ISAIA 51:13 - AMÜSÜH HÜM CL Bible (BSI)

¹³ Nünü nü Thrünrü, thüningbo jashihkhi tüsho alomi khimtanbuh Atungpuh mihdo. Nü mutuklode nimungroro ajunorü bukakhiukkhi hode trechoh, shepü athsümünimpü mükhüma la. Tüshe ajunorü bukakhiukkhi kükheak la?

ISAIA 51:13 Iomraidhean Croise

ESTER 5:14

Ju ching aniube le amüyamrübonü hade tharung, “Nünü süksahdung ashanglim limthrip 22nü thsang, jude thsah shido yapsu kiulongthsüpuh ki thabah Mordekai ju kheak zhinde sheshang, tüsho nü aniojikhi ching asühde yüang.” Haman nü ha lümkhi atsü ah de lümbah süksahdung thsakham.

ESTER 7:10

Junangde Haman ju anihbuhnü Mordekai sheshihpü süksahdung thsükhi kheak zhinde sheshih. Jushu kiulongthsüpuh bukakhiukkhi keamlo.

JOB HU H T ANYU 37:18

Nünü thüning thoshangpü tüsho ju aphezhingzhing yinchi ruk kamshihpü Thrünpuh rungkhukba de?

JOB HU H T ANYU 9:8

apinü lang thüningbo thoshangchoh, tüsho keto shiwüh düthsün kheak jungchoh;

MUNGSHIKHÜN 104:2

shepü khimmih nangde ayinnü phudola, shepünü zhindokhim nangde thüningbo thoshang,

MUNGSHIKHÜN 106:13

Arünü nahde api rhimobo mih; arünü api lümthiyan maleang,

MUNGSHIKHÜN 76:10

Mihtsürü bukakhiukkhinü nü mung shipü lang akhiukshihchoh, tüsho thirithsü ching aninga larünü nü yo thünio niobah.

ISAIA 10:24

Jumonü Wuto Atungpuhnü ha thachoh: O Zion ching lakhi I mihtsürü, Ijiprünü arhimokhi nangde Asiriarünü nüsa tsonü alakkhi tüsho nüsa azhihde shitso shuhkihkhi dütre.

ISAIA 14:4

nüsanü Babilon kiulongthsüpuh azhihde ha mükhemükimbah: “ Küdükhüh she ajunorü arün thsüde! Küdükhüh she api mulong zhipzhip arün thsüde!

ISAIA 16:4

Moabrü yankhita-tsahrü nüsa lung lashang; athsümünimrü kheaknü arü jikpung thsang.” Küyimki ajunorü mülade akambanü, tüsho athsümünim kheambanü, tüsho jangkhijangrarü lomi chingnü akheambanü,

ISAIA 17:10

Tümüde nüsanü nüsa khümkhitbuh Thrünpuh mihabahdo, tüsho nüsa tsoyukpung Lung mülümkhit; jumonü, nüsanü sangdung atsü khimkhim she tüsho khiungke lim yo kurungasobo khimkhim she,

ISAIA 40:21

Nünü mümükheahkhea de? Nünü muso de? Ha atankih chingnü nü ki mütha de? Nünü alomi khimtanchokinü manikhitkhea de?

ISAIA 40:22

Api alomi mühean kumung kheak binlah tüsho ju ching larübo sangyü-tangkho nangde lah; Shepünü thüningbo zhindokhim nangde thoshangcho, tüsho lapung khimyam nangde zünglangcho;

ISAIA 42:5

Atungpuh , Thrünpuhnü ha thachoh, shenü thüningbo thrünkhea tüsho atoshihkhea, shenü alomi tüsho ju ching lakhi jashihkhea, shenü ju kheak mihtsürübo kilim sheak tüsho ju ching tsahrü kilim me jihcho:

ISAIA 43:1

Tüshe kheakü Atungpuhnü ha thachoh, shepünü nü thrünkhea, O Jakob, shepünü nü kamshihkhea, O Israel: Dütre, tümüde inü nü rhokhit; inü nü mungnü ji, nü I yo.

ISAIA 44:24

Atungpuhnü rhokhitrünü ha thachoh, Shepünü nuyam chingnü kamshihkhea: I Atungpuh , shepünü alala thrünkhea, shepünü lang thüningbo züngshangkhea, shepünü I küdahnü alomi jashih;

ISAIA 45:12

Inü alomi thrün, tüsho ju kheak mihtsürü thrün; I khahnü thüningbo thoshang tüsho chiningbo ki thiyukhüm jih.

ISAIA 45:18

Tümüde Atungpuhnü ha thachoh, shepünü thüningbo thrünkhea, api Thrünpuh ah; shepünü alomi kamshihkhea tüsho athsükhea, apinü thrünkihdo; apinü akeangkeang zopü müthrün, apinü alashihpü kamshih: I Atungpuh tüsho püpürü müla.

ISAIA 48:13

I khahnü alomi khimtan khim, tüsho I khah tsülimnü thüningbo thoshang; küpü inü arü ki jikhea, arü rukhühnü zhip.

ISAIA 49:26

Inü nü junorübo ki arü shih tsühloshihbah, tüsho arü thiyihnü yukhunü nangde amüshangbah. Judüki mihtsürü alalanü I Atungpuh nüsa Khümkhitrü tüsho nüsa Rhokhitrü, Jakob yo Wuto Khülang de amükheahbah.”

ISAIA 54:14

Thiyuro-lungki ching nü rünkihbah; nü junopü chingnü limshude alabah, tümüde nü mütrede alabah, tüsho atrebe müla, tümüde ju nü phünide marü.

ISAIA 57:11

Nünü she ki trekhea, junangde nünü akeangyu thakhea tüsho I mülümkhit yungsho I kilim lümkhi müjihkhea? Inü kim ashangkhüh zhikde alamo nünü I mütrekhea de?

ISAIA 7:4

tüsho api ki thaang, Aniang, zhikde laang, dütre, tüsho Rezin le Siria tüsho Remalia tsührü müküpde bukakhiukkhi, ha mozhuh aniukheamkhi mahne dünkheaknü nü mulong düjaniu.

ISAIA 9:4

Tümüde arü nolokhi sangkaplak tüsho arü dubuh ajapkhi sangdüdam, arü junokhi tso, Midiarü kukkhi nimung nangde nünü yihshak.

JEREMIA 2:32

Anünürü khülangnü anihbe zülu yungsho arhangrü khülangnü anihbe thüniokhimmih mihba de? Tütüshe I mihtsürünü mükhebinbe nimungbo I mihabahdo.

JEREMIA 38:19

Kiulongthsüpuh Zedekianü Jeremia ki tha, “ Inü Kaldearü kilim tsode ayükhi Jihudarü trelah, tümüde I arü kilim jihpü labah tüsho arünü I thsümüchibah.”

JEREMIA 41:18

ju Kaldearü dünkheaknü ah; tümüde arübonü arü trede alakheah, tümütüsho Babilon kiulongthsüpuhnü lomi kurungkheak kovünor mokhitkhi Ahikam tsührü Gedalia ju Nethania tsührü Ishmaelnü laksah.

JEREMIA 51:15

Api wunü alomi thrün, api lümlungnü alomi lashih, tüsho api anikhitkhinü thüningbo thoshang.

JEREMIA 51:19

Jakob Thrünpuh a harü ruk yung, tümüde kukruk alala kamkhitshihkhi ju api ah, tüsho Israel ju api yamrüplurüp trük lah; Wuto Atungpuh ju api mung.

DANIEL 3:15

Kheakü nüsanü küyimki shihjuh, khungpi, hulipungpung, bingkhung, bingshang, huhpung tüsho khün düsheak aphuaphu sobanü inü athsükhi mejak kingaünpü thsüde khukningpü thsakhama lasho khide tsülah. Tüsho nüsanü ju mükingaünsho, judüchokinü nüsa motru ching ramyukbah. Judüki tümü thrünpuhnü nüsa I khah chingnü khümkhitkhukba?”

DANIEL 3:18

Tüshe Apinü jude müthsüthsü she nünü ha mükheahang, O kiulongthsüpuh, junangde isanü nü thrünpuhbo mütankih yungsho nünü thsüa zhipshihkhi suna mejak mükingaün.”

DANIEL 3:19

Judüki Nebukednezarnü Shadrak, Meshak tüsho Abednego kheak mulong zhipzhip, tüsho arü ki api yakli müthriabah. Apinü motru ju püpüki kheaknü thüne ki alü takshihpü thiyukhüm jih,

YUNIRÜBO RHIMO 12:23

Zukleangnü Atungpuh yunirünü api shik, tümütüsho apinü Thrünpuh müremütah; api ju musonü ru tüsho sheabah.

1 KORINT 1:20

Lümlung larü mihtsürü küching la? Mükheahmudurü küching la? Ha lün ching atsangachihrü küching la? Thrünpuhnü alomi lümlung makhashihkhi yung de?

1 KORINT 15:55

“O ashekhi, nü akuk ngükhi küching la? O ashekhi, nü yo thsünübe küching la?”

YUZÜNGTHALO 32:18

Nüsanü nüsa mütrübuh lung bahyuk; nüsanü nüsa zübebuh Thrünpuh mihabah.

YUZÜNGTHALO 6:12

nüsa Ijip lo, azhorü kuhi chingnü abekhitbuh Atungpuh mümihpü kümkangang.

YUZÜNGTHALO 8:11

“Nüsanü api yukhümbo, yuzüngbo, yakzanbo, küpü inü khihni nüsa ki thiyukhüm jihchonü harü manikhi hode Atungpuh mihamübahpü kümkangang.

IBRI 11:15

Arünü zojihbah arükhi arünü lümde lakhülaa, arü alode ayüpü kim ngüa labah.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

AMIKHEAKAKHIUKKHI 20:9

Arünü alomi amükah hode tsahde yü tüsho amüsührü le amuzhokhi kiuto zündo; tüshe yinmi chingnü mo aki tüsho arü aniuabah,