ISAIA 58:5 - AMÜSÜH HÜM CL Bible (BSI)

⁵ Inü mokhitkhi khümkeak ha, nihbuh azhihayihpü nimung yung de? Sangrung nangde aku koyupü, tüsho shungliukhim le awah ching yapbea de? Nünü ha Atungpuhnü leangkhikhukbe nimung, khümkeak ah de ajiba de?

ISAIA 58:5 Iomraidhean Croise

2 KIULONG THSÜRÜ 6:30

Küyimki kiulongthsüpuhnü alibe yu sokhea, apinü akhim thorüp, tüsho api kiuto chipi kheak tsahde alachoki api pang alunglim shungliukhim lah de mihtsürübonü ngü.

2 KIUTHSÜYUKHEAN 20:3

Jehoshaphatnü trede alakheah; apinü Atungpuh yimpü thsakham, tüsho Juda alala ching, khümkeak thsüpü zhiyuk.

EZRA 10:6

Tüsho Ezranü arüngyam mikinü akhinde Eliashib tsührü Jehohanan yam khiungshak ching yü, tüsho ramtsorü akin niukniukkhi dünkheak mütsühyungde tüzhode tsüngrekhüh bin.

EZRA 8:21

Judüki isa tsührübo, kukrukbo tüsho isa thsungkheaknü limro mukhiungarihdo yimkhita lupü thsüde, Thrünpuh ki isa küdah thsüde azhihayihde khümkeak thsüpü Ahava ayung kinü inü zhiyuk.

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

ESTER 4:3

Kiulongthsüpuh yukhüm khiungkhi lomi alala ching, Jihudarü atüzhokhi ato lakheah. Arünü khümkeak thsüde trip, tüsho mitripde ahihkhühnü shungliukhim phuyubah awah ching awuh.

JOB HU H T ANYU 2:8

Jobnü amü hütpü phühkheam lu, tüsho awah ching bin.

MUNGSHIKHÜN 69:13

Tüshe I a, nünü amulongkhi kim ching I tamkhüntamnü nü kilim lah, O Atungpuh ; O Thrünpuh, nü amüthsüm todakkhi ching, nü thiyuro akhümkhit ching I ki anijang.

ISAIA 49:8

Atungpuhnü ha thachoh: Amulongkhi kim khülang ching inü nü ki alojihdo, akhümkhit nimung khülang ching inü nü rungdo; inü nü kümde zodo tüsho nü tangzüng khülang nangde lomi laloshihpü, thsümünima lakhi yamrüplurüp arünü alushihpü mihtsürübo kilim jihdo;

ISAIA 58:3

“Tümü thsükhi isanü khümkeak thsücho, tüshe nünü müngü? Tümü thsükhi isanü azhihayihcho, tüshe nünü mükheahkhit?” Kheahang, nü khümkeak nimung nü künkhi nünü rhimochoh, tüsho nü rhimobo alala junochoh.

ISAIA 61:2

Atungpuh mulongkhi kam zhiyukpü, tüsho isa Thrünpuh royimkhi nimung zhiyukpü; tüzhode alarü alala shukheampü;

LEVI 16:29

Ha nüsa thsungkheak lünnü thiyuzüng thsübah: Khinu thüne nimung athürü nipü nüsa Israelrü tüsho nüsa lung lakhi khiungkerübonü khümkeak thsübeah tüsho tümü she mürhimobeah.

LEVI 16:31

Ha nüsa thsungkheaknü sühakhim amunimung tüsho nüsanü khümkeak thsübeah. Ha kamruhroro thsungkheak yakzan thsükhi lah.

ZEKARIA 7:5

Lomi mihtsürü alala tüsho amükeamrübo ki thaang: Nüsanü ha kam nerü khinu phüngü tüsho thüne ching khümkeak thsükhi tüsho tüzhokhi ju I thsungkheak lakhea de?

MATHI 6:16

“Küyimki nünü khümkeak thsübanü, yiuhkhaprübo nangde jak mitinga dühuh tümüde arünü mihtsürübo ki arü khümkeak thsükhi huhpü arü mirobo müneanchoh. Inü nüsa ki thiyuro thachoh, arü thsambah ngüabahdo.

LUKNÜ ATHRÜTKHI THIYUSHEAK-ATSÜ HUHTANYU 4:19

tüsho Atungpuhnü amulungkhi kam zhiyukpü thiyi.”

ROMRÜ KILIM PAULNÜ ATHRÜTKHI KIHÜM HUHTANYU 12:2

Ha lomi yakli yande düla tüshe nüsa lümkhi aso kamde thsüphuloang, junangde nüsanü Thrünpuh lümkhi tümü atsü a, aleangkhikhukbe a tüsho khiukdahkhi lanü amütsanbah.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.