ISAIA 57:12 - AMÜSÜH HÜM CL Bible (BSI)

¹² Inü nü thiyuro-lungki tüsho nü rhimobo lahkhita huhbah, tüshe arünü nü murung.

ISAIA 57:12 Iomraidhean Croise

ISAIA 29:15

Are! Nüsa sherünü Atungpuh kheaknü limshude lümkhi khide sükde ramcho, shepü rhimobo amiting ching la, tüsho shepünü thacho, “Shenü isa ngüla? Shenü isa mükheahla?”

ISAIA 44:9

Sangthsü thsürü alala tümü müla, tüsho arü asühkhi kukrukbo alü müla; arü thiyumütsanbo müngü yungsho mümükheah. Jumonü arübo achih ngüshihbah.

ISAIA 58:1

Zhiang, dütuklo! Hulipungpung nangde nü düsheak shuhkihang! I mihtsürübo ki arü azhihkhi dünkheak zhiyukjang, Jakob yamkhün ching arü neakbo dünkheak zhiyukjang.

ISAIA 64:5

Asühde alungki rhimorü nü limrobo ching nü lümkhitrü nünü shoruchoh. Tüshe nü bukakhiukde alakheah, tüsho isanü neak yihbeak; hanangde isanü mutuklode rhimosho, küde thsah isa khümkhitba?

ISAIA 65:7

arü mülimkhibo tüsho arü jipürü mülimkhibo rukhühnü, Atungpuhnü thachoh; tümütüsho arünü awungbo kheak rhümthüneabe tak, tüsho awung mujukbo kheak I azhihde tha, jumonü ahokhi rhimobo thülünde inü arü thsümüchibah.

ISAIA 66:18

Tümüde inü arü rhimobo tüsho arü lümkhi mükheahlah, tüsho trükshih le thiyutha alala bemukhungpü I arüchoh; tüsho arünü arübah I müretahkhi ngübah,

JEREMIA 10:11

Nünü arü ki ha thaang: Thüningbo tüsho alomi müthrünkhi thrünpuhbo alomi chingnü tüsho thüningbo khüpnü adükheakbah.

JEREMIA 10:14

Mihbüm aban keakeashahshahlah tüsho mükheahmudu müla; sunakingrübo alala arü sangthsübonü achih ngüshih; tümüde arü sangthsübo akeangyu tüsho arü kheak sheak müla.

JEREMIA 10:15

Arübo müthülün, alakmihkhi rhimo lah; arü thsümüchichoki arübo dükheakbah.

JEREMIA 51:18

Arübo müthülünkhi, thiyuro mülakhi rhimo ah; arü thsümüchi kim ching arübo dükheakbah.

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

MATHI 23:5

Arünü mihtsürübonü angüshihpü thsüde arü rhimo alala thsüchoh; tümüde arünü kingkang kheak rümbe tode tüsho khimmüngam shangde zochoh;