ISAIA 51:20 - AMÜSÜH HÜM CL Bible (BSI)

²⁰ Nü tsührübo lungdo, arübo kiudunglimro ku koyubah yaplah, azheang ching shihmüchi nangde arübo Atungpuh bukakhiukkhinü, Thrünpuhnü athürühkhinü mide lah.

ISAIA 51:20 Iomraidhean Croise

ISAIA 29:9

Nüsa makhaang tüsho zhazhade kamang, nüsa mük yihdoang tüsho tukang! Müshangang, tüshe yukhunü yung; yingyingang, tüshe amüshangbenü yung!

ISAIA 40:30

Athunurü she sühkeakeabah tüsho akeakbah, tüsho athunurü khiabahbah;

ISAIA 49:26

Inü nü junorübo ki arü shih tsühloshihbah, tüsho arü thiyihnü yukhunü nangde amüshangbah. Judüki mihtsürü alalanü I Atungpuh nüsa Khümkhitrü tüsho nüsa Rhokhitrü, Jakob yo Wuto Khülang de amükheahbah.”

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

ISAIA 51:17

Nü asürang, nü asürang! zhipang, O Jirusalem, nü shepü Atungpuh khah kheaknü api bukakhiukkhi pung yungkhea,

ISAIA 51:21

Jumonü ha aniang, nüsa sherü yuria la, sherü müshanga la, tüshe yukhunü yung:

ISAIA 66:15

Tümüde Atungpuh mo ching, tüsho api khora-lolungbebo chitmühean nangde, api bukakhiukkhi jihlopü bukmüshakkhi ching, tüsho apinü thürühkhi motru ching arübah.

ISAIA 8:21

Arü alomi hode tode lümthsünüde tüsho khümde ayübah; küyimki arü akhümbanü, arü bukakhiukbah tüsho arü kiulongthsüpuh le arü thrünpuhbo athrubah. Arü mirobo mutuh lim abinbah,

JEREMIA 14:16

Tüsho arünü sherü mihtsürü ki müchitkheanü, khümzung tüsho nukshangnü ashekhi hode Jirusalem wungdo phulung ching jipa bahbah. Arü kiuyuka bahrü she mülade alabah–arü, arü niuberübo, arü tsührü, tüsho tsührübebo. Arü mihbukmuyuk inü arü kheak dungkihbah.

JEREMIA 14:18

I thulu ching wukhiuksho, nukshangnü alaksahkhibo inü ngüchoh; I kiuto ching yüzahsho, khümzungnü tukthsürübo inü ngüchoh. Wukihrü tüsho amükeamrü chido arünü mümükheahkhi ching yüdo.

TÜZHOKHI 1:15

Atungpuhnü I lung lakhi thirithsürübo alala bahyuk; apinü I azhihde I mihtsürü athunubo zünakpü kim khülang zhiyuk; Atungpuhnü yukhu nitpung nangde atsangkhit Juda tsührübe jungnakdo.

TÜZHOKHI 1:19

Inü I muzhorübo ki ji tüshe arünü I mülapyuk; I yo amükeamrü tüsho azothsürübo arü sühmüh dükünglopü tsühyungpü yimchoki kiuto ching dükheakdo.

TÜZHOKHI 2:19

Aheangpü tankihchoki azhing ching asürang, zhiang! Atungpuh miki ke nangde nü mulong bukkhitang! Nü tsührübo rhangdung lapü thsungkheaknü api ki nü khah shuhkihang, sherübo akhümkhinü kiudunglimro mungyean aban lungcho.

TÜZHOKHI 4:11

Atungpuhnü abukakhiukkhi dünjishih; apinü bukakhiukkhi thurukhit tüsho Zion ching mo takkih, junü akhimtanbo aniuabah.

TÜZHOKHI 4:2

Zion tsührübo shoto, adünkhi atsüdak suna thülünlah– künangde arübo alo phühbo nangde khejihde, phühdamrü khahnü arhimokhi la!

TÜZHOKHI 5:13

Athrününgtsüngbo hi chupü nimkihchoh, tüsho athrürü nunubo sanghahnü ajapchoh.

EZEKIEL 12:13

Inü api thsungkheak keang zobah, tüsho I qimürip ching api phuhbah; inü api Kaldearü lomi Babilon ching handarübah, tüshe apinü ju müngükhuk, tüsho api ju ching shebah.

EZEKIEL 17:20

Inü api thsungkheak keang dütrüna zobah, tüsho api I qimürip ching phuhbah. Inü api Babilon ching handarübah tüsho api kheak mahkhapbah tümütüsho apinü I ki thiyuro mülade lado.

EZEKIEL 39:19

Inü nüsa thsungkheak laksah-a thünio thsakhamkhi ching nüsanü nüsa bukmüthsüyi khiungde amüdang tsühbah tüsho mümüshangyi khiungde thiyih yungbah.

YUZÜNGTHALO 14:5

shihmüchi, dakdakpü, khuduhshih, mütüm mihnu, awung mihnu, shahyih, awung namfimihnu.

YUZÜNGTHALO 28:20

“Nüsanü amütsü rhimode I bahyukkhi dünkheaknü, nüsa müshe khiungde tüsho nahde müdükheak khiungde Atungpuhnü nüsa kheak muthrumünean, ayingyingpü arüshihbah, tüsho nüsanü arhimokhi alala ching thsümütsü lashihbah.

AMIKHEAKAKHIUKKHI 14:10

api she Thrünpuh mulong zhipzhip pung mikhiukde ayukkhi yukhu yungbah. Api ju amüsüh yunirübo tüsho Namfimihnunu mikinü mo le yinchike bede thsümüchibah.