ISAIA 57:5 - AMÜSÜH HÜM CL Bible (BSI)

⁵ nüsa thülamsang khüp, sangdung phüyak aban khüp müzammüramrübo; nüsa tsührübo jindükhün ching, lunghü khün ching laksahrübo?

ISAIA 57:5 Iomraidhean Croise

1 KIULONG THSÜRÜ 14:23

Tümüde arünü she arü thsungkheak awung achangbo, dungjingbo, tüsho Ashera mejakbo awung achang tüsho sangdung phüyakbo khüp thsü;

2 KIULONG THSÜRÜ 17:10

arünü arü thsungkheak awung abande tüsho sangdung aban khüp dungjingbo tüsho Ashera sangthsübo khima zo;

2 KIULONG THSÜRÜ 17:7

Ha dünji tümütüsho Israel mihtsürünü arü Ijip kiulongthsüpuh khah ching Ijip lomi chingnü bekhitbuh arü Thrünpuh Atungpuh azhihde neak yihbeak. Arünü püpürü thrünpuhbo kingaün

2 KIULONG THSÜRÜ 23:10

Apinü Ben-hinnom ching lakhi Topheth thsümünim, junangde shenü she tsührü athrürü yungsho aliberü Molek kilim monü taka mükingaün.

2 KIUTHSÜYUKHEAN 28:3

tüsho apinü Hinnom jindükhün ching kingaün jih, tüsho Atungpuhnü Israel müngühnü yankhita bahkhi trükshihbonü athraneanbe rhimokhibo yande apinü atsührübo mo ching taka kingaün.

ABEKHIT 32:6

Ashidopü arünü mükikde asürübah taka kingaünbo, mungtsü kingaünbo jih; mihtsürübonü atsühpü tüsho ayungpü bin tüsho milimyulimnü apheande wusu.

ISAIA 1:29

Tümüde nünü kingaünkhi thülamdung dünkheak nü achih ngübah; tüsho nünü amokhitkhi ayündo dünkheak mi zhinbah.

JEREMIA 17:2

arü tsührübonü she arü kingaün sadam tüsho Ashera sangthsübo lümkhitchoh, sangdung phüyak aban ki tüsho awung achangbo kheak,

JEREMIA 2:20

Ashang tsodo, nünü nü sangkaplak yihshak tüsho thiyuchihchim yihshakabah, tüsho nünü tha, “ Inü mütankih!” Awung achang abande tüsho sangdung phüyak aban khüp müzammüramrü nangde nünü yap.

JEREMIA 3:13

Nünü Atungpuh nü Thrünpuh azhihkhi mütsande mükheahshang, tüsho nü muzho jaksorü bolung sangdung phüyak aban khüp hiumüzütkhi, tüsho I yu manikhi alokhiang, Atungpuhnü thachoh.

JEREMIA 3:6

Kiulongthsüpuh Josia nimungbo ching Atungpuhnü I ki tha: Anihbenü arhimokhi nünü ngünah, akin mülakhi khülang, Israel, künangde anihbenü awung aban yükihkhea tüsho sangdung phüyak aban khüp müzammüram rhimokhea?

JEREMIA 32:35

Inü arü ki thiyukhüm müjihjih she, yungsho Juda neak yihbeakshihpü arünü ha athraneanbe rhimopü I lüm ching mülalashe arü tsührübo tüsho tsührübebo Molek kilim jihpü arünü Hinnom Tsührü Jindükhün ching Baal achang dangpungbo thsü.

JEREMIA 50:38

Kebo azhihde akung lah, junangde jurübo angahbah! Tümüde ha mejakbo lomi khülang tüsho arünü sangthsübo dunglim bünde yüchoh.

JEREMIA 51:7

Babilon a Atungpuh khah ching suna pung lakheah, lomi alala müshangshih; trükshihbonü anihbe yukhu yungdo, tüsho junangde trükshihbo yingyingde kam.

JEREMIA 7:31

Tüsho arünü Hinnom Tsührü Jindükhün ching Topheth de alakhi achang dangpungbo arü tsührübo mo ching takpü thsüchoh–küpü inü arü ki thiyukhüm müjihkhea, yungsho I lüm ching marükhi la.

EZEKIEL 16:20

Tüsho nünü I kilim zübejihkhi tsührübo tüsho tsührübebo lu tüsho sangthsübo kilim tsühyungpü nangde shuhmülanga jih. Nü müzammüramkhi musuh de?

EZEKIEL 20:26

inü arü treshihpü thsüde, arü akhuh zübekhi thsambahbo jihkhi hode inü arü müneanjih, junangde I Atungpuh de arünü mükheahbah.

EZEKIEL 20:28

Küyimki inü arü kilim jihpü alokhikhi lomi ching arü bedarükhea tüsho arünü awung achang yungsho ayüniuniu sangdung ngükhea, ju ching arünü laksah-a kingaün, I bukakhiukpü thsüde kingaün jih, arü yo arhümthüneabebo jih tüsho arü yo ayungbe kingaünbo dungabah.

EZEKIEL 20:31

Küyimki nüsanü nüsa tsührübo mo ching shuhmülanga jihde nüsa thsambah jihbanü, nüsanü khihni khiungde nüsa yo sangthsübo alala kheaknü müneanchoh. Inü nüsa ki I keokhishihba de, O Israel yamkhün? Tsükjide I lale, Wuto Atungpuhnü ha thachoh, Inü nüsa ki I mükeokhishih.

EZEKIEL 6:13

Tüsho awung achang aban tüsho müzüng mujukbo kheak, sangdung düthreang tüsho thülamsang yüniuniu aban khüp arünü arü sangthsübo alala kilim rhümthüneabe jihkhi dangpungbo ching arü laksah-a yapchoki I Thrünpuh ah de arünü mükheahbah.

LEVI 18:21

Nüsa tsührü sheshe Molek thrünpuh ki monü dükingaün, tümütüsho, junü nüsa Thrünpuh mung ching mungchihbah: I Atungpuh .

WÜHKHE 25:6

Tüsho kheahang, Israelrü mihtsürü boto arüngyam ripit ki tripde aleangchoki, Israelrü khülangnü Midiaberü bebah Mosa tüsho botonü ngüde anihbuh betsührü kilim arü.

YUZÜNGTHALO 12:2

Nüsanü yankhita bahpü lakhi trükshihbonü arü thrünpuhbo tankihkhi dangpungbo müzüng achangbo ching awungbo tüsho sangdung aphüyak bukkhüp lakhibo alala thsümünima bahjang.

AMIKHEAKAKHIUKKHI 18:3

tümüde trükshih alalanü anihbe mümüsühkhi shihkünkhi yukhu yungdo, tüsho alomi kiulongthsürübonü anihbe kheak müzammüram yihbeakdo, tüsho alomi shothsümolorübonü anihbe hode müthangmüsünkhi chingnü alarü kamdo.”