ISAIA 51:19 - AMÜSÜH HÜM CL Bible (BSI)

¹⁹ Thsümütsü mahne nü kheak yükihdo –shenü nü lung mulong rozhakba?– thsümünima yapkhi tüsho athsümünimkhi khümzung tüsho nukshang– shenü nü shukheamba?

ISAIA 51:19 Iomraidhean Croise

JOB HU H T ANYU 2:11

Kheakü küyimki api kheak harü küpkhukbo arükhi Job müyamrü mahsamnü asokhea, mihbüm abannü nihbuh yam chingnü tsahmusu– Temarü Eliphaz, Shuhairü Bildad, tüsho Naamarü Zophar. Arünü yübah api lung tüzhopü tüsho shukheampü shoruachih.

JOB HU H T ANYU 42:11

Judüki api khiungmungrü tüsho chiniurübo tüsho püpüki api mükheahachihrü alala api kilim arü, tüsho arünü anihbuh yam ching api lung yikhap tsüh; Atungpuhnü api kheak thsümütsü alala hande arükhi thsungkheak arünü api kheak are dükhi huh tüsho mulong shukheam; tüsho arü abannü api kilim sho tüsho suna yingkhüm jih.

MUNGSHIKHÜN 69:20

Mükhemükimnü I mulong thsümünimdo, junangde I mulong dükheakkhi ching lah. Amuzho tüsho mulong shukheamrü inü kheah tüshe inü she müngü.

T H S AN GYU T H S AN GR ARÜ 4:1

Kheaküshe alomiküp ching junode rhimokhi inü ngü. Kheahang, junoa lakhi chikebo–shenü arü mushukheam! Arü junorü rheang ki wu lakheah–shenü arü mushukheam.

ISAIA 14:30

Zhochihrü bolung zhochih traktrakrü yimtsühpü ngübah, tüsho küpkhukrü atsokhitkhi ching yapbah; tüshe inü nü ying akhümnü asheshihbah, tüsho nü kheaknü aningkhi inü alaksahbah.

ISAIA 22:4

Jumonü inü tha: I kheaknü anguhde tsoang, inü tripdüsükde tripanü; inü muzhokhi mihtsürübo dükheakkhi thsungkheak I düshukheam.

ISAIA 47:9

Harü chido kim khülang, nimung khülang chingnü nü kheak arübah: nünü wurük ahihdo tüsho müchit-wu ato huhhuh she, tsührü dükheakpü tüsho khimoberü kampü kim dükde ching nü kheak arübah.

ISAIA 54:11

O thsünükhi, chinthrüm-yünkhi, tüsho mushukheamkhi, inü nü khimtanbo shotolungbonü akhimbah,

ISAIA 60:18

Thiyih bukkhi nüsa lomi ching kheaküa muso, thsünimthsüshi nüsa aredung ching müla; nünü nü chipibo ki Akhümkhit tüsho nü chipiripitbo ki Mungshi de ajibah.

ISAIA 61:2

Atungpuh mulongkhi kam zhiyukpü, tüsho isa Thrünpuh royimkhi nimung zhiyukpü; tüzhode alarü alala shukheampü;

ISAIA 8:21

Arü alomi hode tode lümthsünüde tüsho khümde ayübah; küyimki arü akhümbanü, arü bukakhiukbah tüsho arü kiulongthsüpuh le arü thrünpuhbo athrubah. Arü mirobo mutuh lim abinbah,

ISAIA 9:20

Arünü tsülim aneam tüshe judü lang khümde alakheah, tüsho arünü huzulim aneam, tüshe bukmüthsü; arünü nihbuh tsührü shih she tsüh;

JEREMIA 15:5

Shenü nü ki amuzho laba, O Jirusalem, yungsho shenü nü kheak tüzhojihba? Shepünü nü tsüde lanah de akeopü rholoba?

JEREMIA 24:10

Tüshe inü nukshang, khümzung, tüsho arüm-tukthsü, inü arü tüsho arü jipürü kilim jihkhi lomi chingnü arübo shahde müdükheakshihyi khiungde arü kheak yüshihbah.

TÜZHOKHI 1:12

Nüsa I tsahhorübo alala, nüsa ki tümü müla de? Mürüngang tüsho kheahang, mulong rozhakkhi khürü I nangde la shi, küpü I kheak hande arükhea, küpü Atungpuhnü api bukakhiuk nimung I thsümüchikhea.

TÜZHOKHI 1:9

Anihbe mümüsühkhi ju rungthsün kheak lakheah; anihbenü arübe thsungkheak mülümakheah; anihbe keamkhi atrebe lakheah, shenü anihbe mushukheam. “ O Atungpuh , I thsünükhi kheak kheahang, tümüde thiririnü kukdo!”

TÜZHOKHI 3:47

thsünü tüsho qimürip, abahyukkhi tüsho athsümünim isa kheak arü.

EZEKIEL 14:15

Yungsho ju lomi hode inü mütüm shiwüh thiyikhüla tüsho arünü ju zhikrangkhündo zojihsho tüsho shiwühbo dünkheaknü shenü ju lomi muhokhukpü thsüde thsümünimsho,

EZEKIEL 14:21

Tümüde Wuto Atungpuhnü ha thachoh: Mihtrebe phüyi Jirusalem azhihde, nukshang, khümzung, mütüm shiwühbo tüsho arüm–mihtsürü tüsho arü shiwühbo laksahpü arüshihchoki küdükhüh amütsübe laba!

AMOS 7:2

Küyimki arünü alo rimbo tsühkhamkhea, inü tha, “ O A TU N GPU H T H RÜ NPU H , neak bahjang, inü nü ki mushuchoh! Küde thsah Jakob zhipkhukpü? Api khide ninilah!”

NAHUM 3:7

Judüki nü ngürü alalanü nü kheaknü arholobah tüsho athabah, “ Nineve thsümünima lah; shepünü anihbe lümrhihba?” Nü shukheamrü inü küchingnü ayimba?

2 KORINT 7:13

Jumonü isa mulong shukheam lah. Tüsho isa mulong shukheamkhi kheak khiode Tita asühkhi ching isanü alü asühachihchoh, tümütüsho nüsa alalanü api lümkhi sühakhimshih.