ISAIA 58:13 - AMÜSÜH HÜM CL Bible (BSI)

¹³ Nünü amuni junokhi chingnü I yo amüsüh nimung ching nü künkhi müshamkhi chingnü chamkhisho; nünü ha asühpü tüsho Atungpuh nimung wüntrebe amüsüh nimung de jisho; nünü ju akin jihsho, nü limrobo ching müyüde, nü künkhi mürhimode, yungsho nü yubo masuksho;

ISAIA 58:13 Iomraidhean Croise

MUNGSHIKHÜN 122:1

Küyimki arünü, “Isanü Atungpuh yam ching yüanü,” de I ki thakheanü I asüh.

MUNGSHIKHÜN 27:4

Inü Atungpuh ki tümükhüh khülang kheang, ha inü ayimkhi lakheah: junangde inü Atungpuh akhamkhi kheahpü, tüsho arüngyam ching api yimpü I rhangdung amuyung Atungpuh yam ching labah.

MUNGSHIKHÜN 42:4

Küyimki inü harü lümkhitbanü, I me thurukhitchoh. Tümüde inü asühkhi düsheak thsüde, tüsho makshe jihde boto lung Thrünpuh yam lim yü.

MUNGSHIKHÜN 84:10

Nü arüngyam ching lakhi nimung khülang ju püpü lim chithürü kheaknü atsübe; mihbukmuyukrü khimyambo ching lapü dün a I a Thrünpuh yam ching ripit-neakrü thsübah.

MUNGSHIKHÜN 84:2

Atungpuh arüngyam thsungkheak I menü künsahde kamchoh; I mulong tüsho I shihnü arhang Thrünpuh thsungkheak zhichoh.

ABEKHIT 35:2

Nimung thuruk rhimo rhimobah, tüshe thüne nipü ju nüsa amüsüh nimung, Atungpuh kilim sühakhim Amuni labah. Shepünü ha nimung rhimo rhimobanü asheshihbah.

ABEKHIT 35:3

Amuni nüsa lapungbo ching mo she düthsü.”

ISAIA 55:8

Tümüde I lümkhibo ju nü lümkhibo yung, yungsho nü limrobo ju I limrobo yung, Atungpuhnü thachoh.

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

EZEKIEL 44:24

Atsangachihkhi ching arünü mahkhaprü nangde arhimobah, tüsho I mahkhapkhi yande arünü khapzhakbah. Akhukhitkhi I yo thüniobo dünkheak arünü I yakzanbo tüsho I yuzüngbo alala zobah, tüsho arünü I yo amunibo müsühde azobah.

LEVI 19:3

Nüsa mihbüm abannü berü tüsho buhrü wüntreang, tüsho I yukhüm yande amuni mungbeah. I Atungpuh nüsa Thrünpuh.

AMIKHEAKAKHIUKKHI 1:10

I Atungpuh nimung Me ching lakheah, tüsho hulipungpung nangde düsheak achangnü I dunglim so,