ISAIA 54:9 - AMÜSÜH HÜM CL Bible (BSI)

⁹ Ha I ki Noa nimungbo nangde lah: Inü thiyuchihchimkhi nangde Noa kebo küyimkishe alomi kheak müyü, junangde nü kheak bukmakhiuk tüsho nü müthürüh de inü thiyuchihchim.

ISAIA 54:9 Iomraidhean Croise

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

JOB HU H T ANYU 11:16

Nünü nü küpkhuk mihabahbah; nünü ju ke bukde atsokhi nangdü lang alümkhitbah.

MUNGSHIKHÜN 104:9

Arünü muhopü thsüde, arünü rholobah alomi müzhidopü thsüde nünü aredungbo zojih.

ISAIA 12:1

Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

ISAIA 49:18

Nü mük züngkihang tüsho mühide kheahang; arü alala mukhungchoh, arübo nü kilim arüchoh. I lale, Atungpuhnü thachoh, zülu nangde arü alala nünü ayihbah, tüsho arhangberü nangde nünü arü yihbah.

ISAIA 51:22

Wuto Atungpuhnü ha thachoh, nü Thrünpuh shepünü api mihtsürü dünkheak mushujihcho: Kheahang, nü khah chingnü amüshangbe pung inü ludo; nünü kheaküa I bukakhiukkhi lakuk chingnü mütründe muyung.

ISAIA 51:6

Nü mükbo thüning lim züngkihang tüsho abolim alomi kheak kheahang; tümüde mokhüh nangde thüningbo dükheakbah, khim khülang ruk alomi mürhütbah, tüsho ju ching larü somünakbo nangde ashebah; tüshe I akhümkhit lünnü alabah, tüsho I yo thiyuro-lungki küyimkishe mükheam.

ISAIA 51:8

Tümüde khim khülang ruk arinü arü tsühabahbah, tüsho shihnamkhim nangde arinü arü tsühbah; tüshe inü abekhitpü lünnü alabah, tüsho I akhümkhit lünnü lün labah.

ISAIA 55:11

junangde I mün ching I yu wukhiukbah; I kilim akeangkeang malodarü tüshe I lümkhi akuk ngübah, tüsho inü thiyikhi ching kukzambah.

ISAIA 62:8

Atungpuhnü api khah tsülim tüsho Wuto khahnü thiyuchihchimdo: Inü kheaküa nü hi nüsa riri jim thsüpü müjih, tüsho nü khisahkhi chingnü khiungkerünü yukhu muyung;

JEREMIA 31:37

Atungpuhnü ha thachoh: Akulim yinmibo akekhuksho tüsho abolim alomi khimtanbo yimkhuksho lang arünü arhimokhi alala dünkheaknü inü Israel tsührübo alala bahyukbah, Atungpuhnü thachoh.

EZEKIEL 16:42

Judüki nü azhihde I mulong zhipzhip keamlobah tüsho I mükthsü bukakhiuk nü kheaknü rholode atsobah; I azhihayihde akambah tüsho kheaküa bukmakhiuk.

EZEKIEL 39:20

I dükhüm kheak, nüsa khorabo tüsho aberü, thirithsü mihtsürü tüsho bonungrü mungji aban bukmüthsüyi khiungde atsühbah, Atungpuh Thrünpuhnü thachoh.

EZEKIEL 39:29

tüsho inü Israel yamkhün kheak I me dungkihchoki, inü arü kheaknü I miro müjiklo, Atungpuh Thrünpuhnü thachoh.