ISAIA 58:2 - AMÜSÜH HÜM CL Bible (BSI)

² Tütüshe nimung abande arünü I yimchoh tüsho I limrobo mükheahpü asühchoh, arü ju thiyuro-lungki lakhi trükshih tüsho arü Thrünpuh yuzüng mübahyukkhi nangde; arünü I ki thiyuro-lungki mahkhapbo keokhichoh, arünü Thrünpuh kilim thüninpü asühchoh.

ISAIA 58:2 Iomraidhean Croise

MUNGSHIKHÜN 119:15

Inü nü yukhümbo tamkhüntamnüde alümbah, tüsho nü limrobo lümakheahbah.

MUNGSHIKHÜN 119:151

Nü thüninde lah, O Atungpuh , tüsho nü yukhümbo alala thiyuro ah.

MUNGSHIKHÜN 119:87

Arünü I alomi kheak kheammüchihshihdo, tüshe inü nü yukhümbo mübahyuk.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

ISAIA 1:28

Tüshe azhihrü tüsho aneakrübo rukhühnü adükheakbah, tüsho sherünü A TU N GPU H bahyukchonü muyuabahbah.

ISAIA 1:4

Ah, neak lakhi trükshih, amülimkhinü mihtsürübo ajapbah lah, amütsü rhimokhi münü, athsümünim rhimorü tsührü, shepünü Atungpuh bahyuk, shepünü Israel Amüsühbuh Khülang mükhemükim, sherübo shahde chamkhibah la!

ISAIA 29:13

Atungpuhnü tha: Tümütüsho harü mihtsürünü arü münnü phünide arüchoh tüsho arü münküpnü I wüntrechoh, tüshe arü mulong a I kheaknü limshulah, tüsho arü kingaünkhi ju mihtsürü yukhüm lümkangyunü anikhitkhi lah;

ISAIA 42:20

Apinü ahihdo ngülah, tüshe jurü mükheahyuk; api nükhünbo khimshuhlah tüshe apinü muso.

ISAIA 57:12

Inü nü thiyuro-lungki tüsho nü rhimobo lahkhita huhbah, tüshe arünü nü murung.

ISAIA 57:3

Tüshe nüsa thsungkheaknü a, nüsa thümüthiyirü tsührübo, nüsa müzammüram tüsho pang yinrü tsührübo ha ching arang.

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

JEREMIA 42:2

wukihbuh Jeremia ki tha, “ Isanü mushukhi tsüde anijang, tüsho isa thsungkheak Atungpuh nü Thrünpuh ki tamkhüntamnüjang– harü aningkhi alala thsungkheak. Tümüde nü müknü ngülah, ahihdo chingnü isa anükhüh lang aningdo.

JEREMIA 42:20

junangde nüsa ashepü lakmihpü lah. Tümüde nüsa zangrünü Atungpuh nüsa Thrünpuh kilim I thaa yüshih, “ Isa thsungkheak Atungpuh isa Thrünpuh ki tamkhüntamnüjang, tüsho Atungpuh isa Thrünpuhnü tümüpürü thabanü isa ki thaang tüsho isanü ju rhimobah.”

JEREMIA 7:10

tüsho arübah ha yam ching I miki zhipba de, küpü I mungnü ji, tüsho harü athraneanbe lang arhimopü isa ki jihdo de athabea de?

JEREMIA 7:9

Nüsanü ahühba de, alaksahba de, müzammüramba de, akeangyu thade thiyuchihchimba de, Baal kilim kingaünba de, tüsho nüsanü mümükheahkhi thrünpuhbo kilim yüba de,

EZEKIEL 20:3

Mihtsürü tsührü, Israel azothsürü ki asukang tüsho arü ki thaang, Wuto Atungpuhnü thachoh: Nüsa I keokhikeorapü arükhea de? Tsükjide I lale, nüsa I mükeokhishih, Wuto Atungpuhnü thachoh.

AMOS 5:18

Nüsa sherünü Atungpuh nimung künchonü ayokhe! Tümüde nüsanü Atungpuh nimung küncho? Ha amiting ah, ayin yung;

MARK 12:14

Küyimki arübo arükhea, arünü api ki tha, “Thsangyurü, nü a thiyuro tüsho nünü mihtsürü kheyuka müla, tüshe thiyuro ching Thrünpuh limro thsangyuchoh de isanü mükheahlah. Isanü Kaesar kilim ruk jihpü yakzan la shi müla?

MARK 6:20

tümütüsho Herodnü api thiyuro tüsho amüsüh mihtsürü thsükhinü Johan tre, tüsho api kümdo. Kim aban api dünkheak sobah khide phümüsüpa lalashe apinü anihbuh ki anipü kün.

JOHAN 5:35

Api ju takde tüsho yinde alakhi tsün lakheah, tüsho nüsanü api ayinatrüm ching asühachihpü mulongde alakheah.

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.