ISAIA 56:9 - AMÜSÜH HÜM CL Bible (BSI)

⁹ Nüsa mütüm shiwüh alala, murung ching mütüm shiwüh alala, amuyupü arang!

ISAIA 56:9 Iomraidhean Croise

MUNGSHIKHÜN 104:20

Nünü amiting thrün, tüsho ha azhing lah, ju ching mütüm shiwühbo abüde tsahchoh.

ISAIA 18:6

Arü alala awung shihtsüh wuhnubo kilim tüsho alomi shiwühbo kilim zojihbah. Tüsho muzhu ching shihtsüh wuhnubonü jurü tsühbah, tüsho lomi shiwüh alalanü tsüngkam ching jurü tsühbah.

ISAIA 46:11

aniakhiuklimnü shihtsüh wuhnu khülang, I lümkhi thsungkheak limshu lomi chingnü mihtsürü khülang jichoh. Inü asukdo, tüsho ha dünjibah; inü lümkhi thsüdo, tüsho ju arhimobah.

JEREMIA 12:9

I yamrüplurüp ju I ki shihtsüh wuhnubonü zündokhi wuhnubo ruk yung de? yüang, mütüm shiwüh alala kitmukhungang; tsühabahshihpü arü bedarang.

JEREMIA 23:1

Yakzanshuhrü shepünü api mihtsürü thsümünimcho tüsho yanmüzütchonü are! Atungpuhnü thachoh.

EZEKIEL 29:5

Inü nü tüsho ayung ching thüngühbo alala sunglo ching jipa bahbah, nü a mükeak ching keambah, tüsho mushuhmukhung tüsho kiuyuka mübah. Alomi shiwühbo tüsho thüning wuhnubo kilim inü nü tsühyungpü jihdo.

EZEKIEL 39:17

Mihtsürü tsührü, Atungpuh Thrünpuhnü ha thachoh: Wuhnu mungji tüsho mütüm shiwüh alala ki asukang: Mukhungang tüsho arang, inü nüsa thsungkheak laksah-a thünio thsakhamkhi Israel müzüngbo kheak laksah-a kingaünkhi ato ching mukhungang, tüsho nüsanü shih tsühbah tüsho thiyih yungbah.

YUZÜNGTHALO 28:26

Nüsa ashemibo ju thüning ching wuhnubo tüsho alo kheak shiwühbo jim thsübah, tüsho arübo shenü she müzüna mütsoshih.