ISAIA 55:6 - AMÜSÜH HÜM CL Bible (BSI)

⁶ Api ngüpü lachoki Atungpuh yimang, api thüninde lachoki api ki jiang;

ISAIA 55:6 Iomraidhean Croise

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

2 KIUTHSÜYUKHEAN 19:3

Judüalalashe, atsü khürü nü kheak ngüdo, tümüde nünü Ashera thrünbebo lomi chingnü thsümünimabah, tüsho Thrünpuh yimpü nü mulong zo.”

EZRA 10:2

Tüsho Elam yamkhün chingnü Jehiel tsührü Shekanianü Ezra ki tha, “Lomi ching khiungkeberü yihlumonü isanü Thrünpuh kheak akin thsümünimdo, judüalalashe Israelrü thsungkheak mulonglam judü lang lah.

JOB HU H T ANYU 8:5

Nünü Thrünpuh yimsho tüsho Wuto ki mushusho,

MUNGSHIKHÜN 14:2

Khürünü lümlung lade rhimode Thrünpuh yimcho shi yungnü akheahpü, Atungpuhnü yinmi chingnü mihtsürübo kheak abinkhia kheahchoh.

MUNGSHIKHÜN 145:18

Atungpuh a api thiyuro ching jirü alala thüninde lah.

MUNGSHIKHÜN 148:14

Tüsho apinü api mihtsürü juh shuhkihdo, api amüsührü alalanü ashijihkhi– api thüninde alakhi mihtsürü, Israel tsührübo. Atungpuh shiang!

MUNGSHIKHÜN 27:8

Nünü tha, “Nünü I miro yimang.” I mulongnü nü ki thachoh, “Atungpuh , inü nü miro yimchoh.”

MUNGSHIKHÜN 32:6

Jumonü thiyuro mihtsürübonü arü lümthsünü kim ching nü ki tamkhüntamnüshang; tsükjide keto kingde akihchoki junü arü mukhiung.

MUNGSHIKHÜN 34:19

Thiyuro-lungkirü küpkhuk hihde lah, tüshe Atungpuhnü jurü alala chingnü api bekhitchoh.

MUNGSHIKHÜN 75:1

Isanü nü ki makshe jihchoh, O Thrünpuh, isanü makshe jihchoh! Isanü nü tokhi zhiyukchoh tüsho nünü amüyinsahbe rhimokhi dünkheak thachoh.

MUNGSHIKHÜN 95:7

Tümüde api isa Thrünpuh, tüsho isa api rimlopung mihtsürü, tüsho api khah ching namfimihnubo ah. Khihni nüsanü api düsheak aniang:

MÜCHITMUDU 8:17

Sherünü I muzhochonü inü muzhochoh, tüsho sherünü düshihde I yimchonü I ngübah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 26:9

I menü nü thsungkheak azhing ching mürheangchoh, I kheak lakhi menü künsahde nü yimchoh. Tümüde küyimki nü mahkhapkhi alomi ching labanü, alomiküp ching larübonü thiyuro-lungki anikhitchoh.

ISAIA 45:19

Inü amiting lomi ching ramde masuk, inü Jakob tsührü ki mütha, “Akeangkeang ching I yimang.” I Atungpuhnü thiyuro asukchoh, inü alungki thachoh.

ISAIA 45:22

I kilim rholoang tüsho khümkhitang, alomi alala akheambo! Tümüde I Thrünpuh ah, tüsho püpü müla.

ISAIA 46:13

Inü abekhitpü phünide handarüchoh, limshude yung, tüsho I akhümkhit mülakma; inü Zion ching akhümkhit yukbah, Israel thsungkheak müretahkhi labah.

ISAIA 49:8

Atungpuhnü ha thachoh: Amulongkhi kim khülang ching inü nü ki alojihdo, akhümkhit nimung khülang ching inü nü rungdo; inü nü kümde zodo tüsho nü tangzüng khülang nangde lomi laloshihpü, thsümünima lakhi yamrüplurüp arünü alushihpü mihtsürübo kilim jihdo;

ISAIA 58:9

Judüki nünü ajibah, tüsho Atungpuhnü alojihbah; nünü arung thsungkheak zhibah, tüsho apinü athabah, Ha kheak I lah. Nünü nüsa bolungnü sangkap, yingkhing athsokhi, amütsü yihkhita bahsho,

ISAIA 65:10

I yimrü I mihtsürübo thsungkheak Sharon ju mihnu boto yimtsühpung kambah, tüsho Akor jindükhün ju moshibo yappung kambah.

ISAIA 65:24

Arünü müjiyide inü alobah, arü asukachihde lachoki inü asobah.

JEREMIA 25:5

küyimki arünü tha, “ Nüsa mihbüm abannü nüsa amütsü limro tüsho amütsü rhimobo chingnü kheakü rholoang, tüsho Atungpuhnü nüsa le nüsa jipürü kilim jihkhi lomi ching lünnü nüsa aninga labah;

JEREMIA 33:3

I ki jiang tüsho inü nü ki alobah, tüsho nünü mümükheahkhi ato tüsho aramyu nü ki thabah.

EZEKIEL 14:6

Jumonü Israel yamkhün ki thaang, Wuto Atungpuhnü ha thachoh: Mulong müthriang! Nüsa sangthsübo chingnü rholoang tüsho nüsa athraneanbe rhimobo alala tukloang!

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

EZEKIEL 8:6

Apinü I ki tha, “Mihtsürü tsührü, Israel yamkhünnü I arüngyam chingnü limshude yanabahde athraneanbe ato rhimokhi nünü ngüchonah? Tütüshe nünü kheaküshe athraneanbebo atobe ngübah.”

DANIEL 4:27

Jumonü, O kiulongthsüpuh, inü athakhi yanang. Neak yihbeakpü tukloang, tümü alim lanü rhimoang, tüsho zhochihrü ki müthsümang. Junangde nü lalim tsüde alabah.”

HOSEA 10:12

Nü thsungkheak thiyuro-lungki yangang, düküngde muzhokhi sangaso rhoang; muwochakkhi lo phünnakang, tümüde ha Atungpuh yimpü kim ah, junangde apinü arübah nü kheak müngühmühi dungkihjihbah.

AMOS 5:6

Atungpuh yimang tüsho laang, yungsho mo nangde apinü Josep yamkhün azhihde atrumusubah, tüsho hanü Bethel aniubah, shenü ju müzünmüt.

JONA 3:8

Mihtsürübo tüsho shiwühbo shungliukhim phuyubah, tüsho arünü sühmüh lade Thrünpuh ki zhibah. Alalanü arü amütsü limrobo tüsho athsümünim chingnü arholobah.

MATHI 5:25

“Api lung limro lachoki nü azhihrü kheak nahde arihang, jude yungsho nü azhihrünü nü ju mahkhaprü kilim jihbah, mahkhaprünü atorü kilim jihbah, tüsho nü rihyam ching yukbah.

LUKNÜ ATHRÜTKHI THIYUSHEAK-ATSÜ HUHTANYU 13:25

Küyimki thüyam putungrünü khülang ki asürübah khimdopü ju arihba, nüsanü wungdo zhipbah thrungde athabah, ‘Atungpuh, Atungpuh, isa thsungkheak khimshuhjang,’ tüsho apinü nüsa ki thabah, ‘Nüsa küchingnüanü inü nüsa mümükheah,’

JOHAN 8:21

Judüki Jisunü arü ki thalo, “I tsochoh, tüsho nüsanü I yimbah, tüsho nüsa neak ching nüsa shebah. I küching yübanü nüsanü marükhuk.”

EFISIA 3:13

Jumonü inü nüsa thsungkheak thsünükhi, nüsa müretah thsungkheak nüsa mulong müninipü inü nüsa ki mushuchoh.

YUZÜNGTHALO 4:29

Tüshe ju ching Atungpuh nüsa Thrünpuh nüsanü ayimbah, tüsho nüsanü mulong tüsho me athrünkhinü api yimsho angübah.

YUZÜNGTHALO 4:7

“Tümüde isanü Atungpuh isa Thrünpuh ki jikhi nangde, thrünpuhnü athüninkhi püpürü trükshih ato küju la?

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,

IBRI 3:13

Tüshe neak rükakikhinü nüsa sheshe mulong mümüküpshihpü thsüde “Khihni” de ajikhi la khiungde nimung aban nüsa khülangnü khülang tuthsukachihang.