ISAIA 57:3 - AMÜSÜH HÜM CL Bible (BSI)

³ Tüshe nüsa thsungkheaknü a, nüsa thümüthiyirü tsührübo, nüsa müzammüram tüsho pang yinrü tsührübo ha ching arang.

ISAIA 57:3 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

ISAIA 1:21

Küdükhüh she athülünkhi kiuto müzammüramrü kama la! Anihbe kheak thiyuro lakheah, thiyuro-lungki anihbe kheak lakheah, tüshe kheaküa mihlaksahrü ah!

ISAIA 1:4

Ah, neak lakhi trükshih, amülimkhinü mihtsürübo ajapbah lah, amütsü rhimokhi münü, athsümünim rhimorü tsührü, shepünü Atungpuh bahyuk, shepünü Israel Amüsühbuh Khülang mükhemükim, sherübo shahde chamkhibah la!

ISAIA 45:20

Nüsa shomukhungang tüsho rukhüh arang, phünide arang, nüsa trükshih chingnü tsokhita larübo! Arübo mükheahmudu müla– sherünü arü sangthsübo hancho, tüsho mükhümkhitkhukbe thrünpuh ki tamkhüntamnücho.

ISAIA 48:16

I ki phünide arang, ha aniang! Atankih chingnü inü ramde masuk, ha dünjipü lachoki I lakheah. Tüsho kheakü Atungpuh Thrünpuhnü api me bede I thiyikheah.

ISAIA 57:7

Khide achang awungbo kheak nünü nü yapkiu kheanga zolah, tüsho ju ching nünü laksah-a kingaünpü wutudo.

ISAIA 58:2

Tütüshe nimung abande arünü I yimchoh tüsho I limrobo mükheahpü asühchoh, arü ju thiyuro-lungki lakhi trükshih tüsho arü Thrünpuh yuzüng mübahyukkhi nangde; arünü I ki thiyuro-lungki mahkhapbo keokhichoh, arünü Thrünpuh kilim thüninpü asühchoh.

JEREMIA 3:6

Kiulongthsüpuh Josia nimungbo ching Atungpuhnü I ki tha: Anihbenü arhimokhi nünü ngünah, akin mülakhi khülang, Israel, künangde anihbenü awung aban yükihkhea tüsho sangdung phüyak aban khüp müzammüram rhimokhea?

JEREMIA 3:9

Tümütüsho alibenü anihbe müzammüram machihde rhimo, alibenü alo müneanjih, lung tüsho sangdung kheak müzammüram thsü.

HOSEA 1:2

Küyimki akhuhde Atungpuhnü Hosea hode asukkhea, Atungpuhnü Hosea ki tha, “ Yüang, müzammüramberü nü niube thsüpü luang tüsho müzammüramrü tsührübo lashang, tümüde lominü Atungpuh bahyukde müzammüram ato yihbeakdo.”

HOSEA 2:4

Anihbe tsührübo kheak she inü amuzho mülade alabah, tümütüsho arübo jilihjikhün tsührübo ah.

HOSEA 2:6

Jumonü inü anihbe limro ayangbonü arhamdobah; tüsho anihbe ki rhünü akhiungdobah, junangde anihbe limro müngükhuk.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MATHI 12:34

Nüsa phurutobo, nüsa amütsübonü küde thsah atsü thakhukpü? Tümütüsho tümünü mulong mide lanü ju münnü asukchoh.

MATHI 16:4

Mihbukmuyuk tüsho müzammüram lünnü amütsan yimchoh, tüsho wukihrü Jona amütsan kheak hode amütsan tümü müjihde alabah.” Tüsho apinü arü zojihbah tsoabah.

MATHI 23:33

Nüsa phurutobo, phuruto tsührübo! Athsümüchi chingnü nüsanü küde thsah atsokhitpü?

MATHI 3:7

Tüshe küyimki apinü Pharisirü tüsho Sadukirü ahihdo baptipü arükhi ngükhea, apinü arü ki tha, “Phuruto tsührübo! Shepünü nüsa bukakhiuk arüpü lakhi chingnü thaa tsoshihkhea?

LUKNÜ ATHRÜTKHI THIYUSHEAK-ATSÜ HUHTANYU 3:7

Johannü apinü baptishihpü arürü botobo ki tha, “Nüsa phuruto tsührübo! Bukakhiuk arüpü lakhi chingnü shepünü nüsa müzüna tsoshihkhea?

JAKOB 4:4

Mulong müzamrübo! Alomi lung müyamrü thsükhi ju Thrünpuh kilim thiriri ah de nüsanü mümükheah de? Jumonü shepünü alomi lung müyamrü thsüpü lümchonü api ju Thrünpuh riri kamchoh.

1 JOHAN 3:10

Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.