ISAIA 51:18 - AMÜSÜH HÜM CL Bible (BSI)

¹⁸ Anihbenü zübekhi tsührü alala bolung shenü anihbe limmübe; anihbenü mütrümusukhi tsührü alala bolung shenü anihbe khah kheak mutho.

ISAIA 51:18 Iomraidhean Croise

JOB HU H T ANYU 8:20

Kheahang, Thrünpuhnü amülim mülakhi mihtsürü mübahyuk, yungsho amütsü rhimorü she murung.

MUNGSHIKHÜN 142:4

I khah tsülim mürüngang tüsho kheahang, tümüde I mükheahrü she müla; I tsoyukpü müla; shenü I me müküm.

MUNGSHIKHÜN 88:18

Amuzhorü tüsho müyamrü nünü I kheaknü limshude tsoshih, tüsho amiting ju I müyamrükhung ah.

ISAIA 41:13

Tümüde, I, Atungpuh nü Thrünpuh, nü khah tsülim ramlolah; inü nü ki thachoh, “Dütre, inü nü rungbah.”

ISAIA 45:1

Ha Atungpuhnü apinü mujude-mokhitkhi ki thachoh, shepü khah tsülim inü ramlola, api müngüh trükshihbo kukshihpü tüsho kiulongthsürübo zülu thokhipü, api müngüh khimdopü khimshuhpü– tüsho chipiripitbo mürih:

ISAIA 49:21

Judüki nü mulong ching nünü athabah, “Shenü I kilim harü zübejihkhea? I mitripde tüsho bünkeangberü, ramtso ching tsoshih-a lakheah– jumonü shenü harü mütrükhea? I a I langzü tsütsü lang alakheah dale harü küchingnü arükhea?”

ISAIA 54:11

O thsünükhi, chinthrüm-yünkhi, tüsho mushukheamkhi, inü nü khimtanbo shotolungbonü akhimbah,

JEREMIA 10:20

I khimyam thsümünimdo tüsho I liubo alala zhakdo; I tsührübo I kheaknü tsodo tüsho arü kheaküa müla; I khimyam thsülopü she müla tüsho khimbo zhindorü müla;

JEREMIA 31:32

Ha inü arü jipürü Ijip lomi chingnü khah kheaknü thokhitchoki tangzüng nangde yung, tümüde I arü aputungrü thsüthsü she, arünü I tangzüng thsümünim, Atungpuhnü thachoh.

EZEKIEL 34:6

I yo namfimihnubo hiumüzütabah, arübo müzüngbo tüsho awung achang alala kheak rümde tsah; I yo namfimihnubo shenü müyimde yungsho arü thsungkheak majuakheahde alomi alala kheak hiumüzüt.

AMOS 5:2

Anünübe Israel masürülopü thsüde lunga lah; anihbe lo kheak bahyuka lah, shenü anihbe mülahmusu.

MATHI 15:14

Arü küdah thsüshang. Arübo a müktukrü limberübo müktukrübo ah. Tüsho müktukrünü müktukrü limbesho, ane chido shingkung ching keamyukbah.”

MATHI 9:36

Küyimki apinü botobo ngükhea, apinü arü muzhode lüm, tümütüsho arübo aneakrü mülakhi namfimihnubo nangde thsümütsüde tüsho arungrü mülade alakheah.

MARK 8:23

Apinü müktukbuh ju akhah kheaknü thoa lubah kiulong chingnü wukhiuk. Küyimki apinü mihtsürü mük kheak mukhiukkihkhea, tüsho akhahnü api qiukhea, Jisunü keo, “Nünü tümükhüh ngünah?”

YUNIRÜBO RHIMO 13:11

Kheahang, Atungpuh khah nü kheak lah, tüsho anükhühkheak nü mük tuka ani müngüde alabah.” Zukleangnü shumuliu tüsho amiting api kheak yükih tüsho api khah kheaknü athoshihpü mihtsürübo yimde yü.

YUNIRÜBO RHIMO 9:8

Saulnü alo kheaknü asürü; tüsho küyimki api mükbo khimshuhkhea, apinü tümü mükheahkhuk; jumonü arünü akhahnü thobah Damaska ching arü.

IBRI 8:9

inü Ijip lomi chingnü arü khah kheaknü bekhitkhi nimung arü jipürü ki tangzüngkhi nangde yung; tümüde arünü I tangzüng ching müladebah, jumonü inü arü ki manijih, Atungpuhnü thachoh.