ISAIA 54:13 - AMÜSÜH HÜM CL Bible (BSI)

¹³ Nü tsührü alala Atungpuhnü thsangyubah, tüsho nü tsührü mungtsü tüsho latsühlayung labah.

ISAIA 54:13 Iomraidhean Croise

MUNGSHIKHÜN 119:165

Sherünü nü yakzan muzholanü mungtsü ato lah, tümünü she arü jing mümükheshih.

MUNGSHIKHÜN 119:33

O Atungpuh , nü yakzanbo amütsan I ki thsangyuang, tüsho inü ju akheam khiungde azobah.

MUNGSHIKHÜN 147:14

Apinü nüsa aredungyeanbo ching mungtsü thsüchoh, tüsho wheat hi atsüdaknü nüsa reangkeamshihchoh.

MUNGSHIKHÜN 71:17

O Thrünpuh, nünü I athunuchokinü thsangyu; tüsho ha nimung inü nü amüyinsahbe rhimobo khipkhitchoh.

ISAIA 11:9

Arü I yo amüsüh wung alala kheak müyuri yungsho müthsümünim; tümüde kenü keto zündokhi nangde Atungpuh mükheahkhinü alomi mide akambah.

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

ISAIA 26:3

Sherü lümkhi dükünglanü nünü mungtsü ching zochoh– tümütüsho arünü nü kheak kinchoh.

ISAIA 28:9

Apinü she ki mükheahmudu thsangyuba, tüsho she ki apinü thiyusheak anikhitshihba? Jurü niuh chamrü, kheakü niuh kheaknü shukkhia bahrü a shi?

ISAIA 29:24

Tüsho sherünü me ching lakmih-a lanü anikhitkhi ching arübah, tüsho sherünü arhunganimchonü thsangdankhi leangkhibah.

ISAIA 48:18

O nünü I yukhümbo anido dükhülaa! junangde nü müngühmühi ju ayung nangde alabah, tüsho nü thiyuro-lungki ju keto abükkhi nangde alabah.

ISAIA 50:4

Atungpuh Thrünpuhnü I kilim thsangyupü mulo khülang jih, junangde inü keaksahrü thiyu khülangnü reangzahshihpü mükheahbah. Yapsu aban apinü I yihmusuchoh– khürükhüh thsangyukhi anipü nangde I nükhün dukoshih.

ISAIA 54:12

inü aheangsadam amo-achaknü, chipiripitbo mürelungnü tüsho nü rhübo alala shotolungbonü athsüjihbah.

ISAIA 55:12

Tümüde nü asühachihkhi ching wukhiukbah, tüsho mungtsü ching belodarübah; nü müngüh lakhi awungbo tüsho amujukbonü khün thsüde alanbah, tüsho thulu ching sangbo alalanü khah dambah.

ISAIA 66:12

Tümüde Atungpuhnü ha thachoh: Inü anihbe kilim lalim atsü ayung nangde akamshihbah, tüsho trükshihbo lakhit kenü müleamde abukkhi nangde akamshihbah; nüsa mütrübah tüsho anihbe bin kheak shuhbah tüsho anihbe mukhuk kheak zobah.

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

JEREMIA 33:6

Tütüshe inü shihphü jihlobah tüsho thsüngubah; inü arü thsüngubah tüsho lalim atsü tüsho kurampung suhdahde inü arü ki huhbah.

EZEKIEL 34:25

Inü arü kheak mungtsü tangzüng khülang thsübah tüsho mütüm shiwühbo lomi chingnü ayankhitbah, junangde arünü mütüm tüsho sang-lünkhi ching kuramde alabah.

EZEKIEL 34:28

Arübo küruhkhüh trükshihbonü yankhia mulu, yungsho lomi shiwühbonü mumuyu; arübo akhümkhit ching labah, tüsho shenü arü mütreshih.

EZEKIEL 37:26

Inü arü kheak mungtsü tangzüng khülang thsübah; ju arü kheak akheam mülakhi tangzüng khülang labah; tüsho inü arü müngühjihbah tüsho wüh bushihbah, tüsho arü bolung I arüngakopung lünnü alashihbah.

HOSEA 2:18

Ju nimung nü thsungkheaknü inü mütüm shiwühbo, apung wuhnubo, tüsho alo kheak abüde atsahbe kheak tangzüng khülang thsübah; tüsho inü sanglüh, nukshang, tüsho thirithsü lomi chingnü akheamshihbah; tüsho inü nü mungtsü tüsho atsokhitkhi ching lashihbah.

MIKA 4:2

tüsho trükshih ahihdonü arübah tüsho athabah: “Arang, isanü Atungpuh müzüng, Jakob Thrünpuh yam ching wutuanü; junangde apinü isa ki api limrobo thsangyubah tüsho isanü api tsahpungbo ching tsahbah.” Tümüde Zion chingnü thsangdankhi, tüsho Jirusalem chingnü Atungpuh yu mikhuh ching yübah.

ZEKARIA 10:7

Judüki Ephraim mihtsürübo ju thirithsürü nangde akambah, tüsho arü mulongbo ju yukhu yungkhi nangde asühbah. Arü tsührübonü ju ngübah tüsho asühachihbah, arü mulongbo Atungpuh kheak khide asühbah.

MATHI 16:17

Jisunü api ki tha, “Jona tsührü Simon, nü müngühmühi, tümüde ha mihtsürünü yung tüshe yinmi ching I Buhnü nü ki akhiuka huhkheah.

LUKNÜ ATHRÜTKHI THIYUSHEAK-ATSÜ HUHTANYU 24:45

Tüsho arünü amüsühyubo anikhitpü thsüde apinü arü lümkhi khimshuhjih.

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

JOHAN 6:45

Ha wukihrübonü thrüta lah, ‘Tüsho arü alala Thrünpuhnü thsangyubah.’ Jumonü Abuh kilimnü asorü tüsho anikhitrü abannü I kilim arüchoh.

YUNIRÜBO RHIMO 2:39

Tümüde alokhikhi ju nüsa le nüsa tsührübo tüsho limshu ching larü, Atungpuh isa Thrünpuhnü ajirü aban kilim lah.”

ROMRÜ KILIM PAULNÜ ATHRÜTKHI KIHÜM HUHTANYU 14:17

Tümüde Thrünpuh kiulongthsü ju jim tüsho ayungbe yung tüshe Amüsüh Me ching thiyuro-lungki, mungtsü tüsho asühachihkhi lah;

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

ROMRÜ KILIM PAULNÜ ATHRÜTKHI KIHÜM HUHTANYU 5:1

Jumonü akin hode alim kamshihkhinü isa Tungpuh Jisu Khrista hode Thrünpuh lung isa mungtsü lah.

1 KORINT 2:10

Thrünpuhnü Me hode isa ki akhiuka huh. Tümüde Menü lüpdükhi, Thrünpuh lümkhi asükbo she yimchoh.

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

EFISIA 4:21

dükdüpüa nüsanü api dünkheak sodo tüsho Jisu kheak lakhi thiyuro nüsa ki thsangyudo.

FILIPI 4:7

Tüsho anikhitkhi alala kihode alakhi Thrünpuh mungtsünü Jisu Khrista ching nüsa mulong tüsho lümkhibo aheangbah.

1 TESALONIKA 4:9

Tüshe keoniorü muzhopü dünkheaknü khürünü nüsa ki thrütpü thsüde yihnüpü müla, tümüde khülangnü khülang muzhoachihpü Thrünpuhnü nüsa ki thsangyudo.

IBRI 8:10

Ju nimung dunglim inü Israel yamkhün kheak tangzüngpü ha lah, Atungpuhnü thachoh: Inü arü lümkhi ching yakzan yukjihbah, tüsho arü mulongbo kheak thrütbah, I arü Thrünpuh thsübah tüsho arü I mihtsürü thsübah.

IBRI 8:11

Tüsho arü mihbüm abannü müyamrü yungsho keoniorü ki, ‘Atungpuh mükheahang’ de müthsangyu, tümüde aninibenü atobe khiungde arü alalanü l mükheahbah.

1 JOHAN 2:20

Tüshe Amüsühbuh Khülangnü nüsa mujude-müsühkhit, tüsho nüsa alalanü mükheahlah.

1 JOHAN 2:27

tüshe nüsanü api kilimnü leangkhikhi mujude-müsühkhitkhi nüsa kheak lah, tüsho khürünü nüsa thsangyupü yihnüpü müla; apinü mujude-müsühkhitkhinü lüpdükhi dünkheak nüsa ki thsangyuchoh, tüsho ju thiyuro ah, tüsho akeangyu yung, nüsa ki thsangyukhi nangde api kheak laang.