ISAIA 57:15 - AMÜSÜH HÜM CL Bible (BSI)

¹⁵ Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 57:15 Iomraidhean Croise

THRÜNTAN 21:33

Abrahamnü Beersheba ching tamarisk sang khülang khim tüsho ju ching apinü akheam müla Thrünpuh, Atungpuh mung ji.

1 KIULONG THSÜRÜ 8:27

“Tüshe Thrünpuhnü alomi kheak lakhukba de? Yinmi tüsho achangbe yinminü she nü mazüh, inü athsükhi ha yam khide mudukke!

2 KIUTHSÜYUKHEAN 34:27

tümütüsho nünü ha dangpung tüsho ha ching larü azhihde api yubo sochoki nü mulong müthri tüsho Thrünpuh miki azhihayihde kam, tüsho nü khim thorüpde I miki trip, inü she nü ki sojihdo, Atungpuhnü thachoh.

JOB HU H T ANYU 22:29

Thrünpuhnü akükheangrü thokhichoh tüsho azhihayihrü khümkhitchoh.

JOB HU H T ANYU 6:10

Haju I shukheambe labah; marümkhukbe thsünükhi ching she inü asühbah; tümüde Amüsühbuh yubo inü müreanglo.

MUNGSHIKHÜN 111:9

Apinü api mihtsürübo kilim arhokhitkhi yüshih; apinü api tangzüng lünnü thiyukhüm jih: Amüsüh tüsho atrebe ju api mung.

MUNGSHIKHÜN 115:3

Tüshe isa Thrünpuh a yinmi ching lah; apinü tümüpürü künlanü rhimochoh.

MUNGSHIKHÜN 123:1

Nüsa sherü yinmibo ching lanü, nüsa kilim inü abinkih-a kheahchoh.

MUNGSHIKHÜN 138:6

Atungpuh ju achang kheak lalashe, apinü akheamkhibe kheahyuklah; tüshe apinü akükheangrübo a limshu chingnü mükheahlah.

MUNGSHIKHÜN 138:7

I küpkhuk bolung tsahtsah she, nünü I thsüphulojihbah; nünü I riribo bukakhiukkhi azhihde nü khah chungkihbah, tüsho nü khah tsülimnü I khümkhitbah.

MUNGSHIKHÜN 147:3

Apinü mulong tukthsürü thsünguchoh tüsho arü mübo rümjihchoh.

MUNGSHIKHÜN 34:18

Atungpuh ju mulong tukthsürü thüninde lah, tüsho me thsümünima larü khümkhitchoh.

MUNGSHIKHÜN 34:19

Thiyuro-lungkirü küpkhuk hihde lah, tüshe Atungpuhnü jurü alala chingnü api bekhitchoh.

MUNGSHIKHÜN 51:17

Thrünpuh kilim shuhmülanga jihpü ju azhihayih me lah; azhihayih tüsho arholokhi mulong, O Thrünpuh, nünü ju mübahyuk.

MUNGSHIKHÜN 51:19

Judüki thiyuro-lungki laksah-a kingaünkhi, nü asühshihpü abümnü taka kingaünkhi labah; tüsho moshipungbo nü kingaün sadambo kheak jihbah.

MUNGSHIKHÜN 83:18

junangde arünü nü mung ju lang Atungpuh ah de, nü alomi alala kurungkheak Khide Achang mükheahbah.

MUNGSHIKHÜN 90:2

Müzüngbo müthrünkhityide, yungsho nünü alomi tüsho alomiküp mükamshihyide, akheam mülanü akheam müla khiungde, nü Thrünpuh ah.

MUNGSHIKHÜN 93:2

Nü kiulongthsü-binkiu adüsonü thsüa lah; nü a akheam mülade lah.

MUNGSHIKHÜN 97:9

Tümüde Atungpuh , nü alomi alala kurungkheak changlah; nü a thrünpuhbo alala kumung shuhkih-a lah.

MUNGSHIKHÜN 99:3

Arünü nü mung ato tüsho atrebe mung shishang– api amüsüh ah.

ABEKHIT 15:11

“O Atungpuh , thrünpuhbo lung nü ruk she la? Amüsüh ching wüntre-müretah, mungshi ching atrebe, khinthiyinbe rhimokhi ching nü ruk she la?

ABEKHIT 15:13

“Nünü amuzhodakkhi ching nünü arhokhitkhi mihtsürü nünü be, nünü nü sühmühnü nü lapung amüsüh lim arü limbe.

ABEKHIT 15:18

Atungpuhnü lünnü lün kiulongthsübah.”

ABEKHIT 40:34

Judüki amonü arüngkhimyam shodo, tüsho Atungpuh müretahkhinü mide kam.

ABEKHIT 40:35

Tüsho Mosa ju ashorupung khimyam ching yüzahpü mukukde alakheah, tümütüsho amo ju kheak keam tüsho Atungpuh müretahkhinü arüngkhimyam mide kam.

MÜCHITMUDU 16:19

Kükheangküyangrü lung ayankhikhi chama lukhi kheaknü a zhochihrü lung azhihayihde alakhi atsübe.

MÜCHITMUDU 8:23

I a akheam mülakhi chingnü alomi mülachoki, atankih chingnü alakheah.

ISAIA 18:4

Tümüde Atungpuhnü I ki ha thado: Inü I lapung chingnü, ani thsükhi ching müsürido atakkhi nangde, yimlu kim atak ching ayinke-amo nangde malande akheahbah.

ISAIA 33:5

Atungpuh shuhkih-a lah, api achang kheak lah; apinü thiyuro tüsho thiyuro-lungkinü Zion mishihdo;

ISAIA 40:28

Nünü mümükheah de? Nünü muso de? Atungpuh ju akheam mülakhi Thrünpuh, alomi akheambo Thrünrü. Api sühmükeakea yungsho mükeak; api anikhitkhi mümüyimkhukbe lah.

ISAIA 52:13

Kheahang, I yamlarü kukzamde alabah; api shuhkihbah tüsho bekihbah tüsho khide achang labah.

ISAIA 6:1

Kiulongthsüpuh Uzzia shekhi kam ching, inü Atungpuh kiulongthsü-binkiu kheak binde, achang tüsho shuhkih-a ngü; tüsho api shulünkhimnü arüngyam mi.

ISAIA 6:3

Tüsho khülangnü püpürü ki ji tüsho tha: “Amüsüh, amüsüh, amüsüh ju Wuto Atungpuh ; alomi lüpdükhi api müretahkhinü milah.”

ISAIA 63:15

Yinmi chingnü, nü yo amüsüh tüsho müretahkhi lapung chingnü abinkhia kheahang. Nü künkhi tüsho nü wu-sühmüh küching la? Nü amuzho tüsho nü lümrhihkhi thsü küching la? Arübo isa kheaknü tukloa lah.

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

TÜZHOKHI 3:41

Isanü isa mulongbo, isa khahbo Thrünpuh kilim yinmi ching shuhkihanü.

EZEKIEL 16:63

Judüki inü küyimki nünü arhimokhi alala dünthsükhibanü, nünü alümkhitbah tüsho achihbah tüsho nü junokhi dünkheaknü küyimkishe nünü nü mün mükhimshuh, Wuto Atungpuhnü thachoh.

EZEKIEL 9:4

tüsho api ki tha, “Jirusalem hode yüang tüsho arünü athsükhi athraneanbe alala kurungkheak lungrirü tüsho tüzhorü kingkangbo kheak amütsan yihkihang.”

DANIEL 2:11

Kiulongthsüpuhnü akeokhikhi ju khide chaklah, tüsho mihtsürü lung mülakhi thrünpuhbonü khüh yungsho shenü she ha kiulongthsüpuh ki müthakhitkhuk.”

DANIEL 4:17

Ha aheangrü, yunirü khülang yuzüng lah, junangde Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü ki jihchoh, tüsho akheamkhibe mihtsürü kurungkheak she zojihchoh de mihtsürü lüpdükhinü amükheahbah.’

DANIEL 4:34

Küyimki ju kim hokhea, I Nebukednezarnü yinmi lim abinkih-a kheah, tüsho I lümlung I kilim alodarü. Inü Khide Achangbuh müngühjih tüsho shijih tüsho lünnü alabuh wüntre jih. Tümüde api yakzan shuhkhi ju akheam müla yakzan shuhkhi lah, tüsho api kiulongthsü ju lün chingnü lün lachoh.

JOEL 2:13

Nüsa khimmih yungde nüsa mulong yihthünakang. Atungpuh , nüsa Thrünpuh kilim rholoang, tümüde api ju mihmuzho tüsho mihmüthsüm, arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

ZEKARIA 2:13

Mihtsürü alala Atungpuh miki zhikde laang; tümüde api amüsüh lapung chingnü api arüchoh.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

MATHI 6:9

Jumonü nüsanü hanangde tamkhüntamnüang: Yinmi ching labuh isa Abuh, nü mung amüsüh thsang.

LUKNÜ ATHRÜTKHI THIYUSHEAK-ATSÜ HUHTANYU 1:49

Tümütüsho shepü wutoanü apinü I thsungkheak ato rhimodo tüsho api mung amüsüh lah.

LUKNÜ ATHRÜTKHI THIYUSHEAK-ATSÜ HUHTANYU 4:18

“Atungpuh Me I kheak lah tümütüsho zhochihrü ki thiyusheak atsü thsangyuthsangrapü apinü I mujude-müsühkhit. Apinü I aramrübo dükhepü zhiyukpü tüsho müktukrü ngüshihpü, junoa larü zuzu kamshihpü,

YUNIRÜBO RHIMO 3:14

Tüshe nüsanü Amüsüh tüsho Thiyuro-lungkibuh bahyuk, tüsho mihlaksahrü nüsa kilim dükheshihpü kheang,

ROMRÜ KILIM PAULNÜ ATHRÜTKHI KIHÜM HUHTANYU 1:20

Thrünpuhnü alomiküp thrünchokinü, amüngübebo, api akheam müla wu tüsho Thrünpuh yakli chido thrüna lakhibo chingnü mütsande ngü. Jumonü mihtsürübonü amudopü müla;

2 KORINT 1:4

shepünü isa thsümütsü alala ching isa mulong shukheamcho, junangde Thrünpuhnü isa mulong shukheamkhi junü thsümütsü ching larü isanü mulong shukheampü kukbah.

2 KORINT 2:7

Kheakü nüsanü rholobah api neak bahjang; tüsho api mulong shukheamang, jude yungsho api khide mulong rozhakbah.

2 KORINT 7:6

Tüshe akheamkhibe ching larü mulong shukheamrü Thrünpuhnü Tita arüshihde isa mulong shukheam,

YUZÜNGTHALO 33:27

Akheam mülakhi Thrünpuh ju nü lapung lah, tüsho abukkhüp lakhi ju akheam mülakhi khahbo ah. Tüsho apinü thiriri nüsa müngühnü yana tsoshihchoh, tüsho tha, ‘Dükheang.’

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.

1 TIMOTHI 6:16

api lang amüshebe tüsho mukhiungkhukbe ayin ching lah, shenü she müngü yungsho angüpü mukuk. Api kilim lünnü wüntre tüsho sühmüh lashang. Amen.

IBRI 9:14

lün lakhi Me hode areak mükihde Thrünpuh kilim anihbuh jihkhi Khrista thiyihnü ashekhi rhimo chingnü arhang Thrünpuh tankihpü nüsa lümkhi küdükhüh she atsangkhitba!

JAKOB 4:6

Tüshe apinü amüthsüm alü jihchoh; jumonü apinü thachoh, “Thrünpuhnü akükheangrü yanlochoh, tüshe azhihayih kilim amüthsüm jihchoh.”

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”

AMIKHEAKAKHIUKKHI 3:7

“Tüsho Philadelphia ching borü yunirü kilim thrütang: ‘Amüsüh tüsho thiyuro, David yo amükhipbe shuhbuh yubo. Apinü tümü khimshuhchonü shenü mürihkhuk, tüsho apinü tümü rihchonü shenü mükhimshuhkhuk.

AMIKHEAKAKHIUKKHI 4:8

Tüsho arhang shiwühbo aban arü ghidükeang thuruk alunglim tüsho aleanglim mükjibonü lüpchimbah, animung tüsho are khün thsüpü küyimkishe mutuklo, “Atungpuh Wuto Thrünpuh ju, amüsüh, amüsüh, amüsüh lah, Shepü alakhea, tüsho la, tüsho arüpü la.”

1 SAMUEL 2:2

“Atungpuh nangde sheshe Amüsüh müla, nü hobah sheshe müla; isa Thrünpuh nangde sheshe Lung müla.