ISAIA 58:3 - AMÜSÜH HÜM CL Bible (BSI)

³ “Tümü thsükhi isanü khümkeak thsücho, tüshe nünü müngü? Tümü thsükhi isanü azhihayihcho, tüshe nünü mükheahkhit?” Kheahang, nü khümkeak nimung nü künkhi nünü rhimochoh, tüsho nü rhimobo alala junochoh.

ISAIA 58:3 Iomraidhean Croise

EZRA 8:21

Judüki isa tsührübo, kukrukbo tüsho isa thsungkheaknü limro mukhiungarihdo yimkhita lupü thsüde, Thrünpuh ki isa küdah thsüde azhihayihde khümkeak thsüpü Ahava ayung kinü inü zhiyuk.

NEHEMIA 5:7

Tsüde lümakheahbah inü limberü tüsho atorübo thürühde tha, “Nüsanü nüsa keoniorü sholü tsühchoh!” Jumonü arü azhihde inü boto jimukhung.

JOB HU H T ANYU 34:9

Tümüde apinü tha, “Thrünpuh lung asühkhinü tümü alü müla.”

MUNGSHIKHÜN 69:10

Küyimki inü atripba tüsho khümkeak thsübanü, mükhemükimkhi inü arümpü kamchoh;

MÜCHITMUDU 28:9

Shepünü yakzan anipü chingnü anükhün anguhde tsochonü, api tamkhüntamnü athraneanbe labah.

ISAIA 22:12

Ju nimung ching Wuto Atungpuh Thrünpuhnü atrippü tüsho atüzhopü, ku hütpü tüsho shungliukhim phuyupü jikheah;

ISAIA 22:13

tüshe ju müthri asühachih tüsho thünio lakheah, moshipung tüsho namfimihnu laksahde, shih tsühde tüsho yukhu yungde la. Nüsanü tha, “ Isanü tsühanü tüsho yunganü, tümüde shido isa ashebah.”

ISAIA 47:6

Inü I mihtsürü kheak bukakhiuk, inü I yamrüplurüp müneanjih; inü arübo nü khah ching jih, nünü arü ki mihmüthsüm muhuh; ashinbuhrü kheak nünü khide hah mülangshih.

LEVI 16:29

Ha nüsa thsungkheak lünnü thiyuzüng thsübah: Khinu thüne nimung athürü nipü nüsa Israelrü tüsho nüsa lung lakhi khiungkerübonü khümkeak thsübeah tüsho tümü she mürhimobeah.

LEVI 16:31

Ha nüsa thsungkheaknü sühakhim amunimung tüsho nüsanü khümkeak thsübeah. Ha kamruhroro thsungkheak yakzan thsükhi lah.

LEVI 23:27

Ha khinu thüne nimung thürü nipü ju neak dünthsükhikhi nimung labah; nüsa thsungkheaknü ha nimung amüsüh amukhungkhi kim labah, tüsho nüsanü nüsa nihbe me thsünübah tüsho Atungpuh kilim taka kingaünkhi jihbah.

MALAKI 3:14

Nüsanü thado, “Thrünpuh tankihpü akeangkeang ah. Api yukhüm zokhinü yungsho Wuto Atungpuh müngüh mitriprü nangde ayükhinü isa tümü alü thsücho?

WÜHKHE 23:4

Thrünpuhnü api shoru tüsho Balaamnü tha, “ Inü kingaün sadam thüne thsakhamdo, tüsho inü kingaün sadam abande moshipung 1 tüsho mihnupung 1 de kingaündo.”

LUKNÜ ATHRÜTKHI THIYUSHEAK-ATSÜ HUHTANYU 15:29

Jumonü apinü abuh ki tha, ‘Kheahang, kam ahihdo inü nü tankihde arüdo; küyimkishe inü nü yukhüm mülakmih; tüshe nünü küyimkishe I kilim I müyamrü lung asühachihpü thsüde mihnu nunu müjih.