ISAIA 52:10 - AMÜSÜH HÜM CL Bible (BSI)

¹⁰ Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

ISAIA 52:10 Iomraidhean Croise

JOB HU H T ANYU 40:9

Thrünpuh nangde nü bin la de, tüsho api nangde düsheaknü nünü tsüngmukpü kukla de?

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 67:2

Junangde alomiküp lüpdükhinü nü lümkhi mükheahbah; trükshih alalanü nü akhümkhit mükheahbah.

ISAIA 11:9

Arü I yo amüsüh wung alala kheak müyuri yungsho müthsümünim; tümüde kenü keto zündokhi nangde Atungpuh mükheahkhinü alomi mide akambah.

ISAIA 25:9

Ju nimung thabah, Kheangang, ha isa Thrünpuh ah; isa khümkhitshihpü thsüde isanü api aleangkheah. Ha isanü aleangkhi Atungpuh lah; isanü api akhümkhit ching asühanü tüsho asühachihanü.

ISAIA 30:30

Tüsho Atungpuhnü api wüntre-müretah düsheak soshihbah tüsho api khah akikhi ngübah; bukakhiukde, aniuabahbe motru, amo-shokhi, chinthrüm tüsho aru belah.

ISAIA 33:13

Nüsa limshude larübo, inü tümü rhimoa lanü aniang; tüsho nüsa aphüni larübo, I wu-sühmüh mütsankhitang.

ISAIA 40:5

Judüki Atungpuh müretahkhi akhiukbah, tüsho mihtsürü alalanü rukhühnü angübah, tümüde Atungpuh münnü asukdo.”

ISAIA 45:22

I kilim rholoang tüsho khümkhitang, alomi alala akheambo! Tümüde I Thrünpuh ah, tüsho püpü müla.

ISAIA 48:20

Babilon chingnü wukhiukang, Kaldea chingnü tsoang, ha asühkhinü zhide thaang, zhiyukang, ha alomi akheam ching yüshang; thaang, “Atungpuhnü api yamlarü Jakob rhokhitdo!”

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

ISAIA 51:9

Asürang, asürang, sühmüh zahang, O Atungpuh khah! Asürang, awün nimungbo, adüso lünbo nangde! Rahab adütre kamde khapthünakkhi, ke-rimri chinkhitbuh nü yung de?

ISAIA 53:1

Isa yusheak shepünü akinkhea? Tüsho shepü ki Atungpuh khah akhiukkhea?

ISAIA 59:16

Apinü ju ching sheshe mülakhi ngü, tüsho arungkhirü mülakhi müyinsah; jumonü anihbuh khahnü api kilim akuk ngükhi handarü, tüsho api thiyuro-lungkinü api tholo.

ISAIA 62:1

Anihbe akuk ngükhi yapsu nangde mütahyi khiungde, tüsho anihbe akhümkhit tsün nangde mütahyi khiungde, Zion thsungkheaknü inü zhikde müla, tüsho Jirusalem thsungkheaknü inü sühakhim mulu.

ISAIA 63:5

Inü kheah, tüshe arungrü she mülakhea; I müyinsah, tümüde I duhyitrü she mülakheah, jumonü I khahnü akuk ngükhi handarü, tüsho I bukakhiukkhinü I rung.

MIKA 5:4

Api azhipbah tüsho A TU N GPU H sühmüh ching, api Thrünpuh Atungpuh wüntre-müretah mung ching api namfimihnubo yimkipbah. Tüsho arü tsokhita labah, tümüde kheakü alomi akheambo khiungde api ato labah;

LUKNÜ ATHRÜTKHI THIYUSHEAK-ATSÜ HUHTANYU 2:30

tümüde I müknü nü akhümkhit ngüdo;

LUKNÜ ATHRÜTKHI THIYUSHEAK-ATSÜ HUHTANYU 3:6

Tüsho mihtsürü alalanü Thrünpuh akhümkhit ngübah.’ ”

YUNIRÜBO RHIMO 13:47

Tümüde Atungpuhnü thiyukhüm jihde isa ki tha, ‘Inü nüsa ju khiungkerü khilim tsün kamshih, junangde nüsanü alomi alala ching akhümkhit hande arübah.’ ”

JIHUSUA 4:24

Ha hode alomiküp ching mihbüm abannü Atungpuh wu-sühmüh ato mükheahbah, tüsho Atungpuh nüsa Thrünpuh nüsanü lünnü wüntre jihbah.”

AMIKHEAKAKHIUKKHI 14:6

Judüki yunirü püpü thüning phulung alomi kheak larü trükshih, trük, thiyutha tüsho mihtsürü aban ki akheam müla thiyusheak-atsü zhiyukde phinde inü ngü;

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”