ISAIA 55:2 - AMÜSÜH HÜM CL Bible (BSI)

² Tümüde nünü yikhap yungde püpü thsungkheak sho bahcho, tüsho reangmükeampü thsungkheak nünü rhimocho? Kümkangde I ki aniang, tüsho tümü atsüanü tsühang, tüsho birikhi tsühyungpü ching nü me asühang.

ISAIA 55:2 Iomraidhean Croise

MUNGSHIKHÜN 22:26

Zhochihrünü atsühbah tüsho reangkeambah; sherünü api yimchonü Atungpuh shijihbah. Arü kamruhroro latsühlayung lashang!

MUNGSHIKHÜN 34:11

Arang, I tsührübo, I ki aniang, inü nüsa ki Atungpuh wüntrepü thsangyubah.

MUNGSHIKHÜN 36:8

Arünü muzhomopungde nü yam ching aniojibah; nünü nü asühkhi ayung chingnü arü kilim ayungpü jihchoh.

MUNGSHIKHÜN 63:5

Shihkhiuk tüsho amüdang tsühkhi nangde I me reangkeambah, tüsho I münnü asühachihde nü shibah.

ABEKHIT 15:26

tüsho tha, “Nüsanü Atungpuh nüsa Thrünpuh yu anide api miki alungki rhimode api yukhümbo anide tüsho api yakzan alala zosho, inü Ijiprü kheak hande arükhi tukthsübo tümü she nüsa kheak müyükihshih. Tümüde I nüsa thsüngurü Atungpuh ah.”

MÜCHITMUDU 1:33

tüshe sherünü I ki anibanü khümkhita labah, tüsho amütsü trepü mülade tsüde alabah.”

MÜCHITMUDU 7:23

hühzonü api müsan müchinkhityi khiungde; wuhnu khülang qimürip lim athride ayükhi nangde–hanü api rhangdung lubah de apinü mümükheah.

MÜCHITMUDU 8:32

Jumonü kheakü, I ki aniang I tsührübo, tümüde sherünü I limrobo zochonü müngühmühi.

MÜCHITMUDU 9:5

“Arang, I yikhap tsühang tüsho inü arhukhi yukhu yungang.

T H S AN GYU T H S AN GR ARÜ 6:2

sherü kilim Thrünpuhnü lakhit, yamalo tüsho akinashu jihcho, junangde arünü akünkhi tümü she amülakhi müla, tütüshe Thrünpuhnü arü ki harü kukrukbo kheak masühshih tüshe hanrü khülangnü jurü yihnüpü thsüchoh. Ha akeangkeang; ha amütsüdakbe lah.

ISAIA 1:19

Nüsanü mulongsho tüsho mihyu anisho, nüsanü alo ching yo atsü tsühbah;

ISAIA 10:27

Ju nimung arü hahmülang nü dubuh kheaknü ashuhkhibah tüsho nü shih kihkhinü arü sangkaplak nü hung kheaknü athsümünimbah.

ISAIA 25:6

Ha wung kheak Wuto Atungpuhnü mihtsürü alala thsungkheak ala-tsühyungpü thünio, ashuh-yukhu, alütlüt-shih, düshihde achangkhi yukhu-thünio khülang thsakhambah.

ISAIA 44:20

Apinü awahbo tsühchoh; rükaki lümkhinü api bephülapdo, tüsho apinü anihbuh mükhümkhitkhuk yungsho müthakhuk, “ I khah tsülim ching lakhi kukruk ha arükchih yung de?”

ISAIA 46:6

Sherünü qiuqiununu chingnü suna yihkhita jihcho, tüsho wuhzhin kheaknü shotoyinchi adüncho– arünü thrünpuh thsürü sunakingrü mulochoh; jushu arünü khukningchoh tüsho kingaünchoh!

ISAIA 51:1

I ki aniang, nüsa thiyuro-lungki müshamrübo, nüsa Atungpuh yimrübo. Nü phukkhipung lung kheak tüsho nü kiupung alokhün kheahang.

ISAIA 51:4

I ki aniang, I mihtsürü tüsho I ki anguhang, I trükshih; tümüde I kheaknü thsangyukhi khülang wukhiukbah, tüsho ayin khülang thsungkheaknü I yakzan ju mihtsürübo kilim labah.

ISAIA 51:7

Nüsa sherü thiyuro-lungki mükheahlanü, nüsa mihtsürü sherü mulong ching I thsangyukhi lanü I ki aniang; püpürünü mükhemürangkhi dütre, tüsho arünü nü mükthsüchoki mulong dünini.

ISAIA 62:8

Atungpuhnü api khah tsülim tüsho Wuto khahnü thiyuchihchimdo: Inü kheaküa nü hi nüsa riri jim thsüpü müjih, tüsho nü khisahkhi chingnü khiungkerünü yukhu muyung;

ISAIA 62:9

tüshe sherünü yimlubanü ju tsühbah tüsho Atungpuh mung shibah, tüsho sherünü hanmukhungbanü I yo amüsüh yam ching ju yungbah.

ISAIA 65:23

Arünü akeangkeang ching mürhimo, yungsho thsümütsü thsungkheak tsührü müzübe; tümüde arübo Atungpuhnü müngühjihkhi münü labah, tüsho arü tsühsoniusobo she ju ruk labah.

JEREMIA 12:13

Arünü wheat hi yang tüshe ayangbo yimludo, arü keakzungdo tüshe tümü alü müla. Atungpuh bukakhiukkhi hode arü yimlukhi ching arü achihbah.

JEREMIA 17:24

Tüshe Atungpuhnü thachoh, nüsanü I ki anisho, tüsho amunimung ha kiuto chipiripit hode hah tümü hande mazahsho, tüshe amunimung müsühde zosho tüsho rhimo müthsüsho,

JEREMIA 2:13

tümüde I mihtsürübonü amülim mahne yihbeakdo: arünü I, rhangdung kenü bahyukdo, tüsho arünü arü thsungkheak kekhip, ke mükinglokhukkhi atrükhi kekhip kiua lah.

JEREMIA 31:14

Tsühyungpü akebenü inü amükeamrübo bukthsüshihbah, tüsho I mihtsürübonü I muzhomopungkhi ching reangkeambah, Atungpuhnü thachoh.

HOSEA 12:1

Ephraimnü apung yimtsühchoh, tüsho nimung amuyung aniakhiuklim pung müshamchoh; arünü akeangyu tüsho athsümünim alü kamshihchoh; arünü Asiria kheak binthrüm thsüchoh, tüsho Ijip lim müdangke hande yüchoh.

HOSEA 8:7

Tümüde arünü apung yangchoh, tüsho arünü chitmühean yimlubah. Hidung ju munoyuk, hanü jim makhiuk; khükikhüh akhiuka lasho, khiungkerünü tsühabahbah.

HABAKKUK 2:13

Mihtsürübonü motrushihpü mokhih lang Atungpuh kilimnü mürhimode tüsho akeangkeang ching trükshihbo khichoh yung de?

MATHI 15:9

Arünü akeangkeang ching I kingaünchoh; arünü mihtsürü yuzüngbo ju kingaün yakzan nangde thsangyuchoh.’ ”

MATHI 22:4

Kheaküshe apinü yamlarü püpürü thiyia yüshih, ‘Ajiyukrübo ki thaang, “Kheahang, inü jimpung thsakhamlah; I moshipungbo tüsho ashih-kihkhi moshibo laksahdo, tüsho lüpdükhi thsakhamlah. Arhangrü thünio ching arang.”

MATHI 5:6

Thiyuro-lungki thsungkheak khümkethürirü asühpü, tümüde arü bukthsübah.

MARK 7:14

Tüsho küyimki apinü boto alala api kilim jikhea, apinü arü ki tha, “Alalanü I ki aniang, tüsho anikhitang:

LUKNÜ ATHRÜTKHI THIYUSHEAK-ATSÜ HUHTANYU 15:23

Tüsho moshi nunu ashih-kihkhi lude arübah laksahang, tüsho isanü tsühde asühachihanü;

JOHAN 6:27

Adükheakpü lakhi tsühyungbe thsungkheak yung, tüshe Mihtsürü Tsührünü nüsa jihpü lakhi akheam müla rhangdung rünkhiungpü tsühyungbe thsungkheak rhimoang, tümütüsho Abuh Thrünpuhnü api kheak anihbuh amütsan yümkih-a lah.”

ROMRÜ KILIM PAULNÜ ATHRÜTKHI KIHÜM HUHTANYU 10:17

Junangde akin ju asokhi chingnü arüchoh, tüsho Khrista dünkheak thsangyuthsangrakhi chingnü asokhi arüchoh.

ROMRÜ KILIM PAULNÜ ATHRÜTKHI KIHÜM HUHTANYU 9:31

tüshe yakzan ching ningkihbah thiyurolungki müshamrü Israelnü yakzan dünjipü ching akuk müngü.

YUZÜNGTHALO 11:13

“Tüsho nüsanü khihni inü ajihkhi thiyukhümbo düshihde anide, nüsa mulong athrünkhinü tüsho me athrünkhinü Atungpuh nüsa Thrünpuh tankihsho,

IBRI 13:9

Aphuaphu tüsho aso thsüde thsangyukhibonü dübephülapshih; sherünü tsühchonü arü ki alü mülakhi arüngako tsühyungbenü yungde amüthsümnü isa mulong düküngshihkhi ju atsü ah.