ISAIA 58:8 - AMÜSÜH HÜM CL Bible (BSI)

⁸ Judüki nü yo ayin yapsu nangde atahbah, tüsho nahde nü thsüngubah; nü thiyuro-lungki nü müngüh yübah, Atungpuh müretahkhinü nü dunglim aheangbah.

ISAIA 58:8 Iomraidhean Croise

JOB HU H T ANYU 11:17

Tüsho nü rhangdung ju animuro kheaknü ayinbe labah; nü mitingde lalashe yapsu nangde alabah.

MUNGSHIKHÜN 112:4

Alungkirü kilim amiting ching ayin akhiukbah; api amüthsüm lah, muzhomüyi tüsho thiyuro-lungkinü milah,

MUNGSHIKHÜN 37:6

Apinü nü alim mütsankhi ayin nangde, tüsho nü alim animuro nangde hande arübah.

MUNGSHIKHÜN 85:13

Thiyuro-lungki ju api müngüh yübah, tüsho api jing düküpü limro thsakhambah.

MUNGSHIKHÜN 97:11

Thiyuro-lungkirü kheak ayin tahchoh, tüsho mulong ching lungkirü kheak asühpü lah.

ABEKHIT 14:19

Tüsho Israel bonungrü müngüh yükhi Thrünpuh yunirünü rholobah arü dunglim yü; tüsho amo dungto arü mikhuhnü yübah arü dunglim zhip.

MÜCHITMUDU 11:17

Amüthsüm lakhi mihtsürünü nihbuh me atsü thsungkheak rhimochoh, tüshe shepü bukmükenü nihbuh kheak küpkhuk hande arüchoh.

MÜCHITMUDU 11:25

Salarü mihtsürü lalim tsüde akambah; shepünü püpürü rungbanü nihbuh runglobah.

MÜCHITMUDU 4:18

Tüshe alungki tsahpung ju ani akhiukde animuro alü yinde atahkhi nangde lah.

ISAIA 26:2

Chipiripitbo khimshuhang, junangde thiyuro-lungki trükshihbo akin larünü ayüzahbah.

ISAIA 30:26

Kheaküshe Atungpuhnü api mihtsürü yurikhi rümjihkhi tüsho apinü ashikkhi mübo thsünguchoki nimung khinu ayin ju ani ayin nangde alabah, tüsho ani ayin ju thüne ki ayinatrüm, nimung thüne ayin nangde alabah.

ISAIA 33:24

Tüsho lomi ching larü shenü, “ I tukthsülah” de mütha; ju ching larü mihtsürübo arü mülimkhi neak bahjihbah.

ISAIA 52:12

Tümüde nüsa niokheamde muwukhiuk, tüsho nüsa shande müyüzah; tümüde Atungpuh nüsa müngüh yübah tüsho Israel Thrünpuh nüsa dunglim aheangrü thsübah.

ISAIA 57:18

Inü arü limrobo ngüdo, tüshe inü arü thsüngubah; inü arü bebah tüsho mulong shukheam jihlobah, Israel ching mihtsürü mün kheak mungshi lashihbah:

ISAIA 60:1

Asürang, yinshang; tümüde nü yo ayin arüdo, tüsho Atungpuh müretahkhi nü kheak asürüdo.

ISAIA 60:2

Kheahang, amitingnü alomi lüpdobah, tüsho kheahde amitingkhinü mihtsürübo yihdobah; tüshe Atungpuh nü kheak asürübah, tüshe api müretahkhi nü kheak labah.

ISAIA 62:1

Anihbe akuk ngükhi yapsu nangde mütahyi khiungde, tüsho anihbe akhümkhit tsün nangde mütahyi khiungde, Zion thsungkheaknü inü zhikde müla, tüsho Jirusalem thsungkheaknü inü sühakhim mulu.

JEREMIA 30:17

Tümüde inü nü shihphü tsüloshihbah, tüsho nü mübo inü athsüngubah, Atungpuhnü thachoh, tümütüsho arünü nüsa ki ayankhitkhi de jido: “Ha Zion; shenü anihbe thsungkheak mükümchoh!”

JEREMIA 33:6

Tütüshe inü shihphü jihlobah tüsho thsüngubah; inü arü thsüngubah tüsho lalim atsü tüsho kurampung suhdahde inü arü ki huhbah.

HOSEA 14:4

“ Inü arü akin-mülakhi thsüngubah; inü akeangnü arü muzhobah, tümüde I bukakhiukkhi arü kheaknü tsodo.

MALAKI 4:2

Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

MATHI 13:15

tümüde ha mihtsürü mulong makhaa lah, asopü arü nükhünbo düngdünglah, tüsho mükjibo tuka lah, jude müthsükhülaa arü mükbonü angübah, tüsho arü nükhünbonü asobah, jude müthsükhülaa arü mulongnü anikhitbah arholobah tüsho inü arü thsüngujihbah.’

YUNIRÜBO RHIMO 10:31

tüsho tha, ‘Kornelia, Thrünpuhnü nü tamkhüntamnü sodo tüsho nünü jihchungkhi lümkhitdo.

YUNIRÜBO RHIMO 10:35

tüshe trükshih alala ching shepünü api trecho tüsho alungki rhimobanü api kilim aleangkhikhukbe lah.

YUNIRÜBO RHIMO 10:4

Apinü trede api kheak kheah, tüsho tha, “Ju tümü a, Atungpuh?” Tüsho apinü anihbuh ki tha, “Nü tamkhüntamnü tüsho arung-jihkhibo mümihbe thsüde Thrünpuh miki akihdo.