ISAIA 57:13 - AMÜSÜH HÜM CL Bible (BSI)

¹³ Küyimki nünü azhibanü, nünü akümukhungkhi sangthsübonü nü bekhitshang! Apungnü arü yünde atsobah, sheak khülangnü arü yünde atsobah. Tüshe sherünü I kheak tsoyukbanü alomi lubah tüsho I yo amüsüh awung yamrüplurüp lubah.

ISAIA 57:13 Iomraidhean Croise

2 KIULONG THSÜRÜ 3:13

Elishanü Israel kiulongthsüpuh ki tha, “Inü nü kheak tümü thsüpü la? Nü buh yungsho nü be wukihrübo kilim yüang.” Tüshe Israel kiulongthsüpuhnü api ki tha, “Yung; kiulongthsürü mahsam Moab kilim jihpü lang Atungpuhnü isa jia lah.”

JOB HU H T ANYU 21:18

Küdükhüh ki lang arü apung müngüh müneang ruk laba, tüsho tsüngpungtsüngpungnü zünde atsokhi hitsüt ruk laba?

MUNGSHIKHÜN 1:4

Mihbukmuyukbo jude yung, tüshe apungnü yünde atsokhi hirüp ruk ah.

MUNGSHIKHÜN 118:8

Mihtsürü kheak mulongram lapü dün a Atungpuh kheak kinkhi atsübe ah.

MUNGSHIKHÜN 125:1

Sherü Atungpuh kheak kinchonü makhinde lünnü alapü lakhi Zion Müzüng nangde lah.

MUNGSHIKHÜN 37:11

azhihayihrünü lomi lubah tüsho latsühlayung le mungtsü ching asühachihbah.

MUNGSHIKHÜN 37:22

Atungpuhnü müngühjihrünü lomi yamrüplurüp lubah, tüshe apinü muthrumüneanrü a yankhita bahbah.

MUNGSHIKHÜN 37:29

Thiyuro-lungkirünü lomi yamrüplurüp lubah, tüsho ju ching lünnü alabah.

MUNGSHIKHÜN 37:3

Atungpuh kheak kinang, tüsho atsü rhimoang; lomi ching khümkhita laang.

MUNGSHIKHÜN 37:34

Atungpuh aleangang, tüsho api limrobo zoang, tüsho alomi lushihpü apinü nü shuhkihbah; nünü mihbukmuyuk thsümünimkhi kheahbah.

MUNGSHIKHÜN 37:9

Tümüde amütsü rhimorü yankhita bahbah, tüshe sherünü Atungpuh aleangchonü alomi yamrüplurüp lubah.

MUNGSHIKHÜN 58:9

Arünü mümükheahyide rimbo nangde rhipa bahbah; Thrünpuhnü api bukakhiukkhi ching arü rhangdung lachoki yünde atsobah.

MUNGSHIKHÜN 84:12

O Wuto Atungpuh , mihtsürü shepü nü kheak kinchonü müngühmühi!

MÜCHITMUDU 28:25

Shepünü lülüshishi mulong hanlanü rukachih thurumusuchoh, tüshe shepü Atungpuh kheak kinchonü lalim tsübah.

ISAIA 11:9

Arü I yo amüsüh wung alala kheak müyuri yungsho müthsümünim; tümüde kenü keto zündokhi nangde Atungpuh mükheahkhinü alomi mide akambah.

ISAIA 14:32

Trükshih yunithsürü ki shenü tümü aloba? Atungpuhnü Zion thsükhitdo, tüsho api mihtsürü bolung küpkhukrü ju ching tsoyukbah.

ISAIA 25:4

Tümüde nü a zhochihrü tsoyukpung lakheah, küpkhukrü lümthsünüchoki tsoyukpung, tsüngpungtsüngpung chingnü kurampung tüsho atak chingnü alamme lah. Tsüngkam tsüngpungtsüngpung nangde mihmukhiuh sheak amütchoki,

ISAIA 40:24

Nükde arübo khimdo, nükde yangdo, nükde adungbonü alo ching aying chinyuk, küyimki apinü arü kheak yünkhea, arübo yiuhabah, tüsho chinthrümnü arübo lungjinim nangde hanbah tso.

ISAIA 41:16

Nünü arü yünbah tüsho apungnü hande atsobah, tüsho chinthrümnü arü yünmüzütbah. Judüki nünü Atungpuh lung asühachihbah; Amüsüh Israel Thrünpuh lung nü müretahbah.

ISAIA 45:20

Nüsa shomukhungang tüsho rukhüh arang, phünide arang, nüsa trükshih chingnü tsokhita larübo! Arübo mükheahmudu müla– sherünü arü sangthsübo hancho, tüsho mükhümkhitkhukbe thrünpuh ki tamkhüntamnücho.

ISAIA 49:8

Atungpuhnü ha thachoh: Amulongkhi kim khülang ching inü nü ki alojihdo, akhümkhit nimung khülang ching inü nü rungdo; inü nü kümde zodo tüsho nü tangzüng khülang nangde lomi laloshihpü, thsümünima lakhi yamrüplurüp arünü alushihpü mihtsürübo kilim jihdo;

ISAIA 56:7

harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah.

ISAIA 60:21

Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

ISAIA 65:11

Tüshe nüsa sherünü Atungpuh bahyukcho, shepünü I wung amüsüh mihcho, shepünü kuhi thsungkheak dükhüm kheanga zocho tüsho kuhi-lalim thsungkheak pung ching yukhu yukcho;

ISAIA 65:25

Rimre tüsho namfimihnunu rukhühnü yimtsühbah, kekhüzünü moshipung nangde hineang tsühbah; tüshe phuruto jim a asungthulung labah! Arübo I wung amüsüh alala kheak muyuri yungsho müthsümünim, Atungpuhnü thachoh.

ISAIA 65:9

Inü Jakob kheaknü tsühsoniuso, tüsho I wungbo yamrüplurüp lurü Juda chingnü handarübah; inü mokhitkhinü ju yamrüplurüp lubah, tüsho I yamlarübo ju ching labah.

ISAIA 66:20

Arünü nüsa keoniorü alala trükshih alala chingnü A TU N GPU H kilim kingaün nangde, khorabo, khora-lolungbe, atho-lolungbe, khoranunu, tüsho kemelbo kheaknü Jirusalem ching I yo amüsüh wung kheak handarübah, Atungpuhnü thachoh, Israelrünü amüsüh yukpung chingnü hi kingaün Atungpuh yam ching handarükhi nangde alabah.

JEREMIA 2:28

Tüsho nünü nü thsungkheak thsükhi thrünpuhbo küching la? Nü küpkhuk kim ching arünü nü khümkhitkhukpü lasho arü arüshang; O Juda, nü kiutobo lakhi nangde nü thrünpuhbo hihde lah.

JEREMIA 22:20

Lebanon lim wutuang, tüsho zhiang, tüsho Bashan ching nü düsheak shuhkihang; Abarim chingnü zhiang, tümüde nü muzhorü alala zünaka lah.

JEREMIA 22:22

Apungnü nü mihnu neakrübo yünde atsobah, tüsho nü muzhorü ramde atsobah; judüki nü rhimo amütsü alala dünkheak nü achih ngübah tüsho mulong dükheakbah.

JEREMIA 30:14

Nü muzhorü alalanü nü mihabahdo; arünü nü müküm; tümüde thiririnü nangde inü nü shikdo, bukmükerü khülangnü nangde thsümüchido, tümütüsho nü mülimkhi tolah, tümütüsho nü neakbo hihdaklah.

EZEKIEL 20:40

Tümüde I yo amüsüh müzüng, Israel müzüng kheak, Wuto Atungpuhnü thachoh, ju lomi ching Israel yamkhün lüpdükhinü I tankihbah, tüsho ju ching inü arübo leangkhibah. Ju ching inü nüsa kingaünbo tüsho amokhitkhi nüsa thsambahbo, nüsa yo amüsüh shuhmülanga jihkhi bede yihnüpü labah.

HOSEA 13:3

Jumonü arübo ju yapsu shumuliu nangde yungsho mükikde kheamabahkhi ayinke nangde, rhimopung chingnü hitsüt yüna tsoshihkhi nangde yungsho ayinripit ching mokhüh nangde alabah.

JOEL 3:17

Junangde I Atungpuh nüsa Thrünpuh, I yo müzüng amüsüh, Zion ching lah de nüsanü mükheahbah. Tüsho Jirusalem amüsüh labah, tüsho hanrünü küyimkishe hanü mütsahholo.

ZEKARIA 7:13

Inü arü jichoki, arünü manikhi nangde, küyimki arünü ajikheanü inü manijih, Wuto Atungpuhnü thachoh,

MAHKHAPRÜ 10:14

Nüsanü amokhitkhi thrünpuhbo ki yübah zhiang; nüsa lümthsünü kim ching arünü nüsa bekhitshang.”