ISAIA 55:11 - AMÜSÜH HÜM CL Bible (BSI)

¹¹ junangde I mün ching I yu wukhiukbah; I kilim akeangkeang malodarü tüshe I lümkhi akuk ngübah, tüsho inü thiyikhi ching kukzambah.

ISAIA 55:11 Iomraidhean Croise

ISAIA 40:8

Sangrung yiuhchoh, sangbün keamkhichoh; tüshe isa Thrünpuh yu lünnü azhipbah.

ISAIA 45:23

Inü thiyuchihchimdo, I mün chingnü thiyuro-lungki yu khülang malodarüpü thsüde wukhiukdo: “ I ki mukhuk alalanü khukningbah, mulo alalanü thiyuchihchimbah.”

ISAIA 46:10

atankih chingnü akheam khipkhitde tüsho jipü kim chingnü mürhimoyikhibo thade, “ I lümkhi zhipbah, tüsho inü alümkhi akuk ngübah,”

ISAIA 53:10

Tütüshe api thsünüde azünakpü ju Atungpuh lümkhi lakheah. Küyimki nünü api rhangdung neak dün kingaün jihbanü, apinü anihbuh tsührü ngübah tüsho api nimungbo thoshangbah; api hode Atungpuh lümkhi akuk ngübah.

ISAIA 54:9

Ha I ki Noa nimungbo nangde lah: Inü thiyuchihchimkhi nangde Noa kebo küyimkishe alomi kheak müyü, junangde nü kheak bukmakhiuk tüsho nü müthürüh de inü thiyuchihchim.

ISAIA 59:21

Tüsho I thsungkheak a, ha arü ki inü tangzüngkhi lah, Atungpuhnü thachoh: nü kheak lakhi I me, tüsho inü nü mün ching yukjihkhi I yubo nü mün chingnü, yungsho nüsa tsührübo mün chingnü, yungsho nüsa tsührü tsührübo mün chingnü kheakünü ründe tüsho lünnü müchamachih, Atungpuhnü thachoh.

JEREMIA 1:11

Atungpuhnü I ki keokhi, “Jeremia, nünü tümü ngücho?” Tüsho inü tha, “ Inü almond sangkhah khülang ngüchoh.”

JEREMIA 1:12

Judüki Atungpuhnü I ki tha, “ Nünü tsüde ngüdo, tümüde I yu dünjipü rhimoa huhpü inü kheahde lah.”

JEREMIA 1:13

Atungpuhnü I ki thalo, “ Nünü tümüpürü ngücho?” Tüsho inü tha, “Phüh khülang amapde alakhi dukulim peangnü angübah ngüde ayükhi inü ngüchoh.”

JEREMIA 23:20

Api lümkhi mürhimoyiki tüsho akuk müngüyiki Atungpuh bukakhiukkhi murholo. Püpü nimungbo ching nüsanü mütsande anikhitbah.

JEREMIA 25:13

Inü azhihde athakhi yubo alala ha hüm ching thrütkhi lüpdükhi, trükshih alala azhihde Jeremianü müchitkhi, ju lomi kheak handarübah.

EZEKIEL 24:14

I Atungpuhnü asukdo; kim arüchoh, inü rhimobah. Inü mutsomuwuh, inü maningshih, inü mülümalo. Nü limrobo tüsho nü rhimobo yande inü nü mahkhapbah, Atungpuh Thrünpuhnü thachoh.

AMOS 6:11

Kheahang, Atungpuhnü thiyuchihchim jihchoh, tüsho thüyam ato ju ajipbo kambah tüsho thüyam anini ju adütre kambah.

ZEKARIA 1:6

Tüshe I yubo tüsho I yakzanbo, küpü inü I yamlarübo tüsho wukihrübo ki thiyukhüm jihkhea, jurünü nüsa jipürü müyanphuhkhea de? Jumonü arünü mulong müthri tüsho tha, “ Wuto Atungpuhnü apinü arhimopü lümkhi thsükhi nangde isa limrobo tüsho rhimobo yande isa ki rhimodo.”

WÜHKHE 23:19

Thrünpuh ju akeangyu thapü thsüde mihtsürü ruk yung, yungsho lümkhi müthripü thsüde mihtsürü tsührü ruk yung. Apinü thabah mürhimocho de? Apinü alokhibah akuk müngücho de?

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

JOHAN 6:63

Rhangdung jihbuh ju me lah; shih yihnüpü müla. Inü nüsa ki asukkhi yubo ju me ah, tüsho jurü rhangdung ah.

ROMRÜ KILIM PAULNÜ ATHRÜTKHI KIHÜM HUHTANYU 10:17

Junangde akin ju asokhi chingnü arüchoh, tüsho Khrista dünkheak thsangyuthsangrakhi chingnü asokhi arüchoh.

1 KORINT 1:18

Tümütüsho dükheakde alarü ki sangkim yusheak ju makhakhi, tüshe isa khümkhita larü ki a Thrünpuh wu ah.

YUZÜNGTHALO 32:2

Inü thsangyukhi tsüng nangde atsamkhishang, inü athakhi ayinke nangde keamshang, sangdung nunu kheak tsüng arünnü akeamkhi nangde, tüsho rimkiu kheak tsüng shimshimde akeamkhi nangde.

1 TESALONIKA 2:13

Tüsho küyimki isa kheaknü nüsanü asokhi yu leangkhikhea, nüsanü ju mihtsürü yu nangde yung, tüshe kheakü nüsa akinrübo kheak rhimode alakhi, atsütsü Thrünpuh yu de aleangkhikhi thsungkheak isanü mutukzhakde Thrünpuh ki makshe jihchoh.

IBRI 6:7

Alo küpünü tsüng alochode akeamkhi yungabahcho, tüsho thulu thsürü kilim yihnübe wokephüyak akhiukshihchonü, Thrünpuh kilimnü müngüh mühi leangkhichoh.

JAKOB 1:18

Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.

1 PETER 1:23

Adükheakbe müjih yung tüshe amüdükheakpü arhang tüsho rünkhiungbe Thrünpuh yu hode nüsa aso zübeloshih.

1 SAMUEL 3:19

Samuel zode akamchoki, Atungpuh api lung lakheah tüsho api yu tümü lang she alo kheak mayokhishih.