ISAIA 51:14 - AMÜSÜH HÜM CL Bible (BSI)

¹⁴ Junoa larü nahde adükhebah; arü müshe tüsho alokhün ching müyüzah, yungsho arü yikhap mümükheak.

ISAIA 51:14 Iomraidhean Croise

EZRA 1:5

Junangde Juda tüsho Benjamin trük chingnü gukbo aban ching azothsürübo, amükeamrübo, Levirübo tüsho sherü Thrünpuh nü ayüpü mulong athsungkheanü arübo Jirusalem ching arüngyam thsülopü tsahmusu.

ISAIA 30:20

Atungpuhnü nüsa ki azhihlokhi yikhap yungsho thsünükhi ke jihjih she, nüsa thsangyurübonü kheaküa müjik, tüshe nüsa müknü nüsa thsangyurübo ngübah.

ISAIA 33:6

api nüsa kim ching khimtan labah, akhümkhit, lümlung tüsho amükheah muzhomopungde lah; Atungpuh wüntrekhi ju Zion rahpung lah.

ISAIA 48:20

Babilon chingnü wukhiukang, Kaldea chingnü tsoang, ha asühkhinü zhide thaang, zhiyukang, ha alomi akheam ching yüshang; thaang, “Atungpuhnü api yamlarü Jakob rhokhitdo!”

ISAIA 49:10

arü mükhüm yungsho kemüthüri yungsho apung atak yungsho aninü arü kheak mütak, tümüde shepünü arü kheak müthsümchonü arü bebah, tüsho ayung limpeang arü bebah.

ISAIA 49:25

Tüshe Atungpuhnü ha thachoh: “ Wutonü aramkhi she alubah tüsho bukmüke shih she abekhitbah; tümüde nü kheak shochihrü kheak inü shochihbah, tüsho inü nü tsührübo khümkhitbah.

ISAIA 52:2

Asungthulung chingnü nü dütrünang, asürang, O aramkhi Jirusalem; arhükkhibo nü hung chingnü trünang, O aramkhi Zion tsührübe!

JEREMIA 37:16

Junangde Jeremia alokhün ching yuka zo, tüsho ju ching nimung ahihdo lakheah.

ZEKARIA 9:11

Nüsa thsungkheaknü I thiyih tangzüng nüsa kheak lakhinü, inü nüsa aramrübo ke mülakhi shingkung chingnü zuzu thsüde adükhebah.