ISAIA 55:12 - AMÜSÜH HÜM CL Bible (BSI)

¹² Tümüde nü asühachihkhi ching wukhiukbah, tüsho mungtsü ching belodarübah; nü müngüh lakhi awungbo tüsho amujukbonü khün thsüde alanbah, tüsho thulu ching sangbo alalanü khah dambah.

ISAIA 55:12 Iomraidhean Croise

MUNGSHIKHÜN 105:43

Apinü anihbuhnü mokhitkhi api mihtsürübo asühde bekhit.

MUNGSHIKHÜN 47:1

Mihtsürü alala, nüsa khah damang; asühde Atungpuh ki zhiang.

MUNGSHIKHÜN 65:12

Sunglo rimlopungbo zhikhiukshih; awungbo thrip aban asühachih.

MUNGSHIKHÜN 65:13

Rimlopungbo mihnu botonü lüpchim; jindükhünbo hibonü mithülam; arünü asühachihde zhichoh tüsho khün thsüchoh.

MUNGSHIKHÜN 69:34

Yinmi tüsho alomi, ketobo tüsho ju ching abüde alakhi lüpdükhinü api shiang.

ISAIA 14:8

Saipress sangbonü nü kurungkheak asühchoh, Lebanon cedarbonü thachoh, ‘ Tümütüsho nü abukkhüp yapmonü, isa kiushakpü she marü.’

ISAIA 35:10

Tüsho Atungpuh zuzu alodarübah tüsho khün thsüde Zion lim arübah; akheam mülakhi asühachihkhi arü ku kheak labah; arünü asühpü tüsho asühara ngübah, tüsho mulong rozhak tüsho sheak-dükip tsoabahbah.

ISAIA 44:23

Khün thsang O thüningbo, tümüde Atungpuhnü ha thsükheah; zhiang, O alomi asükbo; khün thsüde ahoang, O awungbo, O murung, tüsho ju ching sangdungbo! Tümüde Atungpuhnü Jakob rhokhitdo tüsho Israel ching müretahbah.

ISAIA 48:20

Babilon chingnü wukhiukang, Kaldea chingnü tsoang, ha asühkhinü zhide thaang, zhiyukang, ha alomi akheam ching yüshang; thaang, “Atungpuhnü api yamlarü Jakob rhokhitdo!”

ISAIA 49:13

Asühachihpü khün thsang, O thüningbo, tüsho khide asühang, O alomi; O awungbo, khün thsüde alankhitang! Tümüde Atungpuhnü api mihtsürü shukheamdo, tüsho api mihtsürü thsünürü kheak mihmüthsüm labah.

ISAIA 51:11

Jumonü Atungpuhnü rhokhitrü rholobah tüsho khün thsüde Zion lim arübah; akheam müla asühachihkhi arü ku kheak labah; arünü asühachih tüsho asühakokhi labah, tüsho mulong rozhak le masühkhi tsoabahbah.

ISAIA 52:9

Rukhühnü khün thsüde zhiang, nü athsümünimkhi Jirusalem; tümüde Atungpuhnü api mihtsürü shukheamdo, apinü Jirusalem rhokhitdo.

ISAIA 54:10

Tümüde awungbo tsopü tüsho awung mujukbo lah-a bahpü kuklah, tüshe I muzhodakkhi nü kheaknü müchamachih, tüsho I mungtsü tangzüngkhi makhin, nü kheak muzhokhi Atungpuhnü thachoh.

ISAIA 54:13

Nü tsührü alala Atungpuhnü thsangyubah, tüsho nü tsührü mungtsü tüsho latsühlayung labah.

JEREMIA 29:11

Tümüde inü nüsa thsungkheak lümkhi thsükhi inü mükheahlah, Atungpuhnü thachoh, nüsa arung thsungkheak lümkhibo tüsho athsümünimpü yung, nüsa kilim arübe mulonglam jihpü lah.

JEREMIA 30:19

Jurü chingnü makshe jihkhi arübah tüsho asühachihrü düsheak sobah. Inü arübo hihde akamshihbah tüsho arü nükde müla; inü arü müretahde kamshihbah tüsho arü khenoa müla.

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

JEREMIA 33:6

Tütüshe inü shihphü jihlobah tüsho thsüngubah; inü arü thsüngubah tüsho lalim atsü tüsho kurampung suhdahde inü arü ki huhbah.

EZEKIEL 17:24

Thulu sang dungbo alalanü I Atungpuhnü sangdung ashang kheamkhishihchoh tüsho sangdung anim shangshihchoh, sangrhangbo yiuhshihchoh tüsho sangshe-dungbo phüyakshihchoh de amükheahbah; I Atungpuhnü asukdo, tüsho inü ju rhimobah.

LUKNÜ ATHRÜTKHI THIYUSHEAK-ATSÜ HUHTANYU 15:10

Inü nüsa ki thachoh, junangde Thrünpuh yunirü miki mulong müthrikhi aneakrü khülang kurungkheak asühachihkhi lah.”

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

ROMRÜ KILIM PAULNÜ ATHRÜTKHI KIHÜM HUHTANYU 5:1

Jumonü akin hode alim kamshihkhinü isa Tungpuh Jisu Khrista hode Thrünpuh lung isa mungtsü lah.

ROMRÜ KILIM PAULNÜ ATHRÜTKHI KIHÜM HUHTANYU 5:11

Ju lang yung, tüshe shepü hode kheakü isa tsüarihkhi leangkhia la, isa Atungpuh Jisu Khrista hode Thrünpuh lung she isa asühachihchoh.

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

KOLOSI 1:11

Api müretah sühmüh yande, rünkhiungpü tüsho asühachih arümkheam alala thsungkheak wu alalanü nüsa reangzahshang,