ISAIA 57:16 - AMÜSÜH HÜM CL Bible (BSI)

¹⁶ Tümüde inü mutukzhakde mümüdam, yungsho kamruhroro bukmakhiuk; junangde inü athrünkhi mebo I miki lungbah.

ISAIA 57:16 Iomraidhean Croise

THRÜNTAN 6:3

Tüsho Atungpuhnü tha, “Inü mihtsürü lünnü alapü mümülüjih, tümüde api shih ah; api kam 120 labah.”

2 SAMUEL 24:16

Tüshe küyimki yunirünü athsümünimpü Jirusalem lim akhah chungkhea, Atungpuhnü amütsü dünkheak lümlo, tüsho mihtsürü bolung athsümünimpü hanbah arürü yunirü ki ju tha, “Ha suhdo, kheakü nü khah tukloang.” Judüki Atungpuh yunirü ju Jebusrü Arauna hinitpung ching lakheah.

JOB HU H T ANYU 12:10

Api khah ching rhangdung lakhi alala tüsho sheak thsükhi mihtsürü alala lah.

MUNGSHIKHÜN 85:5

Nünü isa ki lünnü bukakhiukba de? Lün alala ching nü bukakhiuk laba de?

T H S AN GYU T H S AN GR ARÜ 12:7

tüsho atan nangde pang ju alo asungthulung kamlobah, tüsho sheak ju ajihbuh Thrünpuh kilim alode ayübah.

ISAIA 27:8

Yankhita bahde, ramtso hode nünü arü azhihde thirithsü; abukakhiukde apinü arü aniakhiuklim pung yünkhi nimung lahkhita bah.

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

ISAIA 42:5

Atungpuh , Thrünpuhnü ha thachoh, shenü thüningbo thrünkhea tüsho atoshihkhea, shenü alomi tüsho ju ching lakhi jashihkhea, shenü ju kheak mihtsürübo kilim sheak tüsho ju ching tsahrü kilim me jihcho:

ISAIA 64:8

Tütüshe, O Atungpuh , nü a isa Abuh; isa ju alo, tüsho nü isa phühdamrü; isa alala nü khah rhimo ah.

JEREMIA 10:24

I thsülangang, O Atungpuh , tüshe thiyuro akekhi chingnü; nü bukakhiukkhi ching yung, jude yungsho nünü I akeangkeang kamshihbah.

JEREMIA 3:5

lünnü nü bukakhiukba de, akheam khiungde nü mulong zhipzhipba de?” Hanangde nünü asuk, tüshe akukkhi thülün nünü amütsü alala rhimodo.

JEREMIA 38:16

Jumonü kiulongthsüpuh Zedekianü ramde Jeremia ki thiyuchihchim thsü, “Atungpuh lale, Shepünü isa rhangdung jihkhea, inü nü müsheshih yungsho nü yimrü mihtsürübo khah ching müjih.”

EZEKIEL 18:4

Tümüde arhang lakhi me aban I yo ah, buhrü tüsho tsührü–ane chido I yo ah. Me küpünü neak yihbeakchonü ashebah.

AMOS 1:11

Atungpuhnü ha thachoh: Edomnü alochode neak yihbeakkhi dünkheak, inü thsümüchi mululo; tümütüsho apinü nukshang shuhbah nihbuh keoniorü müsham tüsho mihmuzho muhuh; apinü mutukzhakde bukakhiuk tüsho lünnü mulong zhipzhipdo.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

ZEKARIA 12:1

Müchityu khülang. Israel dünkheak Atungpuh yu: Atungpuhnü ha thachoh, shepünü thüningbo thoshang tüsho alomi khimtan tüsho ju ching mihtsürü kheak me lashih:

WÜHKHE 16:22

Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”

IBRI 12:9

Alomi ching isa danyukpü buhrübo lah, tüsho isanü arü ki wüntre jihchoh, isanü küdükhüh she mebo tüsho arhang Thrünpuh ki wüntre jihbea?