ISAIA 55:4 - AMÜSÜH HÜM CL Bible (BSI)

⁴ Kheahang, inü api ki mihtsürübo thiyumütsan thsüjihdo, limberü khülang tüsho mihtsürübo thsungkheak limthorü lah.

ISAIA 55:4 Iomraidhean Croise

2 SAMUEL 22:44

Nünü I mihtsürübonü ayankhi chingnü I bekhit; nünü I trükshihbo kurungkheak akuthsüpü zojih; inü mümükheahkhi mihtsürübonü I tankih.

MUNGSHIKHÜN 18:43

Nünü mihtsürübonü zündokhi chingnü I bekhit, nünü I trükshih yo aku kamshih; inü mümükheahkhi mihtsürübonü I tankihpü kam.

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

ISAIA 16:5

judüki kiulongthsübinkiu khülang mihmuzho ching David khimyam ching thsakhambah, tüsho ju kheak athülünkhi yakzanshuhrü khülang thiyuro lungki yimrü tüsho alungki rhimopü niokheamrü binbah.

ISAIA 43:10

Nüsa I yumütsan thsürübo, Atungpuhnü thachoh, tüsho inü mokhitkhi I yamlarü, junangde nüsanü mükheahbah tüsho I kinbah tüsho I api ah de anikhitbah. I müngüh thrünpuh sheshe mükamde alakheah, yungsho I dunglim sheshe müla.

ISAIA 43:12

Inü khipkhit, khümkhit tüsho zhiyukjih, küyimki khiungkerü thrünpuh nüsa lung mülakhea; tüsho nüsa I yumütsan thsürübo, Atungpuhnü thachoh, I Thrünpuh ah.

JEREMIA 30:9

Tüshe arünü A TU N GPU H arü Thrünpuh tankihbah tüsho inü arü thsungkheak asürüshihkhi David kiulongthsüpuh tankihbah.

EZEKIEL 37:24

I yamlarü David arü kurungkheak kiulongthsüpuh labah; tüsho arü alala namfimihnu neakrü khülang labah. Arünü I yuzüngbo ching tsahbah tüsho I yakzan thsükhibo anipü kümkangbah.

EZEKIEL 37:25

Inü I yamlarü Jakob kilim jihkhi nüsa jipürü lakhi lo ching arübo labah; arü le arü tsührü tüsho arü tsührü tsührübo lünnü ju ching labah; tüsho I yamlarü David lünnü arü yakzanshuhrü thsübah.

DANIEL 9:25

Jumonü mükheahang tüsho anikhitang: Jirusalem thsülopü thiyu wukhiukkhi chingnü mujude-mokhitkhi limberü khülang kim khiungde thünenü shu thüne kambo labah; tüsho thünenü shu rukrükheak mahne kambo ching ju kiudunglimrobo tüsho khuhtotsunglobebo bede athsülobah, tüshe ha küpkhuk kim khülang labah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

MATHI 2:6

‘Tüshe nü, Juda lomi ching lakhi Bethlehem, Juda yakzanshuhrü bolung aninibe yung; tümüde nü kheaknü I mihtsürü Israel neakpü yakzanshuhrü khülang arübah.’ ”

JOHAN 10:27

I yo namfimihnubonü I düsheak anichoh, tüsho inü arü mükheahlah, tüsho arünü I dunglim yanchoh.

JOHAN 10:3

Ripit neakrünü api kilim khimshuhjihchoh, tüsho namfimihnunü api düsheak sochoh; tüsho apinü anihbuh yo namfimihnubo mungnü jide bekhita luchoh.

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

JOHAN 13:13

Nüsanü I ki thsangyurü tüsho Atungpuh de jichoh, tüsho nüsanü dükde thachoh, tümüde I ju ruk ah.

JOHAN 18:37

Jumonü Pilatnü api ki tha, “Judüasho nü ju kiulongthsürü a shi?” Jisunü alo, “I kiulongthsürü ah de nünü dükde thado. Ha dünkheaknü I zübekheah tüsho ha lomi ching arükheah, junangde inü thiyuro thiyumütsan thsübah, thiyuro yo thsürü abannü I düsheak anichoh.”

JOHAN 3:16

“Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

EFISIA 5:24

Borü ju Khrista bukkhüp lakhi nangde, niuberübonü she lüpdükhi ching niubuhrü bukkhüp labeah.

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.

1 TIMOTHI 6:13

Alala kilim rhangdung jihbuh Thrünpuh tüsho Pontia Pilat miki thiyumütsan tsüde alokhikhi Jisu Khrista mikinü,

IBRI 2:10

Tsührübo ahihdo kilim müretah handarüpü thsüde, shepü thsungkheak tüsho shepü hode lüpdükhi lakhea, thsünükhi hode arü akhümkhit putungrü khiukdahshihkhi api athülün lah.

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 3:14

“Tüsho Laodikea ching borü yunirü ki thrütang: ‘Amen de athakhi, athülünkhi, thiyuro thiyumütsan, Thrünpuhnü athrünkhi atankih yubo.