ISAIA 51:2 - AMÜSÜH HÜM CL Bible (BSI)

² Nü buh Abraham tüsho nü zübebe Sara kilim kheahang; tümüde inü api zangrü jikheah, tüshe inü api müngühjih tüsho api hihde kamshih.

ISAIA 51:2 Iomraidhean Croise

THRÜNTAN 22:17

müngühmühi ching inü nü müngühjihbah, tüsho wühjabuja ching thüning ching chiningbo tüsho keyean loyibo nangde nü tsühsoniusobo bushihbah; tüsho nü tsühsoniusobonü arü riri kiutobo müküh-a lubah.

THRÜNTAN 24:1

Kheakü Abraham zoban a ashinbuhrü lakheah, tüsho Atungpuhnü lüpdükhi ching Abraham müngühjih.

THRÜNTAN 24:35

Atungpuhnü I putungrü tode müngühjihdo, tüsho alarü kamdo; tüsho apinü anihbuh kilim mihnu boto le moshibo, shotoyinchi le suna, athrürü tüsho aliberü yamlarübo, tüsho kemelbo le donkibo jihdo.

ISAIA 29:22

Jumonü Abraham rhokhitbuh Atungpuhnü Jakob yamkhün dünkheak ha thachoh: Kheaküa Jakob machih, api miro mümürüm.

ISAIA 41:8

Tüshe nü, Israel, I yamlarü, Jakob, shepü inü mokhitkhea, I müyambuh Abraham tsührü;

ISAIA 43:27

Nüsa jipürü akhuhbuhnü neak yihbeak, tüsho nüsa limberünü I azhihde neak yihbeak,

ISAIA 48:1

Ha aniang, O Jakob yamkhün, sherü Israel mungnü jia la, tüsho shepü Juda tsühsoniuso chingnü arükhea; shepünü Atungpuh tamde thiyuchihchimkhea, tüsho Israel Thrünpuh jikhea, tüshe thiyuro yungsho alungki ching yung.

ISAIA 60:22

Yamkhün aninibenü guk khülang kambah, tüsho boto anikhühnü sühmüh lakhi trükshih kambah; I Atungpuh ; kim dükde ching inü ju nahde arhimobah.

ISAIA 63:16

Tümüde nü isa abuh, Abrahamnü isa mümükheahkheah she tüsho Israelnü isa mümütsantsan she; nü, O Atungpuh , isa abuh lah; adüsonü isa Rhokhitbuh ju nü mung ah.

EZEKIEL 33:24

Mihtsürü tsührü, ha abahkhi Israel lomi ching larünü thade lah, “Abraham ju mihtsürü khülang lang alakheah, tütüshe api a alo yamrüplurüp lu; tüshe isa hihlah; tsükjide müküh-a lupü isa kilim yamalo jih-a lah.”

YUZÜNGTHALO 1:10

Atungpuh nüsa Thrünpuhnü nüsa wüh bushihdo, tüsho thüning ching lakhi amükhebin chiningbo nangde, khihni nüsa ha ching lah.

YUZÜNGTHALO 26:5

Tüsho nünü Atungpuh nü Thrünpuh miki thabah: ‘Rümde atsahrü Aramrü ju I buh lakheah; tüsho api wühkhe nükde Ijip ching tsode yünü la; tüsho ju ching api trük ato, sühmüh lakhi tüsho wüh hihde kam.

JIHUSUA 24:3

Tüsho inü nüsa jipürü Abraham ju Euphra chingnü bekhitbahle Kanan lo alala behode yü, tüsho tsühsoniuso amükhebin jih. Inü api kilim Isak jih;