ISAIA 55:1 - AMÜSÜH HÜM CL Bible (BSI)

¹ He, sherü kethürila, ke ching arang; tüsho nüsa sho mülarübo, arang, luang tüsho tsühang! Arang, yukhu tüsho niuhke adün müjihde luang.

ISAIA 55:1 Iomraidhean Croise

MUNGSHIKHÜN 143:6

Inü nü kilim I khahbo chungkihchoh; akung lo nangde I menü nü mürheangchoh.

MUNGSHIKHÜN 63:1

O Thrünpuh, nü I Thrünpuh ah; nahde inü nü yimbah; I menü nü thsungkheak kethürilah; ke mülapung akung lo tüsho asüksük lo ching I shihnü nü mürheangchoh.

MÜCHITMUDU 8:4

O mihtsürübo, inü nüsa ki jichoh, tüsho I düsheak ju mihtsürü tsührübo kilim lah.

MÜCHITMUDU 9:1

Lümlungnü anihbe yam thsüdo, tüsho dungjing thüne khimdo;

MÜCHITMUDU 9:5

“Arang, I yikhap tsühang tüsho inü arhukhi yukhu yungang.

KHÜNBOLUNGKHÜN 1:2

Nü münnü I kheak müthsüpang! Tümüde nü muzho a yukhu kheaknü atsübe,

KHÜNBOLUNGKHÜN 1:4

I nü lung bea lung, ike alihde tsoanü. Kiulongthsüpuhnü I api khiungshak ching beyuka lah. Isanü nü lung tode asühbah tüsho asühachihbah; isanü nü muzho yukhu kheaknü alü shijihbah; dükde arünü nü muzholah.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

ISAIA 1:19

Nüsanü mulongsho tüsho mihyu anisho, nüsanü alo ching yo atsü tsühbah;

ISAIA 44:3

Tümüde inü akung lo kheak ke dungkihbah, tüsho alo akung kheak yungzü lashihbah; inü nü tsühsoniuso kheak I me dungkihbah, tüsho nü münü kheak I müngühmühibo jihbah.

ISAIA 52:3

Tümüde Atungpuhnü ha thachoh: Nü akeangkeang mo yinkheah, tüsho sho müjihde nü rhokhitbah.

TÜZHOKHI 5:4

Isanü ayungkhi ke dün isanü ajihpü kamchoh; atakbe-sang athulopü kamchoh.

EZEKIEL 47:1

Jushu apinü I arüngyam ripit ki belodarü; arüngyam ching düküyukpung khüpnü ke bukde aniakhiuklim yüde alakheah (tümüde arüngyam ju aniakhiuklim abin); ke ju kingaün sadam düjinglim, arüngyam düjinglim thrip khüpnü bukde aki.

EZEKIEL 47:9

Ayung kürü ching yübanü, abükhi lorilokobo rhangdung labah, tüsho ju ching ha kebo khiungsho thüngüh hihde alabah. Ha aso kambah; tüsho ayung kürü ching yübanü, lüpdükhi rhangdung labah.

HOSEA 14:4

“ Inü arü akin-mülakhi thsüngubah; inü akeangnü arü muzhobah, tümüde I bukakhiukkhi arü kheaknü tsodo.

JOEL 3:18

Ju nimung ching müzüngbonü amühdo yukhu atsamkhibah, awungbo ching niuhke bukbah, tüsho Juda yungzü alala ching ke bukbah; kenü khülang Atungpuh yam chingnü abukkhitbah tüsho Akasia Jindükhün dütsütbah.

ZEKARIA 10:7

Judüki Ephraim mihtsürübo ju thirithsürü nangde akambah, tüsho arü mulongbo ju yukhu yungkhi nangde asühbah. Arü tsührübonü ju ngübah tüsho asühachihbah, arü mulongbo Atungpuh kheak khide asühbah.

ZEKARIA 2:6

Wusuang, Wusuang! Dukulim lomi chingnü tsoang, Atungpuhnü thachoh; tümüde thüning lim pung phüyi nangde inü khiungke lim nüsa hiumüzütshih, Atungpuhnü thachoh.

ZEKARIA 9:15

Wuto Atungpuhnü arü kümdobah, tüsho arünü lunghitrü muyuabahbah tüsho ajungbah; arünü arü thiyih ju yukhu nangde yungde, tüsho phurusük nangde mide akambah, kingaün sadam mühitbo nangde apangkhitbah.

MATHI 10:8

Tukthsü thsünguang, apham kihrü müsühkhitang, asherü arhang kamloshang, amünean me yankhitang. Nüsanü akeangnü leangkhido, akeangnü jihang.

MATHI 13:44

“Yinmi kiulongthsü ju mihtsürü khülangnü ngübah thulu ching rama-lakhi rahpung kiphahlah; ju kheak asühkhinü apinü yüchoh tüsho api lakhi alala yinbah ju lu thulochoh.

MATHI 26:29

Tüshe inü nüsa ki thachoh, inü nüsa lung I Buh kiulongthsü ching kurungaso ke aso muyungyi khiungde kurungaso ke muyung.”

MATHI 5:6

Thiyuro-lungki thsungkheak khümkethürirü asühpü, tümüde arü bukthsübah.

YUNIRÜBO RHIMO 8:20

Tüshe Peternü api ki tha, “Nü yo shotoyinchi nü lung dükheakshang, tümütüsho shonü Thrünpuh thsambah ngübah de nünü lümdo!

ROMRÜ KILIM PAULNÜ ATHRÜTKHI KIHÜM HUHTANYU 3:24

tüshe Jisu Khrista hode arükhi api amüthsüm hode akeangnü alim kamshih.

1 KORINT 3:2

Inü nüsa kilim amüküp yungde niuhke duh; tümüde nüsanü ju leangkhipü mukukyi; tüsho kheaküshe nüsa müthsakham,

1 PETER 2:2

Aso zübekhi khungarübo nangde, me niuhke müthsün yungang, junü nüsa akhümkhit ching zokihbah;

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.

AMIKHEAKAKHIUKKHI 3:18

Nü alarü kampü thsüde I kilimnü mo chingnü atsangkhitkhi suna thulopü inü nü ki athsunganahchoh; tüsho nü bünkeang lüpdopü thsüde aphuyupü amüye khimbo; tüsho nünü angükhukpü thsüde nü mükbo kheak mujupü müdangke.

RUTH 4:1

Boaznü kiuto chipimurung ki yübahle bin. Tüsho buhtsührü shepü Boaznü athakheanü api arü, tüsho Boaznü tha, “ Müyambuh, ha kheak arübah binang.” Junangde apinü ju kheak rholodarübah bin.