhide atsobah.

JAKOB 1:15

Amütsü künkhi küyimki mihlabanü neak zübejihchoh; tüsho küyimki neak azorü kambanü ashepü handarüchoh.

JAKOB 3:6

Tüsho mulo ju mo ah. Ha isa pang shihcham bolung amütsü lomi, pang athrünkhi thsümünimjihde, thsümüchi chingnü arükhi mo kheak rhangdung athrünkhi yihkih-a takchoh.

JIHUSUA 24:27

Jihusuanü mihtsürü alala ki tha, “ Kheahang, ha lungnü isa thiyumütsan thsübah; tümüde Atungpuhnü isa ki thakhi yu alala sodo; jumonü nüsa Thrünpuh kheak thiyuro mülasho hanü nüsa azhihde thiyumütsan thsübah.”