ISAIA 56:11 - AMÜSÜH HÜM CL Bible (BSI)

¹¹ Arübo bukmükhüt yihnubo ah; arü küyimkishe suhdahdo de müla. Mihnu neakrübo she anikhitkhi müla; arü alala nihbuh limro ching arü nihbuh alü thsüpü, alala tsodo.

ISAIA 56:11 Iomraidhean Croise

ABEKHIT 23:3

Mahkhapkhi ching nünü zhochihrü mihtsürü ki jakdükheah.

T H S AN GYU T H S AN GR ARÜ 5:10

Sho muzhorünü sho kheak reangmükeam; yungsho lakhit muzhorünü alü thsükhi kheak reangmükeam. Ha she akeangkeang.

ISAIA 1:3

Moshipungnü atungrü mükheahlah, tüsho donkinü aputungrünü yimkippung mükheahlah; tüshe Israelnü mümükheah, I mihtsürünü manikhit.

ISAIA 28:7

Harü she yukhunü amülim kamdo tüsho phapkenü ayingyingshihkhi lah; amükeamrü tüsho wukihrü phapkenü amülim kamchoh, arü yukhunü yingyingabahdo, arü phapkenü yingyingshihchoh; arünü michih ching lakmihchoh, arünü mahkhapkhi ching jing mükhechoh.

ISAIA 57:17

Arü mihbukmuyuk yihnelunekhi hode inü bukakhiuk; inü arü shik, inü lak tüsho bukakhiuk; tüshe arünü nihbuh limro ching rholode tso.

JEREMIA 22:17

Tüshe nü mükbo tüsho mulong thiyuro mülakhi alü thsüpü amülim mülarü thiyih bukpü, tüsho juno-rhimopü tüsho athsümünim-yakli rhimopü lang ah.

JEREMIA 6:13

Tümüde anikhühnü atobe khiungde, thiyuro mülakhi alü thsüpü bukmükhütlah; tüsho wukihrünü amükeamrü khiungde, alalanü mülimde rhimochoh.

JEREMIA 8:10

Jumonü inü arü niuberübo püpürü kilim jihbah tüsho arü lubo akukrü kilim jihbah, tümütüsho aninikhühnü atobe khiungde mihbüm abannü thiyuro mülakhi alü thsüpü bukmükhütlah; wukihrünü amükeamrü khiungde thiyuro mihbüm abannü mülimde rhimochoh.

EZEKIEL 13:19

Barli müyikhüh tüsho yikhap dütrekhüh dün nüsanü I mihtsürü bolung I müneanjihdo. I mihtsürü ki akeangyu thaa anishihde, nüsanü müshepü larü laksahdo tüsho mülapü larü lashihdo.

HOSEA 4:8

I mihtsürübo neak chingnü arü tsühyungde lah; jumonü nüsanü alü alü arünü neak yihbeakshihnelah.

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

MALAKI 1:10

O, nüsa khürünü arüngyam ripitbo rihkhülaa, junangde nüsanü akeangkeang ching I kingaün sadam kheak mo mütakkih! Inü nüsa kheak asühkhi müla, Wuto Atungpuhnü thachoh, tüsho inü nüsa khah chingnü kingaün müleangkhi.

WÜHKHE 22:7

Jumonü Moab tüsho Midia azothsürübonü arü khah ching mebelopü shuhbah Balaam kilim arü tüsho Balaknü athakhi yubo api ki tha,

JOHAN 8:43

Tümü thsükhi nüsanü I yu manikhitcho? Tümütüsho nüsanü I yu anipü marümkheam.

YUNIRÜBO RHIMO 20:29

I chamachihshu namfimihnu boto maningshihpü rimre amütsü nüsa bolung arübah de inü mükheahlah;

YUNIRÜBO RHIMO 20:33

Inü she yo shotoyinchi, suna yungsho khimmih mümürühde lado.

2 KORINT 4:4

Thrünpuh kiphahkhi, Khrista müretah thiyusheak-atsü ayin arünü müngüshihpü ha lomi thrünpuhnü amükinrü lümkhibo yihdojih.

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

FILIPI 3:2

Khihnubo, amütsü rhimorü, shih thsümünimrü aheangang.

1 TIMOTHI 3:3

amüshangrü, yungsho asungsungrü yung tüshe azhihayihde, murukachihde, tüsho sho mümuzhorü thsübeah.

1 TIMOTHI 3:8

Junangde tankihrübo ju yakli atsü tüsho kurhangrü thsübeah; mulo mahne, yukhu yungrü, yungsho sho muzhorü müthsübeah;

TITA 1:11

arübo zhikde akamshihbeah, tümütüsho arünü thsangyupü alim mülakhi, thiyuro mülakhi alü thsüpü thsangyude yamkhünbo shahde thsümünimchoh.

TITA 1:7

Tümüde borü limberü ju Thrünpuh rhimo atoathüprü a le, areak mükihde alabeah; api ju bukmüke yungsho asungsung yungsho amüshangrü yungsho athsümünim yungsho alü thsüpü bukmükhüt mülabeah,

1 PETER 5:2

Nüsanü akümpü lakhi Thrünpuh namfimihnu boto neakang, mükünde yung tüshe künsahde, thiyuro mülakhi alü thsüpü yung tüshe mulongsahde,

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.

JUDNÜ ATHRÜTKHI KIHÜM HUHTANYU 1:11

Arü are! Tümüde arünü Kain limro ching tsahchoh, tüsho Balaamnü alakmihkhi alü thsüpü lim arü küdahnü bahyukchoh, tüsho Kora azhihkhi ching dükheakchoh.

JUDNÜ ATHRÜTKHI KIHÜM HUHTANYU 1:16

Harübo ju jijineahneahrü tüsho mührü müdamrü, nihbuh amütsü künkhi yanchoh, thiyu-tode kükheangchoh, alü thsüpü mihtsürü thsungyukchoh.

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.

MAHKHAPRÜ 18:20

Junangde amükeambuh mulong asühde kam, tüsho apinü kingaünbe kukruk, yambuk sangthsü, asümkhi sangthsü lubah mihtsürübo lung yü.

1 SAMUEL 2:29

Dale küde thsah inü thiyukhüm jihkhi laksah-a kingaünkhi tüsho jihchungkhibo kheak mükhütde kheahcho, tüsho I mihtsürü Israelrünü kingaünkhi atsüdakbe shihcham lude nüsa shih kihde I kheaknü nü tsührübo ki wüntre jihcho?’