ISAIA 54:17 - AMÜSÜH HÜM CL Bible (BSI)

¹⁷ Nü azhihde athsükhi thsühnuk tümü she mütsüp, tüsho mahkhap ching nü azhihde athakhi yubo alala nünü alokhukbah. Ha Atungpuh yamlarü yamrüplurüp tüsho I kilimnü arü thiyuro-mütsan lah, Atungpuhnü thachoh.

ISAIA 54:17 Iomraidhean Croise

JOB HU H T ANYU 1:11

Tüshe kheakü nü khah chungkhitang, tüsho api lakhi alala qiuang, tüsho apinü nü miro kheak athrubah.”

JOB HU H T ANYU 2:5

Tüshe kheakü nü khah chungkhitang tüsho api ro le yin qiuang, tüsho apinü nü miro kheak athrubah.”

JOB HU H T ANYU 42:7

Atungpuhnü harü yubo Job ki asukshu, Atungpuhnü Temarü Eliphaz ki tha: “I bukakhiukkhi nü tüsho nü müyamrü mahne kheak lah; tümütüsho I yamlarü Job nangde nüsanü I dünkheak alungki masuk.

MUNGSHIKHÜN 32:6

Jumonü thiyuro mihtsürübonü arü lümthsünü kim ching nü ki tamkhüntamnüshang; tsükjide keto kingde akihchoki junü arü mukhiung.

MUNGSHIKHÜN 61:5

Tümüde nünü I thiyuchihchimkhi so, O Thrünpuh, nünü nü mung trerü yamrüplurüp I kilim jih.

MUNGSHIKHÜN 71:16

Inü Atungpuh T HRÜNPU H sühmüh ching yübah; inü nü yo thiyuro-lungki lang athabah.

MUNGSHIKHÜN 71:19

O Thrünpuh, nü thiyuro-lungki khide changlah, nünü rhimo atobo thsü; O Thrünpuh, nü nangde she la?

ISAIA 17:12

Ah, mihtsürü ahihdo arhunganimkhi, arünü keto ahuhkhi nangde alanchoh! Ah, trükshihbo arungkhi, arünü ke ato ahukkhi nangde ahukchoh!

ISAIA 26:2

Chipiripitbo khimshuhang, junangde thiyuro-lungki trükshihbo akin larünü ayüzahbah.

ISAIA 29:8

Khümsahde alakhi mihtsürünü yimtsühde mibah ju ruk lang khümde asürükhi ruk, yungsho kethüri mihtsürünü ke yungde mibah ju ruk lang thüride, sühkeakeade asürükhi ruk, junangde Zion bede thirithsürü trükshih boto alala labah.

ISAIA 3:10

Thiyuro larü ki arü kuhi lakhi thaang, tümüde arünü arü rhimokhi sangaso tsühbah.

ISAIA 40:2

Jirusalem ki shukheamde asukang tüsho anihbe ki zhiang, junangde anihbe thirithsü kheamdo, anihbe mülimkhi shakdo, anihbe neak dünkheak mahne kinü Atungpuh khah chingnü leangkhido.

ISAIA 41:11

Am, nü azhihde bukakhiukrü alala achih ngübah tüsho akinashu mülade akambah; sherünü nü azhihpü mürangchonü tümü mülade akambah tüsho adükheakbah.

ISAIA 46:13

Inü abekhitpü phünide handarüchoh, limshude yung, tüsho I akhümkhit mülakma; inü Zion ching akhümkhit yukbah, Israel thsungkheak müretahkhi labah.

ISAIA 50:8

shepünü I alim thsüjihchonü phünide lah. Shenü I ki azhihpü? Isa rukhüh zhipanü. I azhihrübo sherü a? Arü I ki arüshang.

ISAIA 50:9

I rungbuh ju A TU N GPU H T H RÜ NPU H lah; shenü I amülim jihpü? Arü alala khim nangde amürhütbah; arinü tsühabahbah.

ISAIA 51:5

I yo thiyuro-lungki phünide lah, I yo akhümkhit wukhiukdo tüsho I khahbonü mihtsürübo yakzan shuhbah; keyean lomibonü I aleangchoh tüsho I khah kheak arünü mulonglamchoh.

ISAIA 54:15

Khürünü nü zündosho, ju I kilimnü yung; sherünü nü zündobanü nü hode alungbah.

ISAIA 54:16

Kheahang, yingkingrü inü athrünkheah, shepünü mokhih yüntrucho tüsho yihnüpü thsüde thsühnuk kingkhitcho; alaksahpü thsüde athsümünimrü she inü thrün.

ISAIA 58:14

judüki Atungpuh lung nünü asühbah, tüsho inü nü alomi achangbo kheak tsahshihbah; inü nüsa jipürü Jakob yamrüplurüpnü nü kipduhbah, tümüde Atungpuh münnü asukdo.

ISAIA 60:21

Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

JEREMIA 23:6

Api nimungbo ching Juda khümkhitbah tüsho Israel akhümkhitkhi ching labah. Tüsho apinü ajipü mung ha labah: “Atungpuh ju isa thiyuro-lungki.”

DANIEL 3:26

Judüki Nebukednezarnü motrukhi ripit ki yü tüsho zhi, “Shadrak, Meshak tüsho Abednego, khide Achang Thrünpuh yamlarübo, akhiukang! Ha kheak arang!” Jumonü Shadrak, Meshak tüsho Abednego arünü mo chingnü akhiuk,

DANIEL 6:20

Küyimki api Daniel lapung kekhüzü-yam thüninde arükhea, apinü tripnede Daniel ki zhi, “ O Daniel, arhang Thrünpuh yamlarü, nünü thülünde tankihkhi nü Thrünpuhnü kekhüzübo chingnü nü bekhitkhuknah?”

MATHI 16:18

Tüsho nü Peter ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü ju mazhihkhuk.

ROMRÜ KILIM PAULNÜ ATHRÜTKHI KIHÜM HUHTANYU 10:4

Akin larü aban alim mütsanpü thsüde Khrista ju yakzan akheam ah.

ROMRÜ KILIM PAULNÜ ATHRÜTKHI KIHÜM HUHTANYU 3:22

Ha thiyuro-lungki ju Jisu Khrista ching akin hode akinrü alala kilim Thrünpuh kilimnü arüchoh. Ju ching büthsüde tümü müla,

ROMRÜ KILIM PAULNÜ ATHRÜTKHI KIHÜM HUHTANYU 8:1

Jumonü kheaküa Jisu Khrista ching larü thsungkheak abahyukkhi müla.

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

FILIPI 3:9

tüsho yakzan yande I küdahnü thiyuro-lungki kamkhi yung tüshe Khrista ching akin hode akin kheak ningkihkhi Thrünpuh kilimnü arükhi thiyuro-lungkinü I api kheak ngübah;

JIHUSUA 24:10

tüshe inü Balaam yu mani; jumonü apinü nüsa müngühjih; junangde api khah chingnü inü nüsa bekhit.

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim:

AMIKHEAKAKHIUKKHI 12:10

Tüsho yinmi ching düsheak achangnü thade inü so, “Kheakü akhümkhit, wu isa Thrünpuh kiulongthsü tüsho api yo Khrista thiyukhüm-sühmüh arüdo, tümüde isa Thrünpuh miki azhing ayin isa keoniorü amülim jihrü jipkhia bahdo.

1 SAMUEL 23:17

Apinü anihbuh ki tha, “Dütre; tümüde I buh Saul khah nü kheak müjipkih; nü Israel kurungkheak kiulongthsürü thsübah, tüsho I ju nü khinbuh labah; ha I buh Saulnü she mükheahlah.”