ISAIA 54:7 - AMÜSÜH HÜM CL Bible (BSI)

⁷ Kim anükhüh thsungkheak inü nü bahyuk, tüshe amuzhokhi atonü inü nü bea lubah.

ISAIA 54:7 Iomraidhean Croise

MUNGSHIKHÜN 106:47

Nü mung amüsüh kilim makshe jihpü tüsho nü mungshikhi ching akuk ngüpü, isa khümkhitang, O Atungpuh isa Thrünpuh, tüsho isa khiungkerü bolungnü bemukhungang.

MUNGSHIKHÜN 107:3

tüsho lomibo chingnü bemukhung, aniakhiuklim tüsho aniyüzahlimnü, dukulim tüsho düjinglimnü.

MUNGSHIKHÜN 30:5

Tümüde api bukakhiukkhi anükhüh kheak lang lachoh, tüshe api tsüyihkhi rhangdung amuyung lachoh; atripkhi ju tsüngre khülang thsungkheak lapü kuklah, tüshe yapsu asühachihkhi arüchoh.

MUNGSHIKHÜN 30:6

I kuhi atsü ching inü tha, “I küyimkishe matrüt.”

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 11:12

Apinü trükshihbo thsungkheak amütsan riphin khülang shuhkihbah, tüsho müzüta lakhi Israel tüsho hiumüzüta lakhi Juda alomi mühit phüyi chingnü bemukhungbah.

ISAIA 12:1

Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

ISAIA 26:20

Arang, I mihtsürü, nü yo khiungshak ching yüzahang, tüsho nü dunglim ripitbo rihang; bukakhiukkhi muhoyi khiungde anükhühkheak nü jikang.

ISAIA 27:12

Ju nimung Atungpuhnü Euphra ke bukpung kheaknü Ijip Ayung khiungde anitbah, tüsho nüsa khülang khülangnü bemukhungbah, O Israel mihtsürü.

ISAIA 27:8

Yankhita bahde, ramtso hode nünü arü azhihde thirithsü; abukakhiukde apinü arü aniakhiuklim pung yünkhi nimung lahkhita bah.

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

ISAIA 49:13

Asühachihpü khün thsang, O thüningbo, tüsho khide asühang, O alomi; O awungbo, khün thsüde alankhitang! Tümüde Atungpuhnü api mihtsürü shukheamdo, tüsho api mihtsürü thsünürü kheak mihmüthsüm labah.

ISAIA 49:18

Nü mük züngkihang tüsho mühide kheahang; arü alala mukhungchoh, arübo nü kilim arüchoh. I lale, Atungpuhnü thachoh, zülu nangde arü alala nünü ayihbah, tüsho arhangberü nangde nünü arü yihbah.

ISAIA 49:21

Judüki nü mulong ching nünü athabah, “Shenü I kilim harü zübejihkhea? I mitripde tüsho bünkeangberü, ramtso ching tsoshih-a lakheah– jumonü shenü harü mütrükhea? I a I langzü tsütsü lang alakheah dale harü küchingnü arükhea?”

ISAIA 50:1

Atungpuhnü ha thachoh: Inü nü be thiyia tsoshihkhi abah-hüm küching la? Yungsho inü nü yinkhi I sho putungpuh ju shepü a? Yung, nü neakbo dünkheaknü nü yinkheah, tüsho nünü alakmihkhibo dünkheak nü be tsoshihkheah.

ISAIA 56:8

Atungpuh Thrünpuhnü ha thachoh, shepünü yankhita lakhi Israelrü bemukhungcho, inü bemukhunga larü lung püpürü bedarübah.

ISAIA 60:10

Khiungkerübonü nü chipibo thsüjihbah, tüsho arü kiulongthsürübonü nü tankihbah; tümüde I bukakhiukkhi ching inü nü kingmülün, tüshe I mung chingnü nü kheak I amüthsüm lakheah.

ISAIA 60:4

Nü mükbo züngkihang tüsho mükamde kheahang; arü alala rukhüh mukhungchoh, arübo nü kilim arüchoh; nü tsührübo limshu chingnü arübah, tüsho nü tsührübebo arü mütrürü bin kheak shuhbah.

ISAIA 62:4

Kheaküa nü Amihkhi de müji tüsho nü lomi Azhikkhi de müji; tüshe I Asühkhi Anihbe kheak lah de nü ki jibah, tüsho nü lomi rhangdo de ajibah; tümüde Atungpuhnü nü kheak asühchoh tüsho nü lomi arhangbah.

ISAIA 63:7

Inü Atungpuh mihmuzho rhimobo, mung shipü thülünkhi Atungpuh rhimobo, Atungpuhnü isa thsungkheak rhimokhi alala dünkheak, tüsho Israel yamkhün kilim tode tsüdakkhi, apinü anihbuh mihmüthsüm yande arü ki huhkhi, api muzhodakkhi muzhomopung yande athabah.

ISAIA 66:18

Tümüde inü arü rhimobo tüsho arü lümkhi mükheahlah, tüsho trükshih le thiyutha alala bemukhungpü I arüchoh; tüsho arünü arübah I müretahkhi ngübah,

JEREMIA 51:5

Israel Amüsühbuh miki arü lomi amülimnü mide lalashe, Israel tüsho Juda arü Thrünpuh Wuto Atungpuhnü mübahyuk.

TÜZHOKHI 3:31

Tümüde Atungpuhnü lünnü mübahyuk.

TÜZHOKHI 3:32

Apinü mulong rozhak jihjih she anihbuh amuzho düküngkhi yande apinü mihmuzho labah;

EZEKIEL 36:24

Inü nü trükshihbo chingnü alubah, tüsho lomibo alala chingnü bemukhungbah, tüsho nihbuh lo ching nü beyukbah.

MIKA 4:6

Atungpuhnü thachoh, ju nimung ching inü jingkikrü bemukhungbah tüsho yanyuka bahrü tüsho inü thsümüchirü bemukhungbah.

MATHI 23:37

“O Jirusalem, Jirusalem, shepünü wukihrübo laksah tüsho anihbe kilim yüshihrü lungnü rusahkhea! Thunu dretonü ajipjipbo aghidükeang khüp bemukhungkhi nangde, küdükhüh ki lang inü nü tsührübo bemukhungpü künkhea, tüshe nünü mümulong!

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.

EFISIA 1:10

junangde yinmi ching tüsho alomi kheak lüpdükhi api kheak arihpü kim-khiukkhi lümkhi thsü.

YUZÜNGTHALO 30:3

Atungpuh nüsa Thrünpuhnü nüsa aramkhi chingnü belode arübah, tüsho nüsa kheak muzhode, Atungpuh nüsa Thrünpuhnü trük alala ching müzütshihkhi chingnü bemukhungbah.

JAKOB 4:6

Tüshe apinü amüthsüm alü jihchoh; jumonü apinü thachoh, “Thrünpuhnü akükheangrü yanlochoh, tüshe azhihayih kilim amüthsüm jihchoh.”

2 PETER 3:8

Tüshe amuzho müyamrübo, ha thiyuro dümih: Atungpuh lung nimung khülang ju chithürü tüsho chithürü ju nimung khülang nangde lah.