ISAIA 53:5 - AMÜSÜH HÜM CL Bible (BSI)

⁵ Tüshe isanü alakmihkhi thsungkheak api yuri, isa amülimbo thsungkheak zünak; api kheak thsümüchi hode isa khiukde kamshih, tüsho api mübo hode isa ngushih.

ISAIA 53:5 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

JOB HU H T ANYU 33:24

apinü anihbuh ki müthsümde thachoh, “Alokhün ching yüzahpü chingnü api bekhitang; arhokhitpü khülang inü ngüdo;

MUNGSHIKHÜN 30:2

O Atungpuh , I Thrünpuh, arung thsungkheak inü nü ki zhi, tüsho nünü I thsüngu.

MÜCHITMUDU 20:30

Adamkhi tüsho mübonü amütsü müsüh-a bahchoh, tüsho alakkhibonü mulong alunglim tsangkhitchoh.

ISAIA 40:2

Jirusalem ki shukheamde asukang tüsho anihbe ki zhiang, junangde anihbe thirithsü kheamdo, anihbe mülimkhi shakdo, anihbe neak dünkheak mahne kinü Atungpuh khah chingnü leangkhido.

ISAIA 57:18

Inü arü limrobo ngüdo, tüshe inü arü thsüngubah; inü arü bebah tüsho mulong shukheam jihlobah, Israel ching mihtsürü mün kheak mungshi lashihbah:

ISAIA 6:7

Seraphnü I mün kheak junü qiu tüsho tha: “ Kheakü hanü nü münküpbo qiudo, nü mülimkhibo chamachihdo tüsho nü neak nankhita bahdo.”

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

MATHI 20:28

Mihtsürü Tsührü she tankihshihpü yung tüshe tankihpü tüsho ahihdo rhokhitpü api rhangdung jihpü arükheah!”

ROMRÜ KILIM PAULNÜ ATHRÜTKHI KIHÜM HUHTANYU 4:25

Api ju isa neakbo dünkheak ashepü ching jih tüsho isa alim kamshihpü thsungkheak arhang kamloshih.

1 KORINT 15:3

Tümütüsho tümü inü leangkhikheanü akhuhbe adungto thsüde nüsa kilim jihdo, junangde amüsühyu yande isa neakbo dünkheak khrista shekheah,

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

YUZÜNGTHALO 11:2

Atungpuh nü Thrünpuhnü thsangdankhi nü tsührübonü müngü tüsho mümükheah de khihni lümkhitang: Api wüntre-müretah, api khah ato; achungkhitkhi khah;

IBRI 10:10

Tüsho ju lümkhinü Jisu Khrista pang rüpde khülangki lang ajihkhi hode isa tsangkhit.

IBRI 10:14

Tümüde khülangki kingaünkhinü kim alala thsungkheak tsangkhita larü khiukdahde kamshihdo.

IBRI 5:8

Api ju atsührü thsüa lalashe, apinü thsünükhi hode mihyuanipü mükheah;

IBRI 9:28

ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;