ISAIA 58:10 - AMÜSÜH HÜM CL Bible (BSI)

¹⁰ nünü tsühyungpü akhümrü kilim jihsho tüsho thsünürü yihnüpü reangkeamshihsho, nü yo ayin amiting ching tahbah tüsho nü yo amiting ju animuro nangde alabah.

ISAIA 58:10 Iomraidhean Croise

JOB HU H T ANYU 11:17

Tüsho nü rhangdung ju animuro kheaknü ayinbe labah; nü mitingde lalashe yapsu nangde alabah.

JOB HU H T ANYU 31:31

I khimyam ching larünü mütha shi, “Nihbuh shih kheak reangmükeamrü she la le?”

MUNGSHIKHÜN 112:4

Alungkirü kilim amiting ching ayin akhiukbah; api amüthsüm lah, muzhomüyi tüsho thiyuro-lungkinü milah,

MUNGSHIKHÜN 37:6

Apinü nü alim mütsankhi ayin nangde, tüsho nü alim animuro nangde hande arübah.

MUNGSHIKHÜN 41:1

Shepünü zhochihrü lümrhihde lachonü asühpü; Atungpuhnü küpkhuk kim ching api rungbah.

MÜCHITMUDU 14:31

Shepünü zhochihrü junochonü nihbuh Thrünrü bahyukchoh, tüshe shepünü api wüntrechonü müthsümülarü kheak mihmüthsüm lah.

MÜCHITMUDU 28:27

Shepünü zhochihrü kilim jihchonü zholümde müla, tüshe shepünü mükbo tukchonü muthrumüneanbo ahihdo labah.

ISAIA 29:18

Ju nimung nükhünpeangrünü thrütqiu yubo sobah, tüsho azhingdokhi tüsho amiting chingnü müktukrü müknü angübah.

ISAIA 42:16

Inü müktukrü arünü mümükheahkhi limronü abebah, arünü mümükheahkhi tsahpung ching limbebah. Inü arü müngüh amitingnü ayin kamshihbah, mutromutruk dangpungbo alo arih kamshihbah. Harü ha inü arhimobebo lah tüsho inü harü mübahyuk.

ISAIA 60:2

Kheahang, amitingnü alomi lüpdobah, tüsho kheahde amitingkhinü mihtsürübo yihdobah; tüshe Atungpuh nü kheak asürübah, tüshe api müretahkhi nü kheak labah.

EZEKIEL 18:16

Apinü sheshe mujuno yungsho shozüng thsungkheak thiyuchihchim mulu. Apinü müjangkhijangra tüshe akhümrü kilim api tsühyungpü jihchoh tüsho bünkeangrü kilim khimmih jihchoh.

ZEKARIA 14:7

Tüsho ju ching mutukzhakde animung labah (Atungpuhnü ha mükheahlah), animung tüsho are müla, tümüde azhing kim ching ayin labah.

ZEKARIA 6:15

Sherübo limshude lanü arübah tüsho Atungpuh yam thsüpü rungbah; tüsho Wuto Atungpuhnü I ju nü kilim thiyikheah de nünü amükheahbah. Nünü düshihde Atungpuh nü Thrünpuh yu anisho ha adünjibah.

LUKNÜ ATHRÜTKHI THIYUSHEAK-ATSÜ HUHTANYU 18:22

Küyimki Jisunü harü sokhea, apinü anihbuh ki tha, “Nü kheaküshe khülangnü maban. Nü lakhi alala yinang tüsho zhochihrü kilim chama jihang, tüsho yinmi chingnü nü rahpung labah; tüsho arang, I dunglim yanang.”

YUZÜNGTHALO 15:4

“Tümütüsho, nüsa bolung sheshe zhochihrü mülabeah, tümüde A TUN GPU H nüsa Thrünpuhnü nüsa kilim yamrüplurüp jihkhi lo ching apinü nüsa suhdahde müngühjihbah,