ISAIA 55:8 - AMÜSÜH HÜM CL Bible (BSI)

⁸ Tümüde I lümkhibo ju nü lümkhibo yung, yungsho nü limrobo ju I limrobo yung, Atungpuhnü thachoh.

ISAIA 55:8 Iomraidhean Croise

2 SAMUEL 7:19

Tüsho kheaküshe ha nü miki anikhüh lakheah, O Atungpuh T HRÜNPU H ; nünü nü yamlarü yamkhün ki arübe ching dünjipü ato thado. Haju ha mihtsürübo thsungkheaknü thsangdankhi thsüshang, O Atungpuh T HRÜNPU H !

2 KIULONG THSÜRÜ 5:11

Tüshe Naamannü abukakhiukde tsoabahde tha, “Tsükjide I thsungkheaknü api akhiukbah zhipbahle Atungpuh api Thrünpuh mung ching jide, tüsho api khahnü mü kheak muzhude apham thsüngubah de inü alümkheah!

JOB HU H T ANYU 35:5

Thüning lim kheahang; amobo kheahang, küpü nü kheaknü achangbe la.

MUNGSHIKHÜN 25:10

Api tangzüng tüsho yukhümbo anirü alala apinü thiyuro tüsho amüthsümnü bechoh.

MUNGSHIKHÜN 33:11

Tüshe api lümkhi lünnü lachoh; api mulong ching lümkhi lün alala ching lachoh.

MUNGSHIKHÜN 40:5

Nünü isa thsungkheak ahihdo rhimojih, O Atungpuh isa Thrünpuh; nü nangde sheshe müla! Nünü isa thsungkheak amüyinsahbe lümkhibo ahihdo thsüjih. Inü jurü alala mükhekhuk– jurü khekhi hihdaklah!

MUNGSHIKHÜN 92:5

O Atungpuh , nü rhimobo küdükhüh ato a! Nü lümkhibo khide süklah.

MÜCHITMUDU 21:8

Amülim mihtsürü limro khüranglah; tüshe amülim mülarü rhimo alungki lah.

MÜCHITMUDU 25:3

Thüning ju changlah tüsho alomi ju süklah, junangde kiulongthsürübo mulong ju müyimkhitkhuk.

ISAIA 14:24

Wuto Atungpuhnü thiyuchihchimdo: Inü alümkhi nangde, junangde alabah; tüsho inü alümkihkhi nangde, ju adünjibah:

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

ISAIA 58:13

Nünü amuni junokhi chingnü I yo amüsüh nimung ching nü künkhi müshamkhi chingnü chamkhisho; nünü ha asühpü tüsho Atungpuh nimung wüntrebe amüsüh nimung de jisho; nünü ju akin jihsho, nü limrobo ching müyüde, nü künkhi mürhimode, yungsho nü yubo masuksho;

ISAIA 65:2

Inü nimung amuyung mihtsürü azhihrü kilim I khah chungkih, shepü limro amütsü ching nihbuh lümkhi yande tsahcho;

ISAIA 66:18

Tümüde inü arü rhimobo tüsho arü lümkhi mükheahlah, tüsho trükshih le thiyutha alala bemukhungpü I arüchoh; tüsho arünü arübah I müretahkhi ngübah,

JEREMIA 3:1

Athrürü khülangnü aniube bahbah api kinü tsosho tüsho püpürü thrürü niuberü kamsho, apinü alibe kilim yüloba de? Hadürü lo ju tode mümüneanba de? Nünü müyamrü ahihdo kheak müzammüramdo; tüsho nü I kilim arüloba de? Atungpuhnü thachoh.

EZEKIEL 18:29

Tütüshe Israel yamkhünnü thachoh, “Atungpuh limro thiyuro yung.” I limrobo thiyuro yung de, O Israel yamkhün? Nü limrobo thiyuro mülakhi yung de?

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”