ISAIA 56:7 - AMÜSÜH HÜM CL Bible (BSI)

⁷ harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah.

ISAIA 56:7 Iomraidhean Croise

1 KIULONG THSÜRÜ 8:41

“Küyimki, nü mihtsürü Israel yungde khiungkerü khülang nü mung hode limshu lomi chingnü arübanü–

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

ABEKHIT 28:38

Ha Aron kingkang kheak labah, tüsho Israelrünü müsühkhitde ajihkhi amüsüh thsambahbo ching mülimkhi apinü ahanbah. Ju Aron kingkang kheak mutuklode alabah, junangde arübo ju Atungpuh ki aleangkhikhukbe labah.

ISAIA 11:9

Arü I yo amüsüh wung alala kheak müyuri yungsho müthsümünim; tümüde kenü keto zündokhi nangde Atungpuh mükheahkhinü alomi mide akambah.

ISAIA 19:19

Ju nimung Ijip lomi phulung ching Atungpuh kingaün sadam khülang labah, tüsho aredung kheak Atungpuh lung-dungjing khülang labah.

ISAIA 19:21

Atungpuhnü anihbuh Ijiprü ki mükheahshihbah; tüsho ju nimung Ijiprünü Atungpuh mükheahbah, tüsho shuhmülanga jihde taka kingaünbah, tüsho arünü Atungpuh ki thiyuchihchimbah tüsho jurü rhimobah.

ISAIA 25:6

Ha wung kheak Wuto Atungpuhnü mihtsürü alala thsungkheak ala-tsühyungpü thünio, ashuh-yukhu, alütlüt-shih, düshihde achangkhi yukhu-thünio khülang thsakhambah.

ISAIA 56:5

inü I yam tüsho I chipibo ching tsührübo tüsho tsührübebo kheaknü mung atsüdakbe zojihbah; inü arü kilim akheam mülakhi mung jihbah, ju kheamamübah.

ISAIA 57:13

Küyimki nünü azhibanü, nünü akümukhungkhi sangthsübonü nü bekhitshang! Apungnü arü yünde atsobah, sheak khülangnü arü yünde atsobah. Tüshe sherünü I kheak tsoyukbanü alomi lubah tüsho I yo amüsüh awung yamrüplurüp lubah.

ISAIA 60:11

Nü chipiripitbo kamruhroro khimshuh-a labah; animung tüsho are mürihde alabah, junangde trükshihbonü arü lakhit nü kilim handarübah, arü kiulongthsürübonü bebah dungde arübah.

ISAIA 60:7

Kedar mihnu boto alala nü ki mukhungbah, Nebaioth namfimihnupungbonü nü tankihbah; arübo I kingaün sadam kheak aleangkhikhukbe labah. Tüsho inü I müretahkhi yam müretahshihbah.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

ISAIA 65:11

Tüshe nüsa sherünü Atungpuh bahyukcho, shepünü I wung amüsüh mihcho, shepünü kuhi thsungkheak dükhüm kheanga zocho tüsho kuhi-lalim thsungkheak pung ching yukhu yukcho;

ISAIA 65:25

Rimre tüsho namfimihnunu rukhühnü yimtsühbah, kekhüzünü moshipung nangde hineang tsühbah; tüshe phuruto jim a asungthulung labah! Arübo I wung amüsüh alala kheak muyuri yungsho müthsümünim, Atungpuhnü thachoh.

JEREMIA 7:11

Ha yam, I mungnü tamde ajikhi nüsa mük ki jangkhijangrarü jikpung kamdü de? Nüsanü mükheahlah, inü she kheahde lah, Atungpuhnü thachoh.

EZEKIEL 20:40

Tümüde I yo amüsüh müzüng, Israel müzüng kheak, Wuto Atungpuhnü thachoh, ju lomi ching Israel yamkhün lüpdükhinü I tankihbah, tüsho ju ching inü arübo leangkhibah. Ju ching inü nüsa kingaünbo tüsho amokhitkhi nüsa thsambahbo, nüsa yo amüsüh shuhmülanga jihkhi bede yihnüpü labah.

EZEKIEL 47:22

Nünü ha nüsa thsungkheak tüsho nüsa lung larü khiungkerü nüsa bolung tsührü larü thsungkheak yamrüplurüp khülang nangde chama jihbah. Arünü nü lung Israel mihkhung nangde alabah, nü lung arübo kilim Israel trük bolung yamrüplurüp jihbah.

JOEL 3:17

Junangde I Atungpuh nüsa Thrünpuh, I yo müzüng amüsüh, Zion ching lah de nüsanü mükheahbah. Tüsho Jirusalem amüsüh labah, tüsho hanrünü küyimkishe hanü mütsahholo.

ZEKARIA 8:3

Atungpuhnü ha thachoh: I Zion lim yübah, tüsho Jirusalem phulung ching labah; Jirusalem ju thiyuro kiuto tüsho Wuto Atungpuh müzüng ju amüsüh müzüng de ajibah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MATHI 21:13

Tüsho apinü arü ki tha, “Ha thrüta lah, ‘I yam ki tamkhüntamnü yam de ajibah,’ tüshe nüsanü jangkhijangrarü jikpung kamshihchoh.”

MARK 11:17

Judüki apinü arü ki thsangyude tha, “ ‘Trükshih alala thsungkheak I yam ki tamkhüntamnü yam de ajihbah’ de thrüta müla de? Tüshe nüsanü ju ahührü jikpung kamshihdo.”

LUKNÜ ATHRÜTKHI THIYUSHEAK-ATSÜ HUHTANYU 19:46

arü ki tha, “Ha thrüta lah, ‘I yam ju tamkhüntamnü yam ah, tüshe nüsanü jangkhijangrarü jikpung kamshihdo.’ ”

ROMRÜ KILIM PAULNÜ ATHRÜTKHI KIHÜM HUHTANYU 12:1

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

1 TIMOTHI 2:8

Inü dangpung aban ching bukmakhiukde yungsho murukachihde tamkhüntamnü ching amüsüh khahbo shuhkihshihnelah;

IBRI 12:22

Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah,

IBRI 13:15

Jumonü isanü Jisu hode api mung alokhikhi münnü Thrünpuh kilim mutukzhakde mungshi kingaün jihanü.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.