ISAIA 55:5 - AMÜSÜH HÜM CL Bible (BSI)

⁵ Kheahang, nünü mümükheahkhi trükshihbo nünü ajibah, tüsho nü mümükheahkhi trükshihbonü, Atungpuh , nü Thrünpuh, Israel Amüsüh Thrünpuh dünkheaknü nü kilim arübah; tümüde apinü nü müretahshih.

ISAIA 55:5 Iomraidhean Croise

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

2 SAMUEL 22:44

Nünü I mihtsürübonü ayankhi chingnü I bekhit; nünü I trükshihbo kurungkheak akuthsüpü zojih; inü mümükheahkhi mihtsürübonü I tankih.

MUNGSHIKHÜN 18:43

Nünü mihtsürübonü zündokhi chingnü I bekhit, nünü I trükshih yo aku kamshih; inü mümükheahkhi mihtsürübonü I tankihpü kam.

ISAIA 45:14

Atungpuhnü ha thachoh: Ijip lakhit tüsho Ethiopia yinzüyindo, Seba atoashangbonü nü kilim arübah tüsho nü yo thsübah, arünü nü yanbah; arübo wuhrünliu yukbah arübah tüsho nü ki khukningbah. Arünü nü ki mushude athabah, “Thrünpuh nü lung lang lah, tüsho püpü müla; api hobah püpü thrünpuh müla.”

ISAIA 45:22

I kilim rholoang tüsho khümkhitang, alomi alala akheambo! Tümüde I Thrünpuh ah, tüsho püpü müla.

ISAIA 45:23

Inü thiyuchihchimdo, I mün chingnü thiyuro-lungki yu khülang malodarüpü thsüde wukhiukdo: “ I ki mukhuk alalanü khukningbah, mulo alalanü thiyuchihchimbah.”

ISAIA 49:12

Kheahang, harü limshu chingnü arübah, tüsho kheahang, harü dukulim tüsho aniyüzahlimnü, tüsho Sinim lomi chingnü arübah.

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

ISAIA 52:15

Junangde apinü trükshih ahihdo müyinnimshihbah; api dünkheaknü kiulongthsürübo arü mün yihdobah; tümütüsho arü ki müthakhi arünü angübah, tüsho arünü musokhi anikhitbah.

ISAIA 55:4

Kheahang, inü api ki mihtsürübo thiyumütsan thsüjihdo, limberü khülang tüsho mihtsürübo thsungkheak limthorü lah.

ISAIA 56:8

Atungpuh Thrünpuhnü ha thachoh, shepünü yankhita lakhi Israelrü bemukhungcho, inü bemukhunga larü lung püpürü bedarübah.

ISAIA 60:5

Judüki nünü akheahbah, tüsho zhingzhingde alabah; nü mulong ajanbah tüsho asühachihbah, tümütüsho müthangmüsünkhi keto nü kheak handarübah, trükshihbo lakhit nü kilim arübah.

ISAIA 60:9

Tümüde keyean lomibonü I aleangbah, Tarshish sangkungbo akhuhlah, nü tsührübo limshu chingnü bedarüpü, arü lung shotoyinchi tüsho suna, Atungpuh nü Thrünpuh tüsho Israel Amüsüh Thrünpuh mung thsungkheak, tümütüsho apinü nü müretahshihdo.

JEREMIA 30:19

Jurü chingnü makshe jihkhi arübah tüsho asühachihrü düsheak sobah. Inü arübo hihde akamshihbah tüsho arü nükde müla; inü arü müretahde kamshihbah tüsho arü khenoa müla.

EZEKIEL 39:7

Inü I mihtsürü Israel bolung I mung amüsüh mükheahshihbah; tüsho inü kheaküa I mung amüsüh mümüneanshih; tüsho trükshihbonü I Atungpuh Israel ching Amüsüh Khülang de mükheahbah.

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

LUKNÜ ATHRÜTKHI THIYUSHEAK-ATSÜ HUHTANYU 24:26

Khristanü harü thsünübah api müretahkhi ching müyüzahbea de?”

JOHAN 17:1

Jisunü harü thabah, yinmi lim kheahde tha, “Abuh, kim arüdo. Nü tsührü müretahshang, junangde nü tsührünü she nü müretahbah,

YUNIRÜBO RHIMO 3:13

Abraham Thrünpuh, Isak Thrünpuh, tüsho Jakob Thrünpuh, isa jipürü Thrünpuhnü, apinü adükhepü pungkhia lachoki nüsanü Pilat miki jihabahde abahyukbuh api yamlarü Jisu müretahshihdo.

YUNIRÜBO RHIMO 5:31

Israel mulong müthrishihpü tüsho neak bahjihde yakzanshuhrü tüsho akhümkhitrü thsüpü Thrünpuhnü akhah tsülim api shuhkih.

ROMRÜ KILIM PAULNÜ ATHRÜTKHI KIHÜM HUHTANYU 15:20

Khürünü khimtankhi kheak inü mürhimopü thsüde Khrista mümükheahpung ching thiyusheak-atsü thsangyuthsangrapü ju kamruhroro I mükkheahkih lakheah.

EFISIA 2:11

Jumonü kim khülang ching, pang ching khahnü tsütabahrünü nüsa khiungkerü ki shih ching tsütamübahrü de ajikhi lümkhitang–

EFISIA 3:5

ju kheakü api amüsüh thsangyuthsangrarübo tüsho wukihrübo ki Menü ahuhkhi nangdüa püpürü lünbo mihtsürü tsührübo ki mümükheahshihde alakheah;

IBRI 5:5

Junangde Khrista she achangbe amükeamrü thsüpü nihbuh küdahnü ashuhkihkhi yung, tüshe Thrünpuhnü api ki tha, “Nü I tsührü ah, khihni I nü Buh kamdo.”

1 PETER 1:11

Khrista thsünüpü tüsho jushu müretah lapü müchitchoki, arü kheak lakhi Khrista Menü ahuhkhi yande küdürü mihtsürü yungsho tümü kim labaki de arünü yimakheah.