ISAIA 57:7 - AMÜSÜH HÜM CL Bible (BSI)

⁷ Khide achang awungbo kheak nünü nü yapkiu kheanga zolah, tüsho ju ching nünü laksah-a kingaünpü wutudo.

ISAIA 57:7 Iomraidhean Croise

ISAIA 57:3

Tüshe nüsa thsungkheaknü a, nüsa thümüthiyirü tsührübo, nüsa müzammüram tüsho pang yinrü tsührübo ha ching arang.

ISAIA 65:7

arü mülimkhibo tüsho arü jipürü mülimkhibo rukhühnü, Atungpuhnü thachoh; tümütüsho arünü awungbo kheak rhümthüneabe tak, tüsho awung mujukbo kheak I azhihde tha, jumonü ahokhi rhimobo thülünde inü arü thsümüchibah.

JEREMIA 2:20

Ashang tsodo, nünü nü sangkaplak yihshak tüsho thiyuchihchim yihshakabah, tüsho nünü tha, “ Inü mütankih!” Awung achang abande tüsho sangdung phüyak aban khüp müzammüramrü nangde nünü yap.

JEREMIA 3:2

Awung mujukbo kheak abina kheahang! Küching nü müyapkhi la? Loshelo ching Arabrünü ajimkhi nangde limro mungyean nünü muzhoachihrü aleangkheah. Nü müzammüram tüsho mihbukmuyuknü lomi müneanjih.

JEREMIA 3:6

Kiulongthsüpuh Josia nimungbo ching Atungpuhnü I ki tha: Anihbenü arhimokhi nünü ngünah, akin mülakhi khülang, Israel, künangde anihbenü awung aban yükihkhea tüsho sangdung phüyak aban khüp müzammüram rhimokhea?

EZEKIEL 16:16

Nünü nü khimmih khürü lu tüsho nü thsungkheak akheahpü aphuaphu arüngakopungbo thsü, tüsho jurü kheak müzammüram thsü; hadürü müdünjiakheah yungsho küyimkishe adünjibe yung.

EZEKIEL 16:24

nünü nü limro yean aban kheak sangthsü kingaünpü tüsho müzammüram dangpungbo thsü.

EZEKIEL 16:25

Limro ku aban kheak nünü kingaün dangpungbo thsü tüsho atsahhorü aban ki nü küdah alü müzammüramde nü akheahakham thsümünim.

EZEKIEL 23:17

Tüsho Babilonrünü muzhoachih yapkiu ching anihbe kilim arü, tüsho arü shih künkhinü anihbe thsümünimjih; tüsho anihbe arü kheaknü müneanshu, müküntsande arü kheaknü rholo.

EZEKIEL 23:41

Anenü atsüdak binkiu kheak bin, ju miki I yo arhümthüneabe tüsho müdangke kihkhi dükhüm khülang zo.

EZEKIEL 6:13

Tüsho awung achang aban tüsho müzüng mujukbo kheak, sangdung düthreang tüsho thülamsang yüniuniu aban khüp arünü arü sangthsübo alala kilim rhümthüneabe jihkhi dangpungbo ching arü laksah-a yapchoki I Thrünpuh ah de arünü mükheahbah.