ISAIA 52:4 - AMÜSÜH HÜM CL Bible (BSI)

⁴ Tümüde Atungpuh Thrünpuhnü ha thachoh: Adüso, I mihtsürü khiungkerü thsüde Ijip ching lapü yüzah; Asiriarünü she amütsan mülade arü junokheah.

ISAIA 52:4 Iomraidhean Croise

THRÜNTAN 46:6

Jumonü arünü Kanan lomi chingnü angükhi arü shiwühbo tüsho kukrukbo lubah, Jakob tüsho api lung anihbuh tsühsoniusobo alala Ijip lim yü.

THRÜNTAN 46:7

Api tsührübo tüsho api tsührü tsührübo, api tsührübebo tüsho api tsührü tsührübebo, tüsho api tsühsoniusobo alala anihbuh lung apinü Ijip lim bede yü.

JOB HU H T ANYU 2:3

Atungpuhnü Arimri ki tha, “Nünü I yamlarü Job mükheahkhitnah? Alomi kheak api nangde she müla, mungchih müla tüsho Thrünpuh wüntrerü alungki tüsho amütsü chingnü bahkhichoh. Amüdopü mülade api thsümünimpü api azhihde nünü I athsungthsung she apinü judü lang thiyuro lah.”

MUNGSHIKHÜN 25:3

Nü aleangrü sheshe achih düngüshih; nü azhihrübo achih ngüshang.

MUNGSHIKHÜN 44:12

Nünü nü mihtsürü adün thülihde yin, arü dünkheak amo chakde mükheang.

MUNGSHIKHÜN 69:4

Amütsan mülade I thraneanrü I kuyü kheaknü ahihbe ah; amudopü mülade I thsümünimpü yimrü I riribo ahihdo lah. Inü mahühkhi shakpü I kheak thsungkihchoh.

ISAIA 14:25

Inü Asiriarü I lomi chingnü dükheakshihbah, tüsho I yo awung kheak müphü khüp api jungbah; api sangkaplak, tüsho api hahmülang arü dubuh kheaknü lahkhia bahbah.

JEREMIA 50:17

Israel a kekhüzünü namfimihnu yanmüzütkhi nangde lah. Akhuhde Asiria kiulongthsüpuhnü api muyu, tüsho kheakü akheam ching Babilon kiulongthsüpuh Nebukednezarnü arobo mutro.

JOHAN 15:25

Tüshe ha yakzan ching, ‘Amütsan mülade arünü I thraneando,’ de thrüta lakhi yu dünjipü lakheah.