ISAIA 51:17 - AMÜSÜH HÜM CL Bible (BSI)

¹⁷ Nü asürang, nü asürang! zhipang, O Jirusalem, nü shepü Atungpuh khah kheaknü api bukakhiukkhi pung yungkhea,

ISAIA 51:17 Iomraidhean Croise

JOB HU H T ANYU 21:20

Api thsümünimkhi api müknü ngüshang, tüsho api Wuto bukakhiukkhi yungshang.

MUNGSHIKHÜN 11:6

Apinü mihbukmuyuk kheak mokhih tüsho motaklung akishihchoh; apinü apung ataknü arü thsümüchichoh.

MUNGSHIKHÜN 60:3

Nünü nü mihtsürü ki achak kukrukbo huh; nünü isa yukhu yunga yingyingshih.

MUNGSHIKHÜN 60:5

Junangde nünü muzhorü bekhitbah, nü khah tsülimnü khümkhitbah, tüsho I ki anijihbah.

MUNGSHIKHÜN 75:10

Mihbukmuyuk juhbo alala inü alipshakbah, tüshe thiyuro-lungkirü juhbo shuhkihbah.

MUNGSHIKHÜN 75:8

Tümüde Atungpuh khah ching pung khülang lah, tüsho yukhu ju amürüm; ju tsüde rhuzhihzhih, tüsho apinü dungkhitchoh; tüsho alomi mihbukmuyuk alalanü mütrünkhide ayungbah.

ISAIA 29:9

Nüsa makhaang tüsho zhazhade kamang, nüsa mük yihdoang tüsho tukang! Müshangang, tüshe yukhunü yung; yingyingang, tüshe amüshangbenü yung!

ISAIA 40:2

Jirusalem ki shukheamde asukang tüsho anihbe ki zhiang, junangde anihbe thirithsü kheamdo, anihbe mülimkhi shakdo, anihbe neak dünkheak mahne kinü Atungpuh khah chingnü leangkhido.

ISAIA 51:21

Jumonü ha aniang, nüsa sherü yuria la, sherü müshanga la, tüshe yukhunü yung:

ISAIA 51:22

Wuto Atungpuhnü ha thachoh, nü Thrünpuh shepünü api mihtsürü dünkheak mushujihcho: Kheahang, nü khah chingnü amüshangbe pung inü ludo; nünü kheaküa I bukakhiukkhi lakuk chingnü mütründe muyung.

ISAIA 51:9

Asürang, asürang, sühmüh zahang, O Atungpuh khah! Asürang, awün nimungbo, adüso lünbo nangde! Rahab adütre kamde khapthünakkhi, ke-rimri chinkhitbuh nü yung de?

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

ISAIA 63:6

I bukakhiukkhi ching inü mihtsürübo thrümthünak, I bukakhiukkhi ching inü arü zünak, tüsho inü arü rhangdung thiyih alomi kheak dungabah.”

JEREMIA 13:13

Judüki nünü arü ki thabah: Atungpuhnü ha thachoh: Ha lomi ching larü, David kiulongthsübinkiu kheak binrü kiulongthsürübo, amükeamrübo, wukihrübo tüsho Jirusalem ching larü alala inü amüshangshihbah.

JEREMIA 25:18

Jirusalem tüsho Juda kiutobo, kiulongthsürübo tüsho atorübo, arübo zhikrangkhündo thsümünimshihpü, arübo khihni lakhi nangde ish thsüpü tüsho muthrumüneanpü;

JEREMIA 25:27

Judüki nünü arü ki thabah, Wuto Atungpuh , Israel Thrünpuhnü ha thachoh: Inü nüsa bolung nukshang arüshihkhi hode yungang, müshangang tüsho mülümang, lungang tüsho dasürülo.

JEREMIA 44:6

Jumonü Juda kiutobo tüsho Jirusalem kiudunglimrobo ching I bukakhiukkhi dungkih tüsho trushih; tüsho jurübo athsümünim tüsho zhikrangkhündo kamabah, jurübo khihni khiungde lah.

ZEKARIA 12:2

Kheahang, inü Jirusalem ju mühi mihtsürü alala thsungkheaknü amüshangbe pung khülang kamshihpü lah; Jirusalem yanchoki Juda she ayanbah.

MATHI 20:22

Tüshe Jisunü arü ki tha, “Nüsanü tümü keokhichonü nüsanü mümükheah. Inü ayungpü lakhi pung nüsanü ayungkhukba shi?” Arünü api ki alo, “Isanü akukbah.”

1 KORINT 15:34

Nü lümkhi alungki ching arang, tüsho neak düyihbeaklo. Tümüde khürü a Thrünpuh mükheahkhi müla. Inü ha nüsa achihbe thachoh.

EFISIA 5:14

Jumonü ha tha, “O ayaprübo asürang, tüsho ashekhi chingnü asürang, tüsho Khristanü nüsa kilim ayin jihbah.”

YUZÜNGTHALO 28:28

Atungpuhnü nüsa kheak bünkeangbünru, müktuk tüsho lüm keakeashahshahnü athsümüchibah.

YUZÜNGTHALO 28:34

Junangde nü müknü angükhinü nü aduhabahshihbah.

AMIKHEAKAKHIUKKHI 14:10

api she Thrünpuh mulong zhipzhip pung mikhiukde ayukkhi yukhu yungbah. Api ju amüsüh yunirübo tüsho Namfimihnunu mikinü mo le yinchike bede thsümüchibah.

AMIKHEAKAKHIUKKHI 16:19

Ato kiuto ju mahsam thsüde chamnak, trükshih kiutobo lungabah, tüsho Thrünpuhnü api bukakhiukkhi pung mütrüna yungshihpü ato Babilon lümkhit.

AMIKHEAKAKHIUKKHI 18:6

Anihbenü ajihkhi nangde anihbe ki jihang; tüsho anihbe rhimobo dün alü thsüde athrihloang; anihbe khilim alü thsüde müküpde pung ching dungyukjang.

MAHKHAPRÜ 5:12

Wusuang, wusuang, Debora! Wusuang, wusuang, khün thsang! Asürang Barak, nü yo aramrübo bede tsoang, O Abinoam tsührü.