ISAIA 57:14 - AMÜSÜH HÜM CL Bible (BSI)

¹⁴ Hade athabah, “ Rünkihang, rünkihang, limro thsakhamang, I mihtsürübo limro chingnü jing mükhebe alala lah-a bahang.”

ISAIA 57:14 Iomraidhean Croise

MUNGSHIKHÜN 68:4

Thrünpuh ki api mung müshikhi khün thsang; shepü amobo kumung tsahchonü api ki achangnü khün thsang; api mung ju Atungpuh , tüsho api miki asühachihang.

ISAIA 35:8

Ju ching limto khülang labah tüsho ju Amüsüh Limro de ajibah; mümüsühkhinü ju kheak mütsah, tüshe ha Thrünpuh mihtsürü thsungkheak labah; hantsahrü, makharünü she mütsahmih.

ISAIA 40:3

Düsheak khülangnü zhichoh: “Sunglo ching Atungpuh limro thsakhamang, Loshelo ching Atungpuh isa Thrünpuh thsungkheak limto arihde thsakhamang!

ISAIA 49:11

Tüsho inü I wung alala limro kamshihbah tüsho I limtobo shuhkihbah.

ISAIA 62:10

Hode yüang, chipiripitbo hode yüang, mihtsürübo thsungkheak limro thsakhamang; zünang, limtobo zünang, lungbo moa bahang, mihtsürübo kurungkheak amütsan shuhkihang.

JEREMIA 18:15

Tüshe I mihtsürübonü I mihabahdo, arünü sangthsübo ki rhümthüneabe takchoh; arü jipü limrobo ching arü jing mükhedo, tüsho arübo limto ching yungde limkeanganu ching tsodo,

ROMRÜ KILIM PAULNÜ ATHRÜTKHI KIHÜM HUHTANYU 14:13

Jumonü isanü khülangnü khülang thiyumükhapnü, tüshe keoniorü limro ching küyimkishe jingmükhebe yungsho limkhudo muzopü pungkhianü.

1 KORINT 1:23

tüshe isanü a Jihudarü ki jingmükhebe tüsho khiungkerü ki makhakhi, Khrista yümkihkhi thsangyuthsangrachoh,

1 KORINT 8:13

Jumonü tsühyungbe ju I keoniorü angakshihbe a sho, inü küyimkishe mütsüh, jude yungsho inü I keoniorü angakshihbah.

1 KORINT 8:9

Tütüshe nüsanü zuzude arhimokhinü reangmüzahrü ki jingmükhelung mükampü kümkangang.

2 KORINT 6:3

Isa tankihkhi ching amülim tümü müngüpü thsüde isanü she limro she jingmükhebe muzhochoh,

IBRI 12:13

Limro arihkhibo kheak tsahang, junangde nü jing nüpkhi müphülapkhit, tüshe athsüngubah.