ISAIA 53:10 - AMÜSÜH HÜM CL Bible (BSI)

¹⁰ Tütüshe api thsünüde azünakpü ju Atungpuh lümkhi lakheah. Küyimki nünü api rhangdung neak dün kingaün jihbanü, apinü anihbuh tsührü ngübah tüsho api nimungbo thoshangbah; api hode Atungpuh lümkhi akuk ngübah.

ISAIA 53:10 Iomraidhean Croise

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

MUNGSHIKHÜN 147:11

Atungpuhnü api trerü, api amüthsüm ching mulonglamrü kheak asühchoh.

MUNGSHIKHÜN 149:4

Tümüde Atungpuhnü api mihtsürü kheak asühlah; apinü azhihayihrü ju akuk ngükhinü akhamshihbah.

MUNGSHIKHÜN 21:4

Apinü nü kilimnü rhangdung kheang, tüsho nünü api kilim rhangdung kutsüpde alapü jih.

MUNGSHIKHÜN 22:30

Arübe lünbonü api tankihbah; mihtsürübonü arübe lün ki Atungpuh dünkheak thabah.

MUNGSHIKHÜN 22:31

Müzübeyikhi mihtsürübo ki thabah: “Atungpuhnü api mihtsürü khümkhit.”

MUNGSHIKHÜN 69:26

Tümüde arünü nünü ashikbuh thsümüchichoh, tüsho nünü yuria thsünüshihbuh dünkheak thachoh.

MUNGSHIKHÜN 72:17

Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

MUNGSHIKHÜN 72:7

Api nimungbo ching thiyuro-lungkirü lalim tsüde alabah, tüsho khinu mülayi khiungde mungtsü suhdahde alabah.

MUNGSHIKHÜN 89:29

Inü api müjih she lünnü rünkhiungshihbah, tüsho api kiulongthsü-binkiu yinmi nimungbo nangde alashihbah.

MUNGSHIKHÜN 89:36

api müjih lünnü rünkhiungbah, tüsho api kiulongthsü-binkiu ani nangde I miki labah;

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 46:10

atankih chingnü akheam khipkhitde tüsho jipü kim chingnü mürhimoyikhibo thade, “ I lümkhi zhipbah, tüsho inü alümkhi akuk ngübah,”

ISAIA 49:4

Tüshe inü tha, “ I akeangkeang ching rhimodo, tümü mülakhi tüsho akeangkeang ching I sühmüh bahdo; tüshe I ngüpü lakhi Atungpuh lung lah, I thsambah I Thrünpuh lung lah.”

ISAIA 53:12

Jumonü inü ato bolung api ki shihcham jihbah tüsho sühmüh lakhi lung api ayankhikhi-kukruk chama jihbah; tümütüsho apinü anihbuh langzünü she tüsho alakmihrü lung kheyuk; tütüshe apinü ahihdo neak han tüsho alakmihrü thsungkheak tamkhüntamnü.

ISAIA 54:3

Tümüde nü tsülim tüsho huzulim bude ayübah, tüsho nü tsühsoniusobonü trükshihbo lubah tüsho abahkhitkhi kiutobo ching labah.

ISAIA 61:9

Arü tsühsoniusobo trükshih bolung mükheahbah, tüsho arü münübo mihtsürü bolung mükheahbah, arü ngürü alalanü arübo ju Thrünpuhnü müngühjihkhi mihtsürü de amükheahbah.

ISAIA 66:22

Tümüde inü athsüpü lakhi yinmibo aso tüsho alomi aso I miki aninga labah, Atungpuhnü thachoh; junangde nü tsühsoniusobo tüsho nüsa mung aninga labah.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

JEREMIA 32:41

Inü arü kheak atsü rhimokhinü asühbah, tüsho thülünde, I mulong alala tüsho I me alalanü inü arü ha lomi ching lashihbah.

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

EZEKIEL 37:25

Inü I yamlarü Jakob kilim jihkhi nüsa jipürü lakhi lo ching arübo labah; arü le arü tsührü tüsho arü tsührü tsührübo lünnü ju ching labah; tüsho I yamlarü David lünnü arü yakzanshuhrü thsübah.

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

ZEPHANIA 3:17

Atungpuh , nü Thrünpuh, nüsa bolung lah, Wuto Khülangnü nü khümkhitbah; apinü nü kurungkheak asühbah, apinü api muzho ching nü aso kamshihbah; apinü nü kurungkheak asühde khün thsübah,

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

WÜHKHE 7:15

taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

MATHI 17:5

Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

MATHI 3:17

Tüsho zukleangnü yinmi chingnü düsheak khülangnü tha, “Ha inü tsüde mulong keamkhi, amuzhokhi I tsührü ah.”

LUKNÜ ATHRÜTKHI THIYUSHEAK-ATSÜ HUHTANYU 1:33

Apinü Jakob yamkhün kurungkheak lünnü kiulongthsübah, tüsho api kiulongthsü akheam mülade alabah.”

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 12:24

Atsütsü inü nüsa ki thachoh, wheat hi ju alo ching ayobah müshikhitsho, ju ruk lang lachoh; tüshe ju shikhitsho, junü hi ahihdo mukhuhshihchoh.

JOHAN 13:32

Api kheak Thrünpuh müretahsho, Thrünpuhnü api kheak anihbuh müretahbah, tüsho nahde api müretahbah.

ROMRÜ KILIM PAULNÜ ATHRÜTKHI KIHÜM HUHTANYU 6:9

Tümüde Khrista ashe chingnü asürükhi küyimkishe müshelo de isanü mükheahlah; kheakü ashenü api kurungkheak yakzan mushuh.

ROMRÜ KILIM PAULNÜ ATHRÜTKHI KIHÜM HUHTANYU 8:32

Shepünü nihbuh tsührü müsühmühde isa alala dünkheak jihabahkheanü, apinü lüpdükhi isa kilim müjihba de?

ROMRÜ KILIM PAULNÜ ATHRÜTKHI KIHÜM HUHTANYU 8:8

tüsho shih ching larünü Thrünpuh masühshihkhuk.

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

GALATIA 3:13

Isa thsungkheaknü muthrumünean kamde yakzan muthrumünean chingnü Khristanü isa rhokhit, tümüde ha thrüta lah: “Shepü sangdung kheak zhinbanü muthrumünean.”

EFISIA 1:5

Api lümkhi ayannü Jisu Khrista hode isa api tsührü thsüpü lümjung,

EFISIA 1:9

Tüsho Khrista ching apinü alümkihkhi atsü yande api aram lümkhi isa ki mükheahshih,

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

2 TESALONIKA 1:11

Hamonü isa Thrünpuhnü nüsa apinü ajikhi thülünde akamshihpü, tüsho api wu hode akinnü apungkhikhi rhimo atsü aban akuk ngübah,

IBRI 2:13

Tüsho kheaküshe, “Inü api kheak I mulonglam zobah.” Tüsho kheaküshe, “Ha ching I, tüsho Thrünpuhnü I kilim jihkhi tsührübo lah.”

IBRI 7:27

Achangbe amükeamrübo nangde apinü akhuhde nihbuh neakbo tüsho mihtsürübo neak thsungkheak nimung aban laksah-a kingaünpü yihnüpü müla, apinü anihbuh jihabahchoki khülangkinü ha rhimoabahdo.

IBRI 9:14

lün lakhi Me hode areak mükihde Thrünpuh kilim anihbuh jihkhi Khrista thiyihnü ashekhi rhimo chingnü arhang Thrünpuh tankihpü nüsa lümkhi küdükhüh she atsangkhitba!

1 PETER 2:24

Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu.

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.