ISAIA 54:3 - AMÜSÜH HÜM CL Bible (BSI)

³ Tümüde nü tsülim tüsho huzulim bude ayübah, tüsho nü tsühsoniusobonü trükshihbo lubah tüsho abahkhitkhi kiutobo ching labah.

ISAIA 54:3 Iomraidhean Croise

THRÜNTAN 26:22

Tüsho apinü ju chingnü akhinbah kekhip püpü kiu, tüsho arünü ju thsungkheak a bede murukachih. Jumonü apinü ju mung Rehoboth de ji, tümütüsho apinü tha, “Tümüde kheakü Atungpuhnü isa thsungkheak khiungshak thsüjihdo, tüsho isa lomi ching aso asode alabah.”

THRÜNTAN 28:14

Nü tsühsoniusobo alo asungthulung nangde alabah; nü aniyüzahlim tüsho aniakhiuklim, dukulim tüsho düjinglim bude ayübah; tüsho nü le nü müjih ching alomi yamkhün alala müngühmühibah.

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

ISAIA 14:2

Tüsho trükshihbonü arübo arü lapung ching bedarübah, tüsho arübo Atungpuh khah ching Israel yo athrürü tüsho aliberü azhorü thsübah; arünü arü ramrü rama lubah, tüsho arü junorü kurungkheak yakzan shuhbah.

ISAIA 26:15

Tüshe nünü trükshih alü kamshih, O Atungpuh , nünü trükshih alü kamshih; nü müretahdo; nünü lomi aredung alala jakihshihdo.

ISAIA 45:14

Atungpuhnü ha thachoh: Ijip lakhit tüsho Ethiopia yinzüyindo, Seba atoashangbonü nü kilim arübah tüsho nü yo thsübah, arünü nü yanbah; arübo wuhrünliu yukbah arübah tüsho nü ki khukningbah. Arünü nü ki mushude athabah, “Thrünpuh nü lung lang lah, tüsho püpü müla; api hobah püpü thrünpuh müla.”

ISAIA 48:19

Nü tsührü loyi nangde alabah, tüsho nü tsühsoniuso hibümbo nangde alabah; arü mung küyimkishe yihdoa mübah yungsho I mikinü müdükheakshih.

ISAIA 49:12

Kheahang, harü limshu chingnü arübah, tüsho kheahang, harü dukulim tüsho aniyüzahlimnü, tüsho Sinim lomi chingnü arübah.

ISAIA 49:8

Atungpuhnü ha thachoh: Amulongkhi kim khülang ching inü nü ki alojihdo, akhümkhit nimung khülang ching inü nü rungdo; inü nü kümde zodo tüsho nü tangzüng khülang nangde lomi laloshihpü, thsümünima lakhi yamrüplurüp arünü alushihpü mihtsürübo kilim jihdo;

ISAIA 52:9

Rukhühnü khün thsüde zhiang, nü athsümünimkhi Jirusalem; tümüde Atungpuhnü api mihtsürü shukheamdo, apinü Jirusalem rhokhitdo.

ISAIA 53:10

Tütüshe api thsünüde azünakpü ju Atungpuh lümkhi lakheah. Küyimki nünü api rhangdung neak dün kingaün jihbanü, apinü anihbuh tsührü ngübah tüsho api nimungbo thoshangbah; api hode Atungpuh lümkhi akuk ngübah.

ISAIA 55:5

Kheahang, nünü mümükheahkhi trükshihbo nünü ajibah, tüsho nü mümükheahkhi trükshihbonü, Atungpuh , nü Thrünpuh, Israel Amüsüh Thrünpuh dünkheaknü nü kilim arübah; tümüde apinü nü müretahshih.

DANIEL 7:27

Kiulongthsü tüsho yakzan shuhpü tüsho alomi kheak kiulongthsü ato alala Khide Achangbuh yo amüsührü mihtsürü kilim jihbah; api kiulongthsü ju akheam mülakhi kiulongthsü labah tüsho yakzanshuhrü alalanü tankihbah tüsho api ki anibah.”

ROMRÜ KILIM PAULNÜ ATHRÜTKHI KIHÜM HUHTANYU 10:18

Tüshe inü keokhi: Arünü muso de? Jua am, “Arü düsheak alomi alala ching, tüsho arü yubo alomiküp akheambo ching yüdo.”

ROMRÜ KILIM PAULNÜ ATHRÜTKHI KIHÜM HUHTANYU 11:12

Kheakü arünü alakmihkhi alomi thsungkheak lakhitbo kamsho tüsho arü mukukzamkhi khiungkerü lakhitbo kamsho, arü alala kheyuksho küdükhüh alü laba!

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.