ISAIA 52:12 - AMÜSÜH HÜM CL Bible (BSI)

¹² Tümüde nüsa niokheamde muwukhiuk, tüsho nüsa shande müyüzah; tümüde Atungpuh nüsa müngüh yübah tüsho Israel Thrünpuh nüsa dunglim aheangrü thsübah.

ISAIA 52:12 Iomraidhean Croise

1 KIUTHSÜYUKHEAN 14:15

Küyimki balsam sangbo ku kheak jing khün nünü asobanü, judüki keochihpü wukhiukang; tümüde Filistiarü bonungrü kinga lungshihpü Thrünpuh nüsa müngüh yüdo.”

ABEKHIT 12:11

Hanangde nüsanü atsühbah: nüsa chim kheak pangrümpü kihbah, nüsa jingkhümpü khümbah, tüsho nüsa khah ching tso shuhbah. Nüsanü ju niokheamde tsühang. Ha Atungpuh phunghothünio ah.

ABEKHIT 12:33

Ijiprünü mihtsürübo ki arü lomi niokheamde bahbah atsopü tuthsuk. Tümüde arünü tha, “Isa alala ashebah.”

ABEKHIT 12:39

Tüsho arünü Ijip chingnü hanbah akhiukkhi phaüm muyukkhi yikhap ju nung; ha phaüm muyukyide alakheah, tümütüsho arübo Ijip chingnü ayankhitkhinü maleangkhuk yungsho arü tsühyungbe mütsanglungbit.

ABEKHIT 14:8

Atungpuhnü Ijip kiulongthsüpuh Pharao mulong müküpshih tüsho mulong tode ayürü Israelrü müsham.

ISAIA 26:7

Thiyuro-lungki limro arihlah; O Thiyuro labuh Khülang, nünü thiyuro-lungki limro arihde kamshih.

ISAIA 28:16

jumonü Atungpuh Thrünpuhnü ha thachoh, Kheahang, inü Zion ching khimtan lung khimchoh, amüzhak lung, shoto amühit-lung, mütsandakkhi khimtan: “Shepünü akinbanü müshungnim.”

ISAIA 42:16

Inü müktukrü arünü mümükheahkhi limronü abebah, arünü mümükheahkhi tsahpung ching limbebah. Inü arü müngüh amitingnü ayin kamshihbah, mutromutruk dangpungbo alo arih kamshihbah. Harü ha inü arhimobebo lah tüsho inü harü mübahyuk.

ISAIA 45:2

I nü müngüh yübah tüsho awungbo keamarihshihbah, inü müwayinchi khimdopübo lakthünakbah tüsho yinchi-khrihbo yihshakbah,

ISAIA 49:10

arü mükhüm yungsho kemüthüri yungsho apung atak yungsho aninü arü kheak mütak, tümüde shepünü arü kheak müthsümchonü arü bebah, tüsho ayung limpeang arü bebah.

ISAIA 49:11

Tüsho inü I wung alala limro kamshihbah tüsho I limtobo shuhkihbah.

ISAIA 51:14

Junoa larü nahde adükhebah; arü müshe tüsho alokhün ching müyüzah, yungsho arü yikhap mümükheak.

ISAIA 57:18

Inü arü limrobo ngüdo, tüshe inü arü thsüngubah; inü arü bebah tüsho mulong shukheam jihlobah, Israel ching mihtsürü mün kheak mungshi lashihbah:

ISAIA 58:8

Judüki nü yo ayin yapsu nangde atahbah, tüsho nahde nü thsüngubah; nü thiyuro-lungki nü müngüh yübah, Atungpuh müretahkhinü nü dunglim aheangbah.

MIKA 2:13

Shepünü lakashungchonü arü müngüh yübah; arünü lakashungbah tüsho chipiripit hode junü awukhiukbah. Arü kiulongthsüpuh arü müngüh yübah, Atungpuhnü arü limbebah.

WÜHKHE 10:25

Akheam thsüde Dan trüknü boto alala aheangde bonungrü ayannü tsahmusu; tüsho arü limbebuh ju Ammishaddai tsührü Ahiezer.

YUZÜNGTHALO 16:3

Nüsanü ju phaüm yukkhi yikhap lung dütsüh; nimung thüne nüsanü ju lung phaüm muyukkhi yikhap tsühbah, ju thsünükhi yikhap (tümüde nüsa Ijip chingnü niokheamde akhiuk), junangde nüsanü nüsa Ijip chingnü akhiukkhi rhangdung amuyung lümkhitbah.

YUZÜNGTHALO 20:4

tümüde Atungpuh nüsa Thrünpuh nüsa khümkhitpü thsüde thiriri bede keochihpü nüsa lung yüchoh.’

JIHUSUA 4:11

Küyimki arübo dükihlim peang khiungkhea, amükeamrübonü A TUN GPU H tangzüng sangdan hanbah mihtsürübo müngüh yü.

JIHUSUA 6:9

Thsühnuk shuhrübo ju hulipungpung mütrü müngüh yü, tüsho aheangrü ashurü ju mutukzhakde hulipungpung mütde ayüchoki tangzüng sangdan yande yü.

MAHKHAPRÜ 4:14

Judüki Deboranü Barak ki tha, “ Asürang, tümüde khihni Atungpuhnü Sisera nü khah ching jihdo. Atungpuh nü müngüh müyü de?” Jumonü Baraknü mihtsürü 10,000 api lung yande Tabor müzüng kheaknü aki.