ISAIA 51:5 - AMÜSÜH HÜM CL Bible (BSI)

⁵ I yo thiyuro-lungki phünide lah, I yo akhümkhit wukhiukdo tüsho I khahbonü mihtsürübo yakzan shuhbah; keyean lomibonü I aleangchoh tüsho I khah kheak arünü mulonglamchoh.

ISAIA 51:5 Iomraidhean Croise

MUNGSHIKHÜN 110:6

Apinü trükshih bolung mahkhapbah, apinü dangpungbo ashemibonü amishihbah, apinü alomi alala yakzanshuhrü zünakbah.

MUNGSHIKHÜN 67:4

Trükshihbo asühshang tüsho asühachihde khün thsüshang, tümüde nünü thiyuro-lungkinü mihtsürü mahkhapchoh tüsho alomi trükshihbo bechoh.

MUNGSHIKHÜN 85:9

Tsükjide api trerü ki api akhümkhit thüninde lah, junangde müretahkhi isa lomi ching labah.

MUNGSHIKHÜN 96:13

Tümüde api arüchoh, tümüde api alomi mahkhappü arüchoh. Apinü alomiküp thiyuro-lungkinü, tüsho mihtsürü api thiyuronü mahkhapbah.

MUNGSHIKHÜN 98:9

tümüde api alomi mahkhappü arüchoh. Hiyuro-lungkinü apinü alomiküp, tüsho alungkinü mihtsürübo mahkhapbah.

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 24:15

Jumonü aniakhiuklim Atungpuh ki müretah jihang; keto yean lomibo ching Atungpuh Israel Thrünpuh mung müretahshang.

ISAIA 26:4

Lünnü Atungpuh kheak kinang, tümüde Atungpuh T H RÜ NPU H ju akheam mülakhi Lung ah.

ISAIA 33:2

O Atungpuh isa ki müthsümang; isanü nü aleanglah. Yapsu aban isa sühmüh thsang, Küpkhuk kim ching isa khümkhitang.

ISAIA 33:22

Tümüde Atungpuh ju isa mahkhapbuh, Atungpuh ju isa yakzanshuhrü, Atungpuh ju isa kiulongthsüpuh; apinü isa khümkhitbah.

ISAIA 40:10

Kheahang, Atungpuh nüsa Thrünpuh wulade arüchoh, tüsho api binnü api thsungkheak yakzan shuhchoh; api thsambah api lung lah tüsho apinü bekhitkhi api müngüh lah.

ISAIA 42:4

Apinü alomi ching thiyuro mülashihyi khiungde, api sühkeakeade mükam yungsho müzünak; tüsho keyean lomibonü api thsangyukhi thsungkheak aleanglah.

ISAIA 46:13

Inü abekhitpü phünide handarüchoh, limshude yung, tüsho I akhümkhit mülakma; inü Zion ching akhümkhit yukbah, Israel thsungkheak müretahkhi labah.

ISAIA 49:1

I ki aniang, O keyean lobo, tsüde aniang, nüsa limshu mihtsürübo! müzübechokinü Atungpuhnü I jikheah, I be nuyam ching lachoki apinü I mung jijihkheah.

ISAIA 54:17

Nü azhihde athsükhi thsühnuk tümü she mütsüp, tüsho mahkhap ching nü azhihde athakhi yubo alala nünü alokhukbah. Ha Atungpuh yamlarü yamrüplurüp tüsho I kilimnü arü thiyuro-mütsan lah, Atungpuhnü thachoh.

ISAIA 56:1

Atungpuhnü ha thachoh: Thiyuro zoang, tüsho alungki rhimoang, tümüde I akhümkhit nahde arübah, tüsho inü thiyurolungki akhiuka huhbah.

ISAIA 59:16

Apinü ju ching sheshe mülakhi ngü, tüsho arungkhirü mülakhi müyinsah; jumonü anihbuh khahnü api kilim akuk ngükhi handarü, tüsho api thiyuro-lungkinü api tholo.

ISAIA 60:9

Tümüde keyean lomibonü I aleangbah, Tarshish sangkungbo akhuhlah, nü tsührübo limshu chingnü bedarüpü, arü lung shotoyinchi tüsho suna, Atungpuh nü Thrünpuh tüsho Israel Amüsüh Thrünpuh mung thsungkheak, tümütüsho apinü nü müretahshihdo.

ISAIA 62:11

Atungpuhnü alomi akheam khiungde zhiyukdo: Zion tsührübe ki thaang, “ Kheahang, nü khümkhitbuh arado; api thsambah anihbuh lung lah tüsho apinü bekhitrü api müngüh belah.”

ISAIA 63:5

Inü kheah, tüshe arungrü she mülakhea; I müyinsah, tümüde I duhyitrü she mülakheah, jumonü I khahnü akuk ngükhi handarü, tüsho I bukakhiukkhinü I rung.

JOEL 3:12

Trükshihbonü asürüshang, tüsho Jehoshaphat Jindükhün ching atushang; tümüde ju ching inü mühirü trükshih alala mahkhapbah.

ZEPHANIA 2:11

Atungpuh mihtrebe thsüde arü azhihbah; apinü lomi thrünpuhbo alala thsümünimbah, tüsho keyeanlobo tüsho kekung-lo trükshihbo alalanü nihbuh dangpung chingnü api ki kingaünbah.

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

MATHI 3:2

tüsho tha, “Mulong müthriang, tümüde yinmi kiulongthsü thüninde lah!”

MARK 16:15

Tüsho apinü arü ki tha, “Alomiküp alala ching yüang tüsho mihtsürübo alala ki thiyusheak-atsü thsangyuthsangraang.

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

YUNIRÜBO RHIMO 17:31

tümütüsho apinü amokhitkhi mihtsürünü thiyuro-lungkinü alomiküp mahkhappü nimung khülang akhukhitdo, tüsho ha apinü ashe chingnü arhang kamloshihkhi hode mihtsürü alala kilim adüngakhi jihdo.”

ROMRÜ KILIM PAULNÜ ATHRÜTKHI KIHÜM HUHTANYU 2:16

Ha I yo thiyusheak-atsü yande Thrünpuhnü Jisu Khrista hode mihtsürü lümkhibo mahkhap nimung dünjibah.

2 KORINT 5:10

Tümüde isa alala Khrista thiyukhap binkiu miki labah, junangde mihbüm abannü pang ching rhimokhi ayannü atsü yungsho amütsü leangkhibah.

YUZÜNGTHALO 30:14

Tüshe thiyu ju nü ki khide thüninde, nü mün ching tüsho nü mulong ching lah, junangde nünü ju rhimobah.

1 SAMUEL 2:10

Atungpuh azhihrü dükheakshihbah; Khide Achangbuhnü thüning ching tsüng mukbah. Atungpuhnü alomi alala mahkhapbah; apinü api kiulongthsüpuh kilim reangzahshihbah, tüsho apinü amüsühkhitkhi wu shuhkihbah.”