ISAIA 56:3 - AMÜSÜH HÜM CL Bible (BSI)

³ Khiungkerünü ha thade A TU N GPU H lung darüshih, “Tsükjide Atungpuhnü I api mihtsürü kheaknü akhinshihbah”; tüsho dukhanü düthashih, “ I a akung sangdung khülang lang ah.”

ISAIA 56:3 Iomraidhean Croise

2 KIUTHSÜYUKHEAN 6:32

“Junangde küyimki nü mihtsürü Israel yungde khiungkerübo nü mung ato, nü khah achang, tüsho nü khah chunghuhkhi dünkheaknü arüba, küyimki arünü arübah ha yam lim tamkhüntamnüba,

ESTER 9:27

Jihudarübonü arü thsungkheak yakzan thsü, arü tsührü tsührübo tüsho shepü Jihudarü kambanü, Mordekainü athrütkhi yande kim dükdü ching kam aban mahne ni mülakphahde amupü yakzan thsü.

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

ISAIA 39:7

Nü tsührübo khürü bede atsobah; arübo Babilon kiulongthsüpuh yam ching dukha labah.”

ISAIA 56:5

inü I yam tüsho I chipibo ching tsührübo tüsho tsührübebo kheaknü mung atsüdakbe zojihbah; inü arü kilim akheam mülakhi mung jihbah, ju kheamamübah.

ISAIA 56:6

Tüsho khiungkerübo sherünü Atungpuh lung arihcho, api tankihpü, Atungpuh mung muzhopü, tüsho api yamlarü thsüpü, amuni mungrü alala tüsho ju mümüneanjihcho, tüsho I yo tangzüng dükde ramlocho–

JEREMIA 50:5

Arünü Zion limro keokhibah, tüsho ju lim arü miro anguhbah tüsho arünü küyimkishe mümihbe akheam müla tangzüng hode A TU N GPU H kilim arübah tüsho arihbah.

LEVI 21:20

yungsho ngam dübümrü yungsho amükhirü; khürü mük yungsho küp tukthsü kihrü; tüsho mükiji trürübo.

LEVI 25:45

Nüsanü nüsa lung larü mihsorübo tsotsahrü sherübo nüsa lo chingnü zübekheanü arü yamkhün bolung chingnü athulopü kuklah; arübo ju nüsa lakhit-kukruk thsüpü kuklah.

ZEPHANIA 2:11

Atungpuh mihtrebe thsüde arü azhihbah; apinü lomi thrünpuhbo alala thsümünimbah, tüsho keyeanlobo tüsho kekung-lo trükshihbo alalanü nihbuh dangpung chingnü api ki kingaünbah.

WÜHKHE 18:4

Arübonü arüngyam alala ching tankihpü tüsho arüngyam rhimo alala thsungkheak nü lung bebah; tüshe püpürü a nü thüninde marü.

WÜHKHE 18:7

Jumonü nü lung nü tsührübo bebah kingaün sadam tüsho zhindokhim dunglim amükeam rhimo alala rhimobeah; tüsho nünü tankihbah. Atankihbe thsambah nangde inü nü kilim amükeamrü thsüshihkheah, tüshe püpürü a shepünü phünide arübanü asheshihbah.”

YUNIRÜBO RHIMO 10:34

Peternü api mün khimshuh tüsho tha: “Tsükjide Thrünpuhnü jakmükheah de inü mütsanlah,

YUNIRÜBO RHIMO 17:4

Khürü a mulong müthribah Paul le Sila büne lung arih; junangde Thrünpuh kingaünrü Greekrü boto tüsho adungto liberü ahihkhühnü jude rhimo.

YUNIRÜBO RHIMO 18:7

Apinü ju chingnü chamachihbah Thrünpuh kingaünrü Tita Justa yam ching yü; api yam ju sinagog ki lakheah.

ROMRÜ KILIM PAULNÜ ATHRÜTKHI KIHÜM HUHTANYU 15:16

khiungkerü kilim Thrünpuh thiyusheak-atsü amükeamrü thsüde tankihpü ching Jisu Khrista tankihrü thsükhinü, junangde khiungkerü kingaünkhi ju Amüsüh Menü atsangkhitkhi, aleangkhikhukbe labah.

1 KORINT 6:17

Tüshe shepünü Atungpuh lung arihchonü api lung me khülang kamchoh.

EFISIA 2:12

junangde ju kim ching nüsa Khrista mülade, Israel boto-lakhit chingnü chamkhide tüsho alokhikhi tangzüng chingnü limshude, alomiküp ching mulongram tüsho Thrünpuh mülade alakheah.

EFISIA 2:22

api kheak Me ching Thrünpuh lapung thsüde nüsa thrünkih-a lah.

YUZÜNGTHALO 23:9

“Küyimki bonungrübo nüsa riri bede keochihpü yübanü, nüsanü amütsü rhimobo chingnü chamkhide laang.

1 PETER 1:1

Jisu Khrista amüsüh-thsangyurü Peter kilimnü, Pontia, Galatia, Kappadokia, Asia tüsho Bithynia ching hiumüzüta larübo kilim,