ISAIA 57:20 - AMÜSÜH HÜM CL Bible (BSI)

²⁰ Tüshe mihbukmuyuk ju keto bukkhi nangde zhikde mülakhuk; ke bukkhinü aneak tüsho akhimniuhniuh rhukihchoh.

ISAIA 57:20 Iomraidhean Croise

2 KIULONG THSÜRÜ 6:11

Ha dünkheaknü Siria kiulongthsüpuh mulong khide niuknimde kam; apinü anihbuh torübo jibah arü ki tha, “Isa bolung shepü Israel kiulongthsüpuh kilim tsanglanü I ki thaang?”

ISAIA 3:11

Amülimrü ayokhe! Küdükhüh she arü kuhi amütsü la, tümüde arü khahnü tümü rhimodünü arü kheak rhimobah.

ISAIA 3:9

Arü miro kheak kheahkhinü arü azhihkhi thiyumütsan huhchoh; arünü arü neak Sodom nangde zhiyukchoh, arünü ju müram. Arübo ayokhe! Tümüde arünü amütsü rhimo arü kheak handarüdo.

ISAIA 48:22

Atungpuhnü thachoh, “Mihbukmuyuk thsungkheaknü mungtsü müla.”

ISAIA 59:8

Arünü mungtsü limro mümükheah, tüsho arü limro ching thiyuro müla. Arünü akiukhi limrobo khürangdo lah; ju ching tsahrü shenü she mungtsü mümükheah.

JEREMIA 49:23

Damaska dünkheak. Hamath tüsho Arpad mulong ninido, tümüde arünü thiyusheak amütsü sodo; arübo atrekhinü janiudo, arübo mükeamramkhi keto nangde küpkhukdo.

JUDNÜ ATHRÜTKHI KIHÜM HUHTANYU 1:12

Harü ha nüsanü amuzhokhi thüniobo ching areak kihkhi, mütrede arü nihbuh lang ahiuhakhiprübo lah; arübo tsüng mübede apungnü yünde ayükhi amobo ah; aso masokhi mumükin sangdungbo, mahne ki shekhi, aying rukkhitkhi ah;

JUDNÜ ATHRÜTKHI KIHÜM HUHTANYU 1:13

keto müküpde abükkhi, arü nihbuh achihbe arhukrhukke thurukihchoh; arü khilim lün thsungkheak amiting akheah akhua zokhi tsahde alakhi chiningbo ah.