ISAIA 55:3 - AMÜSÜH HÜM CL Bible (BSI)

³ Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.

ISAIA 55:3 Iomraidhean Croise

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

2 SAMUEL 23:5

I yam Thrünpuh lung müla de? Tümüde apinü I kheak lün yo tangzüngdo, lüpdükhi akhinashu thsüde tüsho kümdoa zojih. Apinü I yihnüpü tüsho inü akünkhi akuk müngüshihba de?

2 SAMUEL 7:29

kheakü jumonü nü yamlarü yamkhün müngühjihpü thsüde hanü nü asühshang, junangde ha nü miki lünnü ayübah; tümüde, O Atungpuh T HRÜNPU H , nünü thado, tüsho nü müngühmühinü nü yamlarü yamkhün ki lünnü müngühjihbah.”

2 KIUTHSÜYUKHEAN 6:42

O Atungpuh Thrünpuh, nünü mujude-mokhitkhi dübahyuk. Nü yamlarü David thsungkheak nünü muzhokhi lümkhitang.’ ”

MUNGSHIKHÜN 119:112

Inü lünnü akheam khiungde nü yakzan thsükhi rhimopü I mulong rholodo.

MUNGSHIKHÜN 119:175

I me lashang, tüsho hanü nü shijihbah; tüsho nü mahkhapkhibonü I rungshang.

MUNGSHIKHÜN 78:1

O I mihtsürü, I yakzan aniang; inü athakhi aniang.

MUNGSHIKHÜN 89:28

Inü I mihmüthsüm lünnü api thsungkheak zojihbah, tüsho I tangzüng api kheak düküngde alabah.

MUNGSHIKHÜN 89:29

Inü api müjih she lünnü rünkhiungshihbah, tüsho api kiulongthsü-binkiu yinmi nimungbo nangde alashihbah.

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

MÜCHITMUDU 4:20

I tsah-a, I yubo aniang; inü athakhibo lim nü nükhün muphoang.

MÜCHITMUDU 7:2

I yukhümbo zoang tüsho laang, tüsho I yakzan ju nü mükji sangaso nangde zoang.

ISAIA 51:4

I ki aniang, I mihtsürü tüsho I ki anguhang, I trükshih; tümüde I kheaknü thsangyukhi khülang wukhiukbah, tüsho ayin khülang thsungkheaknü I yakzan ju mihtsürübo kilim labah.

ISAIA 54:10

Tümüde awungbo tsopü tüsho awung mujukbo lah-a bahpü kuklah, tüshe I muzhodakkhi nü kheaknü müchamachih, tüsho I mungtsü tangzüngkhi makhin, nü kheak muzhokhi Atungpuhnü thachoh.

ISAIA 54:8

Kim khülang thsungkheak bukakhiukkhinü I miro nü kheaknü jik tüshe akheam mülakhi amuzhonü inü nü kheak amuzho labah, Atungpuh , nü Rhokhitbuhnü thachoh.

ISAIA 61:8

Tümüde I Atungpuhnü thiyuro muzholah, inü ahühara tüsho amülim rhimo thraneanlah; inü thiyuronü arü kilim thsambah jihbah, tüsho inü arü ki akheam mülakhi tangzüng khülang thsübah.

JEREMIA 30:9

Tüshe arünü A TU N GPU H arü Thrünpuh tankihbah tüsho inü arü thsungkheak asürüshihkhi David kiulongthsüpuh tankihbah.

JEREMIA 32:40

Inü arü ki küyimkishe atsü rhimokhi mutuklopü akheam müla tangzüng khülang thsübah; tüsho arü mulong ching I trepü inü ayukjihbah, junangde arübo I kheaknü müchamachih.

JEREMIA 33:26

inü Jakob tsührü tüsho I yamlarü David bahyukbah tüsho api tsührü sheshe Abraham, Isak tüsho Jakob tsührü kurungkheak yakzanshuhrü mumokhit. Tümüde inü arü kuhibo jihlobah, tüsho arü kheak mihmüthsüm labah.

JEREMIA 38:20

Jeremianü alo, “ Nü arü kilim müjih. Inü tümü nü ki thachonü Atungpuh düsheak lang aniang, tüsho nü tsüde alabah tüsho nü rhangdung aninga labah.

JEREMIA 50:5

Arünü Zion limro keokhibah, tüsho ju lim arü miro anguhbah tüsho arünü küyimkishe mümihbe akheam müla tangzüng hode A TU N GPU H kilim arübah tüsho arihbah.

EZEKIEL 16:60

Tütüshe inü nü athunu nimungbo ching nü ki tangzüngkhi lümkhitbah, tüsho inü akheam müla tangzüng nü kheak zobah.

EZEKIEL 34:24

Tüsho I Atungpuh ju arü Thrünpuh thsübah, tüsho I yamlarü David ju arü bolung yakzanshuhrü thsübah; I, Atungpuhnü asukdo.

EZEKIEL 34:25

Inü arü kheak mungtsü tangzüng khülang thsübah tüsho mütüm shiwühbo lomi chingnü ayankhitbah, junangde arünü mütüm tüsho sang-lünkhi ching kuramde alabah.

EZEKIEL 37:26

Inü arü kheak mungtsü tangzüng khülang thsübah; ju arü kheak akheam mülakhi tangzüng khülang labah; tüsho inü arü müngühjihbah tüsho wüh bushihbah, tüsho arü bolung I arüngakopung lünnü alashihbah.

LEVI 18:5

Nüsanü I yakzan thsükhi tüsho I yuzüngbo zoang; jude athsükhinü nüsa rhangdung labah, I Atungpuh .

AMOS 5:4

Tümüde Atungpuhnü Israel yamkhün ki ha thachoh: I yimang tüsho laang;

AMOS 5:6

Atungpuh yimang tüsho laang, yungsho mo nangde apinü Josep yamkhün azhihde atrumusubah, tüsho hanü Bethel aniubah, shenü ju müzünmüt.

MATHI 11:28

Nüsa rozhakrü tüsho hahmülang hanrübo alala I kilim arang, tüsho inü nüsa kilim sühakhim jihbah.

MATHI 13:16

“Tüshe nüsa mükbo tüsho nüsa nükhünbo müngühmühi, tümüde arünü ngüchoh tüsho sochoh;

MATHI 17:5

Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

JOHAN 10:27

I yo namfimihnubonü I düsheak anichoh, tüsho inü arü mükheahlah, tüsho arünü I dunglim yanchoh.

JOHAN 6:37

I Buhnü I jihkhi alala I kilim arübah, tüsho shepü I kilim arüchonü inü küyimkishe müyankhit.

JOHAN 7:37

Thünio ato akheam nimung Jisunü zhipbah zhide tha, “Khürü kethürisho, api I kilim arübah yungshang.

JOHAN 8:47

Shepü Thrünpuh yoanü Thrünpuh yu anichoh; jumonü nüsanü mani, tümütüsho nüsa a Thrünpuh yo yung.”

YUNIRÜBO RHIMO 13:34

Tüsho apinü ashekhi chingnü api arhang kamloshih, kheaküa küyimkishe kiuyuk ching müshuhabahshih, apinü hanangde tha, ‘Inü David ki alokhikhi amüsüh tüsho müngühmühi nü kilim jihbah.’

ROMRÜ KILIM PAULNÜ ATHRÜTKHI KIHÜM HUHTANYU 10:5

Mihtsürü shepünü yakzan kheak ningkihkhi thiyuro-lungki rhimochonü junü rhangdung labah de Mosanü thrüt.

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,