ISAIA 51:9 - AMÜSÜH HÜM CL Bible (BSI)

⁹ Asürang, asürang, sühmüh zahang, O Atungpuh khah! Asürang, awün nimungbo, adüso lünbo nangde! Rahab adütre kamde khapthünakkhi, ke-rimri chinkhitbuh nü yung de?

ISAIA 51:9 Iomraidhean Croise

JOB HU H T ANYU 26:12

Api wunü keto keamloshih; api anikhitkhinü Rahab kingmülün.

JOB HU H T ANYU 9:13

Thrünpuhnü abukakhiukkhi mutuklo; kükheangküyang müshiprü api khüp chungthülangdo yaplah.

MUNGSHIKHÜN 21:13

O Atungpuh , nü sühmüh ching shuhkihang; isanü khün thsübah tüsho nü wu shijihbah.

MUNGSHIKHÜN 44:1

Isa nükhünnü sodo, O Thrünpuh; adüsonü arü nimungbo ching nünü tümü rhimokheanü isa jipürünü isa ki thado.

MUNGSHIKHÜN 44:2

Nü khahnü trükshihbo yankhit tüsho isa jipürübo lashih; nünü mihtsürübo zünak tüsho isa jipürübo zuzu kamshih.

MUNGSHIKHÜN 44:23

Asürang, O Atungpuh ! Tümüde nü yapla? Nü asürang! Isa lünnü dübahyuk.

MUNGSHIKHÜN 44:24

Tümüde nü miro ramcho, tüsho isa thsünü le junokhi mihcho?

MUNGSHIKHÜN 59:4

Inü amülim thsükhinü yungde, arünü alihde yüchoh tüsho thsakhamchoh. I rungpü asürang, tüsho kheahang!

MUNGSHIKHÜN 7:6

O Atungpuh , nü bukakhiukkhi ching asürang, I riribo bukmüshakkhi azhihde nü jukmusuang; asürang, O I Thrünpuh; nünü mahkhap khülang thsakhamlah.

MUNGSHIKHÜN 77:5

Inü awün nimungbo, jipü kimbo kam lümakheahdo.

MUNGSHIKHÜN 78:65

Judüki Atungpuh ju ayapkhi chingnü nangde, sühmüh larü mihtsürü yukhunü müshanga arungshihkhi nangde asürü.

MUNGSHIKHÜN 87:4

“Inü I mükheahrü ki Rahab tüsho Babilon dünkheak thabah; kheahang, O Filistia tüsho Tair, Ethiopia bede: ‘ Ha ju ching zübekheah.’ ”

MUNGSHIKHÜN 89:10

Nünü Rahab ju alaksahkhi nangde dükheakshih; nünü nü bin amürangnü nü riribo müzütshih.

MUNGSHIKHÜN 89:11

Yinmibo nü yo, alomi she nü yo; alomiküp tüsho ju ching lüpdükhi nünü thrün.

MUNGSHIKHÜN 93:1

Atungpuhnü kiulongthsüchoh, api ju wüntre-müretah yihlah; Atungpuh yihlah, api sühmühnü züt thsülah. Tsükjide alomiküp ju maphapkhukpü thsüde thsüa lah.

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

ISAIA 27:1

Ju nimung Atungpuhnü abukakhiukde, ato tüsho amürang nukshangnü aphinkhi ke-rimri ahingkhulukkhi phuruto thsümüchibah tüsho apinü keto ching lakhi ke-phuru laksahbah.

ISAIA 30:7

Tümüde Ijip arung ju amüthülünkhi tüsho akeangkeang, jumonü inü anihbe ki jikheah, “Zhikde abinkhi Rahab.”

ISAIA 51:17

Nü asürang, nü asürang! zhipang, O Jirusalem, nü shepü Atungpuh khah kheaknü api bukakhiukkhi pung yungkhea,

ISAIA 51:5

I yo thiyuro-lungki phünide lah, I yo akhümkhit wukhiukdo tüsho I khahbonü mihtsürübo yakzan shuhbah; keyean lomibonü I aleangchoh tüsho I khah kheak arünü mulonglamchoh.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

ISAIA 52:10

Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

ISAIA 53:1

Isa yusheak shepünü akinkhea? Tüsho shepü ki Atungpuh khah akhiukkhea?

ISAIA 62:8

Atungpuhnü api khah tsülim tüsho Wuto khahnü thiyuchihchimdo: Inü kheaküa nü hi nüsa riri jim thsüpü müjih, tüsho nü khisahkhi chingnü khiungkerünü yukhu muyung;

EZEKIEL 29:3

asukang, tüsho thaang, Atungpuh Thrünpuhnü ha thachoh: Inü nü azhihde lah, Ijip kiulongthsüpuh Pharao, shiwüh ato ayung phulung lakhinü thachoh, “ Nile ju I yo; ha I thsungkheak inü thsü.”

MIKA 7:15

Nünü isa Ijip chingnü bekhitkhi nimungbo ching nangde, isa ki amüyinsahbebo huhang.

HABAKKUK 2:19

Nüsa sherünü sang ki, “Asürang!” de thacho, malankhi lung ki, “ Wusuang” de thachonü are. Hanü thsangyukhukla de? Kheahang, ha suna tüsho shotoyinchi mujukihkhi lah, tüsho ju ching sheak müla.

HABAKKUK 3:13

Nünü nü mihtsürü khümkhitpü, mujude-mokhitkhi khümkhitpü mikhuh ching arü. Nünü mihbukmuyuk lomi limberü zünak, ku chingnü jing khiungde khuka bahjih.

ZEKARIA 10:11

Arünü lümthsünü keto tsahhobah, tüsho keto abükkhibo kingkheambah tüsho Nile asükbo alala ngahbah. Asiria kükheangkhi abobe kambah tüsho Ijip tso chamde atsobah.

ZEKARIA 2:13

Mihtsürü alala Atungpuh miki zhikde laang; tümüde api amüsüh lapung chingnü api arüchoh.

LUKNÜ ATHRÜTKHI THIYUSHEAK-ATSÜ HUHTANYU 1:51

Apinü anihbuh binnü sühmüh huhdo; apinü arü mulong ching lülüshishide alümkhi hiumüzütshih.

JOHAN 12:38

junangde wukihrü Isaianü athakhi yu dünjipü lakheah: “Atungpuh, shepünü isa yusheak kinkhea? Tüsho shepü ki Atungpuh khah akhiuka huhkhea?”

YUNIRÜBO RHIMO 7:7

Tüsho arü junokhi trükshih inü mahkhapbah, Thrünpuhnü tha, ‘tüsho ju dunglim arü akhiukbah ha dangpung ching I tankihbah.’

YUZÜNGTHALO 4:34

Yungsho A TUN GPU H nüsa Thrünpuhnü nüsa ki Ijip ching rhimokhi nangde, thrünpuh khürünü trükshih khürü püpü trükshih chingnü api yo thsüpü rükakide, amükheahmihbe huhde, khinthiyinbe rhimode, keochihde, wu-sühmüh khah chunghuhde, tüsho tode müzünkhi la shi?

AMIKHEAKAKHIUKKHI 11:17

tha, “Atungpuh Wuto Thrünpuh, isanü nü ki makshe jihchoh, shepü la tüsho shepü lakhea, tüsho arüpü la, tümütüsho nünü wu ato lu tüsho kiulongthsüpü tankih.

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

MAHKHAPRÜ 6:13

Tüsho Gideonnü api ki tha, “O I tungpuh, Atungpuh isa lung lasho, küde thsah hadürü isa kheak dünjikhea? Tüsho api amüyinsahbebo alala küching la, küpü isa bebuhrübonü isa ki tha, ‘Atungpuhnü isa Ijip chingnü bede atukhi yung de?’ Tüshe kheakü Atungpuhnü isa bahyuk tüsho Midiarü khah ching jih.”