ISAIA 52:7 - AMÜSÜH HÜM CL Bible (BSI)

⁷ Awungbo kheak mungtsü zhiyukrü jing küdükhüh she akhamla, shepünü thiyusheak atsü handarücho, shepünü akhümkhit zhiyukcho, shepünü Zion ki thacho, “ Nü Thrünpuhnü kiulongthsüchoh.”

ISAIA 52:7 Iomraidhean Croise

MUNGSHIKHÜN 59:13

nü bukakhiukkhi ching arü muyuang; shahde arü muyuang, junangde Israel ching Thrünpuhnü yakzan shuhchoh, tüsho api yakzan alomi alala khiungde lah de mihbüm abannü amükheahbah.

MUNGSHIKHÜN 68:11

Atungpuhnü thiyukhüm jih; ju zhiyukpü boto ato lakheah:

MUNGSHIKHÜN 93:1

Atungpuhnü kiulongthsüchoh, api ju wüntre-müretah yihlah; Atungpuh yihlah, api sühmühnü züt thsülah. Tsükjide alomiküp ju maphapkhukpü thsüde thsüa lah.

MUNGSHIKHÜN 96:10

Trükshihbo lung thaang, “Atungpuhnü kiulongthsüchoh; alomiküp she düngde thsüa lah, ha maphap; apinü thiyuro-lungkinü mihtsürübo mahkhapbah.”

MUNGSHIKHÜN 97:1

Atungpuhnü kiulongthsüchoh; alominü asühachihshang; mükhebinkhi kekung-lobonü asühachihshang!

MUNGSHIKHÜN 98:2

Atungpuhnü api akhümkhit mükheahshih; apinü trükshihbo miki api thiyuro-lungki amikheak akhiukde huh.

MUNGSHIKHÜN 98:3

Apinü Israel yamkhün kheak api amüthsüm tüsho thiyuro lakhi lümkhitdo; alomi akheambo alalanü isa Thrünpuh akhümkhit ngüdo.

MUNGSHIKHÜN 99:1

Atungpuhnü kiulongthsüchoh; mihtsürübo ajanshang! Api cherubim dükeak lah; alomi aphapshang!

KHÜNBOLUNGKHÜN 2:8

I tsübuh düsheak sochoh! Kheahang, api awungbo kheak jukde, awung mujukbo alihhode arüchoh.

ISAIA 24:23

Judüki khinu mitingdo akambah, tüsho aninü ayin mütah; tümüde Wuto Atungpuhnü Zion Müzüng kheak tüsho Jirusalem ching kiulongthsübah, tüsho api yo azothsürü miki api müretahkhi akhiukbah.

ISAIA 33:22

Tümüde Atungpuh ju isa mahkhapbuh, Atungpuh ju isa yakzanshuhrü, Atungpuh ju isa kiulongthsüpuh; apinü isa khümkhitbah.

ISAIA 40:9

Nü awung achang kheak yükihang, O Zion, thiyusheak atsü mükheahshang; nü düsheak sühmüh zahde shuhkihang, O Jirusalem, thiyusheak atsü mükheahshang, shuhkihang, dütre; Juda kiutobo ki thaang, “Ha ching nüsa Thrünpuh lah!”

ISAIA 41:27

Inü akhuhde Zion ki thakheah, Kheahang ju ching arü lah! tüsho Jirusalem ki thiyusheak atsü jihkheah.

ISAIA 42:11

Loshelo tüsho kiutobonü arü düsheak shuhkihang, Kedarrü lakhi kiulongbo; Sela ching larübonü asühkhi thsungkheak khün thsüshang, arünü awung mujukbo kheaknü ahoshang.

MIKA 4:7

Inü jingkikrübo aninga larü kamshihbah, tüsho yanyuka bahrübo, sühmüh lakhi trükshih kamshihbah; tüsho Atungpuhnü Zion Müzüng ching arü kurungkheak kheakü tüsho lünnü kiulongthsübah.

NAHUM 1:15

Kheahang! Müzüngbo kheak, thiyusheak atsü handarürü, mungtsü zhiyukrü arüchoh! Nü thüniobo arüngang, O Juda, nünü thiyuchihchimkhi jihang, tümüde kheaküa mihbukmuyuknü nü lomi ching mazah; arü shahde adükheakbah.

NAHUM 2:1

Nü azhihde ayanrü atua lah! Chipibo aheangang; limro kheahang; nü chimbo rümang; keochihpü thsakhamang.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

MARK 13:10

Tüsho akhuhde trükshih alala ki thiyusheak-atsü thsangyuthsangrabah.

MARK 16:15

Tüsho apinü arü ki tha, “Alomiküp alala ching yüang tüsho mihtsürübo alala ki thiyusheak-atsü thsangyuthsangraang.

LUKNÜ ATHRÜTKHI THIYUSHEAK-ATSÜ HUHTANYU 2:10

Yunirünü arü ki tha, “Dütre; tümüde kheahang, inü mihtsürü alala thsungkheak asühpü ato thiyusheak atsü hande arüchoh;

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

EFISIA 6:15

tüsho mungtsü thiyusheak-atsü kukruknü nü jing khümang;

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 14:6

Judüki yunirü püpü thüning phulung alomi kheak larü trükshih, trük, thiyutha tüsho mihtsürü aban ki akheam müla thiyusheak-atsü zhiyukde phinde inü ngü;