ISAIA 53:7 - AMÜSÜH HÜM CL Bible (BSI)

⁷ Api ajunokheah, tüsho api thsümüchido tütüshe apinü amün mükhimshuh; namfimihnunu alaksahpü bede ayükhi nangde, tüsho namfimihnunu khülang anam rhiprü miki zhikde alakhi nangde, apinü amün mükhimshuh.

ISAIA 53:7 Iomraidhean Croise

MUNGSHIKHÜN 38:14

Hanangde I a musokhi mihtsürü, malojihkhi mün nangde lah.

MUNGSHIKHÜN 38:15

Tüshe O Atungpuh , inü nü kheak kinchoh; O Atungpuh I Thrünpuh, nünü alojihbah.

MUNGSHIKHÜN 44:22

Tütüshe nü dünkheaknü isa nimung amuyung laksahdo; isa alaksahpü namfimihnunu nangde lado.

ISAIA 50:6

Inü I shikrü kilim I düthsün jih, tüsho mükhühnam rukrü kilim I ngobo jih; inü mükhemükim tüsho mükeke mukhiukkhi chingnü I miro müjik.

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

JEREMIA 11:19

Tüshe I a azhihayihkhi namfimihnunu alaksahpü bede yükhi ruk lakheah. Tüsho ha I azhihkhi ah de inü mümükheah, junangde arünü amütsü lümkhi thsüde tha, “ Isanü sangaso kihde sangdung kiushakanü, isanü api rhangdung lomi chingnü lipkhianü, junangde api mung kheaküa mülümkhit!”

WÜHKHE 7:27

taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

MATHI 26:63

Tüshe Jisunü zhikde la. Tüsho achangbe amükeambuhnü api ki tha, “Nü Thrünpuh tsührü Khrista a shi yungnü isa ki thaang de inü arhang Thrünpuh tamde nü ki thachoh.”

MARK 14:61

Tüshe apinü malan tüsho tümü malo. Kheaküshe achangbe amükeambuhnü api ki keokhi, “Nü a Müngühmühibuh Tsührü, Khrista a de?”

MARK 15:5

Tüshe Jisunü judü lang tümü malo, jumonü Pilatnü müyinsah.

LUKNÜ ATHRÜTKHI THIYUSHEAK-ATSÜ HUHTANYU 23:9

Judüki apinü anihbuh ki thiyu ahihdo keokhi, tüshe api ki tümü malojih.

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 19:9

tüsho thüyam ching yüzahlobah Jisu ki tha, “Nü küchingnü a? Tüshe Jisunü api ki tümü malo.”

1 PETER 2:23

Küyimki api luhkheanü, apinü muluhlo; küyimki api thsünükheanü, apinü mümüzün; tüsho thiyuro mahkhapbuh kheak apinü mulonglam la.

AMIKHEAKAKHIUKKHI 5:6

Tüsho kiulongthsü-binkiu le arhang shiwüh phüyi dükeak tüsho azothsürü bolung, Namfimihnunu khülang alaksahkhi nangde, tüsho Thrünpuh mebo thüne alomi alala ching thiyikhi, ajuh thüne tüsho amükji thüne kihbah zhipde inü ngü;